মহানগৰীৰ এগৰাকী সম্ভ্ৰান্ত মহিলাৰ ব্যক্তিগত মুহূৰ্তৰ ভিডিঅ’ ভাইৰেল কৰি গ্ৰেপ্তাৰ হৈছে এগৰাকী যুৱকসহ এগৰাকী যুৱতী৷
মহিলাগৰাকীৰ অভিযোগৰ ভিত্তিতে আৰক্ষীয়ে মমী বিশ্বাস নামৰ যুৱতীগৰাকীৰ লগতে অনুপ কুমাৰ দাস নামৰ এগৰাকী যুৱকক আটক কৰিছে৷
আৰক্ষীয়ে অনুপ কুমাৰ দাস নামৰ যুৱকজনক গ্ৰেপ্তাৰ কৰি ইতিমধ্যে জেইল হাজোতলৈ প্ৰেৰণ কৰিছে৷ আনহাতে ঘটনাৰ সন্দৰ্ভত আৰক্ষীয়ে আটকাধীন যুৱতীগৰাকীক জেৰা অব্যাহত ৰাখিছে৷
লগতে পঢ়ক ৰাছিয়া-ইউক্ৰেইন যুদ্ধ : ভাৰতত কি কি সামগ্ৰীৰ মূল্যবৃদ্ধি হ’ব?
মহিলাগৰাকীৰ অভিযোগ অনুসৰি আটকাধীন মমী বিশ্বাস নামৰ যুৱতীগৰাকী মহিলাগৰাকীৰ প্ৰতিষ্ঠানত কৰ্মৰত আছিল৷ প্ৰতিষ্ঠানৰ পৰা ধন হৰলুকি কৰাৰ অভিযোগত মহিলাগৰাকীয়ে যুৱতীগৰাকীক কামৰ পৰা অব্যাহতি দিয়ে৷
ইয়াৰ পিছতে মহিলাগৰাকীৰ চৰিত্ৰহনন কৰিবলৈ যুৱতীগৰাকীয়ে অনুপ কুমাৰ দাস নামৰ যুৱকগৰাকীৰ যোগেদি ব্যক্তিগত মুহূৰ্তৰ ভিডিঅ’ ভাইৰেল কৰোৱায়৷
লগতে পঢ়ক বাংলাদেশত পুনৰ হিন্দু মন্দিৰত আক্ৰমণ ২০০ জনীয়া মুছলমানৰ : লুটি নিলে মূল্যৱান সামগ্ৰী!
মহিলাগৰাকীয়ে ঘটনাৰ সন্দৰ্ভত গীতানগৰ আৰক্ষীৰ থানাত এক অভিযোগ দাখিল কৰে৷ আৰক্ষীয়ে ঘটনা সন্দৰ্ভত ভাৰতীয় দণ্ডবিধিৰ ৩৫৫/৩৫৪(চি)/৫০০/৫০৬/৩৪ আইপি আৰ ডব্লিউ ৬৬(ই)/৬৭ আইটি এক্টৰ আইনৰ অধীনত ৭৪/২২ নম্বৰত গোচৰ ৰুজু কৰি তদন্ত আৰম্ভ কৰে৷
ইয়াৰ পিছতে গীতানগৰ আৰক্ষীয়ে মমী বিশ্বাস আৰু অনুপ কুমাৰ দাসক আটক কৰি গ্ৰেপ্তাৰ কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
