অসম লাইভ২৪ঃ ৰাণী মুখাৰ্জী বিগত প্ৰায় এটা দশকতকৈয়ো অধিক সময় ধৰি বলীউডত কাম কৰি আছে৷ জনপ্ৰিয় অভিনেত্ৰীগৰাকীক এতিয়া আৰু পৃথক কোনো পৰিচয়ৰ প্ৰয়োজনো নাই৷ ৰাণী মুখাৰ্জী বুলিলেই তেওঁক নজনা মানুহ হয়তো খুব কমেই ওলাব৷ ডাইৰেক্টৰ, প্ৰযোজক আদিত্য চোপ্ৰাৰ পত্নী ৰাণী মুখাৰ্জীৰ আজি ৪৫ সংখ্যক ওপজা দিন৷ ৰাণী মুখাৰ্জীৰ ওপজা দিনত তেওঁৰ জীৱনৰ এটি বিশেষ কাহিনী, যি কাহিনী ৰাণীয়ে নিজেই কৈছিল এক সাক্ষাৎকাৰত৷ হাস্পতালত জন্মগ্ৰহণ কৰাৰ লগে লগেই ৰাণী মুখাৰ্জীয়ে নিজৰ পৰিয়ালৰ পৰা বিচ্ছিন্ন হৈছিল৷ অন্য নৱজাতকৰ সৈতে বদলি হৈ গৈছিল ৰাণী৷ অন্য এটি শিশুৰ সৈতে ৰাণী মুখাৰ্জী কেনেকৈ সলনি হৈছিল?
ৰাণী মুখাৰ্জীৰ সৈতে জন্মতেই কি হৈছিল?
ৰাণী মুখাৰ্জীয়ে জন্মতেই হাস্পতালত অন্য শিশুৰ সৈতে বদলি হৈ গৈছিল৷ এই কথা নিজেই এক সাক্ষাৎকাৰত প্ৰকাশ কৰিছে ৰাণীয়ে৷ ৰাণী বদলি হৈ যোৱাৰ পিছত মাতৃয়ে আকৌ কেনেকৈ ৰাণীক বিচাৰি উলিয়াইছিল সেই কথাও প্ৰকাশ কৰিছে৷
সাক্ষাৎকাৰটোত ৰাণীয়ে কয় যে, এক পাঞ্জাৱী পৰিয়ালে ৰাণীক লৈ গৈছিল৷ পাঞ্জাৱী পৰিয়ালটোৰ সন্তানটো আকৌ ৰাণীৰ মাতৃৰ হাতলৈ আহিছিল৷ ৰাণীৰ মাকে সন্তানটো কোলাত লৈয়েই লগে লগে কৈ উঠিছিল এয়া তেওঁৰ সন্তান হ’ব নোৱাৰে৷ ৰাণীয়ে মাতৃয়ে লগে লগে সমগ্ৰ হাস্পতালত ৰাণীক বিচাৰি হাহাকাৰ কৰে৷ অৱশেষত পাঞ্জাৱী পৰিয়ালটোৰ পৰা ৰাণীক লৈ আহে ৰাণীৰ মাতৃয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
