পাকিস্তানৰ প্ৰধানমন্ত্ৰীৰ গাদী হেৰুওৱাৰ পিছতে প্ৰাক্তন প্ৰধানমন্ত্ৰী ইমৰাণ খানৰ জীৱনলৈ ক্ৰমাৎ অশনি সংকেত আহিছে৷ শ্বেহবাজ শ্বৰীফে প্ৰধানমন্ত্ৰী হিচাপে দায়িত্ব লোৱাৰ পিছতে প্ৰাক্তন প্ৰধানমন্ত্ৰীগৰাকীৰ বিৰুদ্ধে তদন্ত ঘোষণা কৰা হৈছে৷
পাকিস্তানৰ সংবাদ মাধ্যমত প্ৰকাশিত খবৰ মতে ইমৰাণ খানৰ এডাল অতি বিলাসী নেকলেচৰ বিৰুদ্ধে দেশখনৰ অনুসন্ধানকাৰী সংস্থাই তদন্তৰ ঘোষণা কৰিছে৷
বুধবাৰে পাকিস্তানৰ অনুসন্ধানকাৰী সংস্থা ফেডাৰেল ইনভেষ্টিগেচন এজেঞ্চিয়ে ইমৰাণ খানৰ ১৮ কোটি টকীয়া এডাল নেকলেচৰ বিক্ৰী সংক্ৰান্তীয় গোচৰৰ তদন্ত কৰিব বুলি ঘোষণা কৰিছে৷
লগতে পঢ়ক উচ্চ শিক্ষাৰ শিক্ষাৰ্থীৰ বাবে সুখবৰ! একেলগে ল’ব পাৰিব উচ্চ শিক্ষাৰ দুটাকৈ ডিগ্ৰী
উল্লেখ্য যে প্ৰধানমন্ত্ৰী হৈ থকাৰ সময়ত ইমৰাণ খানে ১৮ কোটি টকাৰ মূল্যৰ এডাল নেকলেচ উপহাৰ হিচাপে লাভ কৰিছিল৷ ইমৰাণ খানে উক্ত নেকলেচডাল ত’চা-খানাত জমা দিয়াৰ বিপৰীতে তেওঁৰ প্ৰাক্তন সহযোগী জুলফিকৰ বুখাৰীক প্ৰদান কৰে৷ আৰু বুখাৰীয়ে সেই নেকলেচডাল লাহোৰৰ এজন জুৱেলাৰী ব্যৱসায়ীক ১৮ কোটি টকাত বিক্ৰী কৰে৷
FIAএ এই মূল্যৱান ১৮ কোটি টকীয়া নেকলেচডাল ইমৰাণ খানে উপহাৰ হিচাপে লাভ কৰা, ৰাষ্ট্ৰীয় উপহাৰ ভঁৰালত জমা নিদি বুখাৰীক প্ৰদান কৰা আৰু বুখাৰীয়ে ব্যৱসায়ীক বিক্ৰী কৰা এই সকলোবোৰ দিশকে সাঙুৰি তদন্ত কৰিব৷
লগতে পঢ়ক কোভিড বিধি ভংগ! প্ৰধানমন্ত্ৰীসহ বিত্তমন্ত্ৰীক জৰিমনা আৰক্ষীৰ
ৰাজহুৱা এই উপহাৰ ব্যক্তিগতভাৱে ব্যৱহাৰ কৰিবলৈ ইমৰাণ খানে ইয়াৰ আধা মূল্য ৰাষ্ট্ৰীয় কোষাগাৰত জমা দিব লাগিছিল যদিও তেওঁ সেয়া নকৰি ইয়াৰ বিনিময়ত মাত্ৰ কেইহাজাৰ মান টকাহে জমা দিছিল৷ যিটোক পাকিস্তানত বেআইনী বুলি ধৰা হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
