অসম চৰকাৰে তৃতীয় শ্ৰেণী পৰা দ্বাদশ শ্ৰেণীলৈকে গণিত আৰু সাধাৰণ বিজ্ঞান বিষয়ত ইংৰাজী মাধ্যম শিক্ষাদান কৰা হ’ব বুলি সদৰী কৰাৰ লগে লগে ৰাজ্যজুৰি তুমুল বিতৰ্কৰ সৃষ্টি হৈছে৷
ৰাজ্যৰ বৌদ্ধিক সমাজ, আৰু অসম সাহিত্য সভাই চৰকাৰে মাতৃভাষাৰ প্ৰতি আওকণীয়া মনোভাৱ পোষণ কৰি এইদৰে হঠকাৰী সিদ্ধান্ত লোৱা বুলি বিষোদগাৰ প্ৰকাশ কৰিছে৷ আনকি ৰাজ্যৰ বিৰোধী ৰাজনৈতিক দলবোৰেও চৰকাৰৰ এই সিদ্ধান্তক তীব্ৰ বিৰোধিতা কৰিছে৷
সামাজিক মাধ্যমতো অধিকাংশ সচেতন নেট-নাগৰিকে চৰকাৰৰ সিদ্ধান্তক বিৰোধ কৰি মাতৃভাষাতে গণিত আৰু সাধাৰণ বিজ্ঞান বিষয়ৰ শিক্ষাদান কৰিব লাগে বুলি স্পষ্টভাৱে মতপ্ৰকাশ কৰিছে৷
লগতে পঢ়ক ‘মোৰ পেঞ্চিল, ৰবৰ, মেগী দামী হৈ গ’ল, মোদীজী মই এতিয়া কি কৰোঁ’
এনে বিতৰ্কৰ ধামখুমীয়াতে ২০২২ বৰ্ষৰ উচ্চতৰ মাধ্যমিক চূড়ান্ত পৰীক্ষাৰ বিজ্ঞান শাখাত প্ৰথম স্থান লাভ কৰা মেধাৱী তথা সমাজ সচতেন ছাত্ৰ ধৃতিৰাজ বাস্তৱ কলিতাইও নিজৰ মতামত প্ৰকাশ কৰিছে৷
এই স্পৰ্শকাতৰ বিষয়টোৰ সন্দৰ্ভত মতপ্ৰকাশ কৰি মেধাৱী ছাত্ৰগৰাকীয়ে কয় যে তৃতীয় শ্ৰেণীৰ পৰাই যদি ছাত্ৰ-ছাত্ৰীয়ে গণিত আৰু বিজ্ঞান বিষয় দুটা ইংৰাজী মাধ্যমত পঢ়িবলৈ পাই তেন্তে আগলৈ ছাত্ৰ-ছাত্ৰীসকলৰ সুবিধা হ’ব।
লগতে পঢ়ক গোপন কেমেৰাৰে পেহীয়েকৰ অবৈধ যৌনাচাৰ ৰেকৰ্ডিং, ২৫ লাখ টকা দাবী দুই প্ৰেমাস্পদৰ
অসম কেবিনেটৰ এই সিদ্ধান্তক আদৰণি জনাই মেধাৱী ছাত্ৰ ধৃতিৰাজ বাস্তৱ কলিতাই লগতে কয় দশম শ্ৰেণীলৈকে অসমীয়া মাধ্যমত পঢ়ি হঠাৎ একাদশ শ্ৰেণীত ইংৰাজী মাধ্যম পঢ়িবলৈ ল’লে ছাত্ৰ-ছাত্ৰী যথেষ্ট অসুবিধাৰ সন্মুখীন হয়। সেয়েহে আৰম্ভণিৰ পৰাই যদি গণিত আৰু সাধাৰণ বিজ্ঞান বিষয় দুটা ইংৰাজী মাধ্যমত পঢ়িবলৈ পায়, তেন্তে বিশেষ সুবিধা হ’ব।
সমাজ সচেতন ছাত্ৰগৰাকীৰ মতে এই সিদ্ধান্তই উঠি অহা প্ৰজন্মক যথেষ্টখিনি অনুপ্ৰাণিত কৰাৰ লগতে বিদ্যায়তনিক ক্ষেত্ৰত আগবঢ়াত সহায় কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ