আম আদমী পাৰ্টী নেতা তথা দিল্লীৰ মুখ্যমন্ত্ৰী অৰবিন্দ কেজৰিৱাল আৰু অসমৰ মুখ্যমন্ত্ৰী ডঃ হিমন্ত বিশ্ব শৰ্মাৰ মাজত বাকযুদ্ধ তীব্ৰতৰ হৈ পৰিছে।
অমস চৰকাৰে ৰাজ্যৰ ১৯৫ খন চৰকাৰী বিদ্যালয় বন্ধ কৰাৰ প্ৰসংগত দিল্লীৰ মুখ্যমন্ত্ৰী অৰবিন্দ কেজৰিৱালে টুইট কৰাৰ পাছতে দুই মুখ্যমন্ত্ৰী বাকযুদ্ধই ট্ৰেণ্ডিঙত আছে৷
দিল্লীৰ মুখ্যমন্ত্ৰী কেজৰিৱালে অসমৰ মুখ্যমন্ত্ৰী ডঃ হিমন্ত বিশ্ব শৰ্মাক অসমৰ চৰকাৰী বিদ্যালয়সমূহ দেখুওৱাবলৈ নিমন্ত্ৰণ কৰিবলৈ আহ্বান জনোৱাৰ পাছতে মুখ্যমন্ত্ৰী ডঃ শৰ্মাই কেজৰিৱালক দিল্লী এখন পৌৰসভাহে বুলি তাচ্ছিল্য কৰিছিল৷ ইয়াৰ পিছতো দিল্লীৰ মুখ্যমন্ত্ৰী কেজৰিৱালে ডঃ হিমন্ত বিশ্ব শৰ্মাক তেওঁক নিমন্ত্ৰণৰ প্ৰসংগটোত জোৰ দিয়ে৷\
লগতে পঢ়ক পালাৰত খাকী পোছাকত যুৱতীৰে মালিচ আৰক্ষী বিষয়াৰ, আৰক্ষীৰ উদ্ধৰ্তন কৰ্তৃপক্ষই কৰিলে নিলম্বন
ইয়াৰ পিছতে অসমৰ মুখ্যমন্ত্রী হিমন্ত বিশ্ব শর্মাই পুনৰবাৰ দিল্লীৰ মুখ্যমন্ত্রী অৰবিন্দ কেজৰিৱালক পুনৰ আক্ৰমণৰ লক্ষ্য কৰি লৈছে৷ হিমন্ত বিশ্ব শৰ্মাই টুইট কৰি লিখিছে যে আপুনি দিল্লীক লণ্ডন আৰু পেৰিছৰ দৰে কৰাৰ প্ৰতিশ্ৰুতিৰে ক্ষমতালৈ আহিছিল আৰু এতিয়া অসম আৰু উত্তৰ-পূবৰ সৰু সৰু চহৰৰ লগত তুলনা কৰিবলৈ আৰম্ভ কৰিলে। বিশ্বাস কৰক, যদি বিজেপিয়ে দিল্লীৰ দৰে এখন চহৰ আৰু সম্পদ পায়, তেন্তে দলটোৱে ইয়াক বিশ্বৰ আটাইতকৈ সমৃদ্ধিশালী চহৰ হিচাপে গঢ়ি তুলিব।
হিমন্ত বিশ্ব শৰ্মাই টুইটত আৰু কয় যে আজি আপোনালোকে অসমলৈ অহাৰ ইচ্ছা প্ৰকাশ কৰিছে। অসমৰ জনসাধাৰণে বানপানীৰ দৰে ভয়াৱহ প্ৰাকৃতিক দুৰ্যোগৰ সন্মুখীন হোৱাৰ সময়ত আপোনালোকৰ এনে হেঁপাহ সাৰ নাপায় বাবে মই দুখ পাইছো। ইতিমধ্যে অসমৰ পৰা আদালতৰ জৰিয়তে দিল্লীৰ উপমুখ্যমন্ত্ৰী মনীষ ছিছ’ডিয়া জীলৈ নিমন্ত্ৰণ পত্ৰ প্ৰেৰণ কৰা হৈছে।
আনহাতে, অসমৰ মুখ্যমন্ত্রী হিমন্ত বিশ্ব শর্মাই দুদিন পূর্বে কৈছিল যে ৰাষ্ট্রীয় ৰাজধানীখনৰ পৰিস্থিতি পৌৰ নিগমৰ সৈতে কম-বেছি পৰিমাণে মিল থকাৰ বাবে উত্তৰ-পূবৰ ৰাজ্য আৰু দিল্লীৰ মাজত কোনো তুলনা কৰিব নোৱাৰি৷ তেওঁ দিল্লীৰ মুখ্যমন্ত্ৰী অৰবিন্দ কেজৰিৱালক অসমলৈ আহি চৰকাৰে পৰিচালিত শিক্ষা আৰু চিকিৎসা মহাবিদ্যালয়সমূহ চাই যাবলৈ আহ্বান জনায়। একে সময়তে তেওঁ কয় যে তেওঁ এই ভ্ৰমণৰ সময়ত দিল্লীকো পৰিদৰ্শন কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
