সপোনত আমি যি দেখিছো তাৰ বাখ্যা পোৱা যায় স্বপ্নশাস্ত্ৰত৷ বৈদিক জ্যোতিষৰেই এক গুৰুত্বপূৰ্ণ অংগ হৈছে স্বপ্নশাস্ত্ৰ৷ আমাৰ জীৱনত কি ঘটিছে তাৰ ইংগিত সপোনৰ পৰাই পোৱা যায়৷ সপোনত আমি যি দেখো তাতেই আমাৰ জীৱনৰ সকলো গুৰুত্বপূৰ্ণ বাৰ্তা থাকে৷ কোনো কোনো সপোনে যেনেকৈ ভৱিষ্যতৰ শুভ ইংগিত দিয়ে তেনেকৈ কিছু সপোনে ভৱিষ্যতে ঘটিব লগা বেয়া ঘটনাৰো ইংগিত দিয়ে৷
সপোনৰ গৰু দেখাৰ অৰ্থ
সপোনত আমি বহুসময়ত বিভিন্ন প্ৰাণী দেখা পাওঁ৷ কিন্তু সপোনত কেতিয়াবা গৰু দেখা পাইছে নেকি? সপোনত গৰু দেখাটোৱে কি অৰ্থ বহন কৰে? হিন্দু ধৰ্মত গৰু অত্যন্ত মঙ্গলময় এটা প্ৰাণী৷ গৰুক হিন্দুৱে মাতৃৰূপে আৰাধনা কৰে৷ সেয়ে সপোনত গৰুৰ সপোন দেখাটো অত্যন্ত শুভ৷ এই সপোনে জীৱনলৈ সুখ, সমৃদ্ধি আৰু সৌভাগ্য কঢ়িয়াই আনে৷
সপোন দেখাৰ পাছত কি কৰিব?
১. নিশা ৩ বজাৰ পৰা সূৰ্যোদয়ৰ মাজত গৰুৰ সপোন দেখিলে ৭দিনৰ ভিতৰতেই আপুনি সুফল পাব৷
২. মাজনিশা গৰুৰ সপোন দেখিলে এমাহৰ ভিতৰতেই সুফল পাব৷
৩. মাজনিশাৰ ঠিক পূৰ্বে যদি সপোনত গৰু দেখে তেন্তে এবছৰৰ ভিতৰত আপুনি সুফল পাব৷
৪. সূৰ্যোদয়ৰ ঠিক পূৰ্বে এই সপোন দেখিলে লগে লগেই ফল পাব৷
৫. যদি দিনত শোৱাৰ সময়ত তেনে সপোন দেখে তেন্তে কোনো ফল নাপায়৷
গৰুৰ সপোন দেখাৰ পাছত যদি টোপনি ভাঙে তেন্তে ইয়াৰ পাছত আৰু নুশোব৷ টোপনিৰ পাছত আকৌ সপোন দেখিলে পূৰ্বৰ সপোনৰ কোনো কাৰ্যকৰিতা নাথাকে৷ এই সপোনৰ কথা কাকো ভুলতো নক’ব৷ পুৱাই গৰুক গুড় খোৱালেও আপোনাৰ জীৱনত পজিটিভ এনাৰ্জিৰ প্ৰভাৱ বাঢ়িব৷
বিভিন্ন ধৰণৰ গৰুৰ সপোনৰ অৰ্থ
১. বগা ৰঙৰ গৰুৰ সপোন দেখিলে চন্দ্ৰ আৰু শুক্ৰৰ শুভ প্ৰভাৱ পোৱা যায়৷ ইয়াৰ ফলত জীৱনত প্ৰেম, বিলাসিতা আৰু ধৰ্মীয় ভাৱ বৃদ্ধি পায়৷
২. ক’লা গৰুৰ সপোন দেখিলে শনিৰ দশা কাটি যায়৷ ইয়াৰ ফলত আপুনি পৰিশ্ৰমৰ সুফল লাভ কৰিব পাৰে৷
৩. ৰঙা গৰুৰ সপোন দেখিলে মঙ্গলৰ শুভ প্ৰভাৱ পোৱা যায়৷ এই সপোন সৌভাগ্য আৰু শক্তিৰ প্ৰতীক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
