ধেমাজি জিলাৰ চিলাপথাৰত মানৱ সমাজক লজ্জানত কৰা এক জঘন্য ঘটনা পোহৰলৈ আহিছে৷ ঘটনাটো পোহৰলৈ অহাৰ পাছতে সমগ্ৰ অঞ্চলজুৰি তীব্ৰ চাঞ্চল্যৰ সৃষ্টি হৈছে৷
জানিব পৰা মতে জিলাখনৰ চিলাপথাৰৰ আমগুৰিৰ কুলি গাঁৱৰ প্ৰবীণ দত্ত নামৰ লম্পট চৰিত্ৰৰ লোকজনে দীৰ্ঘদিন ধৰি নিজ কন্যাক ধৰ্ষণ কৰি আহিছিল৷
অভিযুক্ত লোকজনৰ কন্যা অৱশেষত গৰ্ভৱতী হোৱাৰ পাছতহে এই জঘন্য কাণ্ডটো পোহৰলৈ আহিছে৷
লগতে পঢ়ক দিল্লীক লণ্ডন আৰু পেৰিছ দৰে কৰাৰ প্ৰতিশ্ৰুতি কি হ’ল? কেজৰিৱালক তুলধুনা হিমন্তৰ!
ভুক্তভোগী কন্যাগৰাকীয়ে সংবাদ মাধ্যমত প্ৰকাশ কৰা মতে পিতৃয়ে দাৰে কটাৰ ভাবুকি প্ৰদান কৰি যোৱা ছমাহে যৌন উৎপীড়ন চলাই আহিছিল৷ এই সম্পৰ্কে ভুক্তভোগীয়ে নিজ জ্যেষ্ঠ ভগ্নী অৱগত কৰিছিল যদিও কথাটো গোপনে ৰখা বুলি সদৰী কৰিছে৷
ইপিনে কন্যাগৰাকী গৰ্ভৱতী হোৱাৰ পাছতে স্থানীয় মহিলা সমিতিয়ে সোধা পোচা কৰাতহে ঘটনাটো পোহৰলৈ আহে৷ ভুক্তভোগীয়ে স্থানীয় মহিলা সমিতিৰ আগত স্বীকাৰ কৰে যে নিজ পিতৃয়ে ধৰ্ষণ কৰি অহাৰ ফলতে তেওঁ গৰ্ভৱতী হয়৷
স্থানীয় মহিলাসকলে সংবাদ মাধ্যমৰ আগত প্ৰকাশ কৰিছে যে চিকিৎসকে জনোৱা মতে অহা ১০ অক্টোবৰত ভুক্তভোগী কন্যাগৰাকীৰ প্ৰসৱৰ দিন পৰিছে৷
লগতে পঢ়ক নিজ কন্যাক ধৰ্ষণ পাষণ্ড পিতৃৰ! পিতৃৰ অত্যাচাৰ সহ্য কৰিব নোৱাৰি আত্মহত্যা কন্যাৰ
ইয়াৰ পাছতে স্থানীয় মহিলা সমিতিয়ে ঘটনা সন্দৰ্ভত স্থানীয় আৰক্ষীৰ কাষ চাপে৷ ভুক্তভোগী কন্যাগৰাকীৰ পিতৃৰ বিৰুদ্ধে অভিযোগ দাখিল কৰি কঠোৰতম শাস্তি প্ৰদান কৰিবলৈ স্থানীয় মহিলাসকলে দাবী জনাইছে৷
নিজ পিতয়ে এনে জঘন্য কাণ্ড সংঘটিত কৰাৰ ঘটনা পোহৰলৈ অহাৰ পিছতে আমগুৰিসহ চিলাপথাৰৰ অঞ্চলত তীব্ৰ চাঞ্চল্যৰ সৃষ্টি হোৱাৰ লগতে সকলোৱে একমুখে ঘটনাটো গৰিহণা দি অভিযুক্ত পিতৃগৰাকীক কঠোৰ শাস্তি প্ৰদান কৰিবলৈ আৰক্ষীৰ ওচৰত দাবী কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
