বিশ্বৰ আটাইতকৈ ধনী ব্যক্তি তথা টেছলাৰ মুখ্য কাৰ্যবাহী বিষয়া এলন মাস্কে নিজৰ ব্যৱসায়ৰ লগতে ব্যক্তিগত জীৱনৰ বাবেও শিৰোনাম দখল কৰি আহিছে। এইবাৰ আকৌ এবাৰ তেওঁ দুই যমজ সন্তানৰ বাবে সংবাদ শিৰোণাম দখল কৰিছে। এক প্ৰতিবেদনত দাবী কৰা হৈছে যে তেওঁৰ কোম্পানীৰ এজন শীৰ্ষ কাৰ্যবাহীয়ে যোৱা বছৰ মাস্কৰ যমজ সন্তানহালক জন্ম দিছিল।
বিজনেছ ইনছাইডাৰৰ এক প্ৰতিবেদন অনুসৰি ২০২১ চনৰ নৱেম্বৰ মাহত মাস্কৰ এটা কোম্পানীত কাম কৰা শ্বিভন জিলিছে তেওঁলোকৰ দুটা যমজ সন্তান জন্ম দিছিল। শ্বিভনক এলন মাস্কৰ কোম্পানী নিউৰালিংকত বিষয়া হিচাপে নিযুক্তি দিয়া হৈছে।
এলন আৰু জিলিছে এপ্ৰিল মাহত এখন আবেদন দাখিল কৰি তেওঁলোকৰ সন্তানৰ নামৰ শেষত পিতৃৰ নাম আৰু মাজত মাতৃৰ নাম যোগ দিয়াৰ দাবী জনাইছিল। এই আবেদনৰ পিছতহে সমগ্ৰ বিশ্বই মাস্কৰ যমজ সন্তানৰ বিষয়ে জানিব পাৰে। মে মাহত মাস্ক আৰু শ্বিভনে দাখিল কৰা এই আবেদনখন অনুমোদন কৰা হৈছে।
লগতে পঢ়ক বিপদত অভিনেতা নৱাজুদ্দিন ছিদ্দিকীৰ পত্নী! আলিয়াৰ বিৰুদ্ধে এজাহাৰ দাখিল
শ্বিভন জিলিছৰ সৈতে যমজ সন্তান আৰু প্ৰেমৰ সম্পৰ্কৰ খবৰ ৰাজহুৱা হোৱাৰ পিছতে এতিয়া এলন মাস্কৰ ৯ টা সন্তান পিতৃ হোৱাটো নিশ্চিত হৈছে। এলন মাস্কৰ প্ৰাক্তন পত্নী কানাডিয়ান লেখক জাষ্টিন উইলছনৰ ফালৰ তেওঁৰ ৫ টা সন্তান আছে। একে সময়তে তেওঁৰ প্ৰেমিকা কানাডিয়ান গায়ক গ্ৰাইমছৰ পৰা এজন পুত্ৰ আৰু দুগৰাকী কন্যা সন্তান আছে।
শ্বিভন জিলিছ এলন মাস্কৰ নিউৰালিংকৰ পৰিচালনা আৰু বিশেষ প্ৰকল্পৰ সঞ্চালক। এলন মাস্ক নিউৰালিংকৰ অধ্যক্ষ। ২০১৭ চনৰ মে’ মাহৰ পৰা জিলিছে কোম্পানীটোত কাম কৰি আছে। লিংকডইনত তেওঁৰ প্ৰফাইল অনুসৰি তেওঁ কৃত্ৰিম বুদ্ধিমত্তাৰ ব’ৰ্ডৰ সদস্যও হৈ আহিছে। ২০১৯ চনত মাস্কৰ অ’টো কোম্পানী টেছলাৰ কৃত্ৰিম বুদ্ধিমত্তাৰ সঞ্চালক হিচাপেও নিযুক্তি দিয়া হৈছিল জিলিছক।
লগতে পঢ়ক ঐ ৰাম ভগৱন্ত মানৰ বিয়া এ! কাইলৈ মুখ্যমন্ত্ৰী মানৰ দ্বিতীয় বিবাহ
ইফালে কেইদিনমান আগতে এলন মাস্কৰ ট্ৰেন্সজেণ্ডাৰ কন্যাই নাম সলনি কৰিবলৈ আবেদন দাখিল কৰিছিল। মাস্কৰ কন্যাই কয় যে তেওঁ জৈৱিক পিতৃৰ সৈতে কোনো ধৰণে সংযোগ স্থাপন কৰিব নিবিচাৰে। মাস্কৰ কন্যাৰ কুমাৰীকালৰ নাম আছিল জেভিয়াৰ আলেকজেণ্ডাৰ মাস্ক।
১৮ বছৰ সম্পূৰ্ণ হোৱাৰ লগে লগে তেওঁ আদালতত আবেদন দাখিল কৰি নিজৰ নাম ভিভিয়ান জেনা উইলছনলৈ সলনি কৰিবলৈ অনুমতি বিচাৰিছিল৷ আনকি জন্মৰ প্ৰমাণ পত্ৰত নিজৰ নতুন লিংগ পৰিচয় অৰ্থাৎ ট্ৰেন্সজেণ্ডাৰৰ লিপিৱদ্ধ কৰিবলৈও আবেদন কৰি অনুমতি বিচাৰিছিল৷ আদালতে মাস্কৰ ট্ৰেন্সজেণ্ডাৰ কন্যাৰ আবেদন গ্ৰহণ কৰি অনুমোদন জনাইছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
