মিজোৰামৰ লুংলেই জিলাৰ এগৰাকী বিদ্যালয়ৰ ছাত্ৰীক ইউনিফৰ্ম খুলি ঘৰলৈ পঠিয়াই দিয়াৰ অভিযোগত গ্ৰেপ্তাৰ হৈছে এখন বিদ্যালয়ৰ এগৰাকী শিক্ষয়িত্ৰী। যোৱা শনিবাৰে আৰক্ষীয়ে এই তথ্য সদৰী কৰি কয় যে শিশু সুৰক্ষা গোটৰ এজাহাৰ পিছতে অভিযুক্ত লাল বিয়াকেঙীক নামৰ শিক্ষয়িত্ৰীগৰাকীক গ্ৰেপ্তাৰ কৰা হৈছে।
ইয়াৰ সমান্তৰালভাৱে উজনি মিজোৰামৰ লুংলেই জিলাৰ থাংপুই গাঁৱৰ এখন চৰকাৰী বিদ্যালয়ত কৰ্মৰত এগৰাকী শিক্ষয়িত্ৰীগৰাকীক শিক্ষা বিভাগে কাৰণ দৰ্শোৱাৰো জাননী জাৰি কৰিছে। ইফালে ৰাজ্যৰ শীৰ্ষ ছাত্ৰ সংগঠন মিজো জিৰলাই পাউলে অভিযুক্তক শিক্ষয়িত্ৰীগৰাকীক বৰ্খাস্ত কৰাৰো দাবী জনায়।
ঘটনাৰ বিৱৰণীৰ মতে যোৱা ২৫ আগষ্টত থাংপুই গাঁৱত অৱস্থিত এখন চৰকাৰী প্ৰাথমিক বিদ্যালয়ত এই ঘটনা সংঘটিত হৈছিল। ছোৱালীজনীৰ মাতৃ নেন্সি লালনুনছাংগীয়ে জনোৱা মতে, প্ৰথম শ্ৰেণীত পঢ়ি থকা তেওঁৰ কন্যাক যোৱা ২২ আগষ্টত বিদ্যালয়খনত এজন ল’ৰাই প্ৰহাৰ কৰি নিৰ্যাতন চলাইছিল।
লগতে পঢ়ক বিলাসী গাড়ী ক্ৰয় কৰিবলৈ গৈ মহিলা কৰ্মচাৰীক এনিশাৰ নৈশ যাপনৰ প্ৰস্তাৱ জ্যেষ্ঠ চিকিৎসকৰ!
মাতৃ নেন্সীয়ে পিটিআইক জনোৱা অনুসৰি শ্ৰেণীৰে এজন ছাত্ৰই ছাত্ৰীগৰাকীক বেয়াকৈ প্ৰহাৰ কৰে৷ যাৰফলত ছাত্ৰীগৰাকীৰ তেজ বমি আৰু পেটত বিষ হৈছিল। ইয়াৰ পাছদিনাও স্কুললৈ ইউনিফৰ্ম পৰিধান কৰা ছাত্ৰীগৰাকীক একেজন ছাত্ৰই প্ৰহাৰ কৰে। বাৰে বাৰে নিজ কন্যাক প্ৰহাৰ কৰাৰ ঘটনাত ক্ষুব্ধ হৈ মাতৃ নেন্সীয়ে স্কুললৈ গৈ প্ৰহাৰ কৰা ছাত্ৰজনক গালি পাৰে৷
ইয়াৰ পাছতে স্কুলৰ শিক্ষয়িত্ৰীগৰাকীয়ে মাতৃ নেন্সীক ফোন কৰি বিদ্যালয়ৰ নিয়ম উলংঘা কৰা অভিযোগ কৰি গালি শপনি দিয়াৰ লগতে কন্যা শিশুটিকো গালি গালাজ কৰে। ইফালে শিক্ষয়িত্ৰীগৰাকীয়ে এটা হোৱাটছএপ গ্ৰুপত মাতৃগৰাকীৰ বিৰুদ্ধে অভিযোগ দাখিল কৰে।
লগতে পঢ়ক লোমহৰ্ষক হত্যাকাণ্ড! মাতৃ, পত্নী আৰু কন্যাসহ ৫ গৰাকী লোকক শিৰচ্ছেদ কৰি হত্যা
নেন্সীয়ে কয়, ‘‘খঙত ইমানেই হতাশ হৈ পৰিছিলো যে মই ২৫ আগষ্টত পুনৰ স্কুললৈ গৈছিলো।’’ এই কথাতে ক্ষুব্ধ হৈ শিক্ষয়িত্ৰীগৰাকীয়ে নেন্সীৰ সন্তানক বিদ্যালয়ৰ পৰা বাহিৰ কৰি দিয়াৰ ভাবুকি দি ইউনিৰ্ফম জোৰ অন্য ছাত্ৰীৰ কাৰণে প্ৰয়োজন হ’ব বুলি কৈ জোৰজবৰদস্তি খুলি দিয়ে৷ ছাত্ৰীগৰাকীৰ মাতৃ নেন্সীয়ে প্ৰকাশ কৰা অনুসৰি শিক্ষয়িত্ৰীগৰাকীয়ে শ্ৰেণীৰ গোটেই শিক্ষাৰ্থীৰ সন্মুখতে ছাত্ৰীগৰাকীৰ ইউনিফৰ্ম খুলি আণ্ডাৰৱেৰ পিন্ধি থকা অৱস্থাতে ঘৰলৈ পঠিয়াই দিয়ে।
ইফালে, ঘটনা সন্দৰ্ভত মিজোৰামৰ শিক্ষা মন্ত্ৰী লালচন্দমাই প্ৰতিক্ৰিয়া প্ৰকাশ কৰি কয় যে এই ঘটনাৰ এদিন পিছতে শিক্ষকগৰাকীক এটা কাৰণ দেখুৱাৰ জাননী জাৰি কৰা হৈছিল। মুখ্যমন্ত্ৰী জোৰাম থাংগাইও ঘটনাৰ সন্দৰ্ভত ভুক্তভোগী ছাত্ৰীগৰাকীৰ মাতৃৰ ওচৰত ক্ষমা ভিক্ষা কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
