ব্ৰিটেইনৰ পৰা প্ৰায় ১০০ টন সোন উভটাই আনিলে ভাৰতীয় ৰিজাৰ্ভ বেংকে৷ ১৯৯১ চনৰ পাছত এইবাৰেই প্ৰথম ইমান ডাঙৰ অংকত সোন ব্ৰিটেইনৰ পৰা ভাৰতলৈ আহিছে৷ এই ঘটন ভাৰতৰ অৰ্থনীতিৰ উল্লেখযোগ্য অগ্ৰগতিৰ পৰিচায়ক বুলিও ধাৰণা কৰা হৈছে৷ কাৰণ ১৯৯১ চনত দেশৰ নামি যোৱা অৰ্থনৈতিক অৱস্থাত তহবিল সংগ্ৰহৰ বাবে বেছ কিছু সোন বন্ধকৰ ৰাখিছিল RBIয়ে৷
সেয়া আছিল ভাৰতৰ দুৰ্বল অৰ্থনীতিৰ চিহ্ন৷ নিজৰ সোন দেশলৈ উভতাই অনাটো অৱশ্যেই ভাৰতৰ অৰ্থনীতিৰ অগ্ৰগতিৰ কাহিনী বুলি বহুতেই প্ৰকাশ কৰিছে৷ ইয়াৰোপৰি এই উদ্যোগৰ মাজতেই সোন ভাড়াৰ পৰিচালনাৰ ক্ষেত্ৰত ভাৰতৰ কৌশলগত পৰিবৰ্তনো ধৰা পৰিছে৷ চৰকাৰৰ বিভিন্ন দফতৰৰ পৰিকল্পনা আৰু সমন্বয়ত এই বিপুল পৰিমাণৰ সোণ উভতাই অনা সম্ভৱ হৈছে৷
এক বিশেষ বিমানেৰে এই সোন অনা হৈছে৷ আৰ বি আইৰ বেছিভাগ সোনেই বিদেশত মাটিত আছে৷ তাৰবাবে বিদেশী বেংকসমূহক ষ্টোৰেজৰ খৰচ ভাৰতে দিব লাগে৷ ব্ৰিটেইনৰ পৰা এই সোনৰ কিছু অংশ উভতাই অনাৰ ফলত সেই খৰচ কিছু হ’লেও কমিব৷ ভাৰতৰ এই পদক্ষেপক জাতীয় সম্পদৰ ভাল ব্যৱহাৰৰ বিস্তৃত কৌশলৰ অংশ বুলি ধাৰণা কৰা হৈছে৷ আৰ বি আইৰ তথ্যই কৈছে যে আৰবিআইৰ হাতত এতিয়া মুঠ ৮২২.১ টন সোন আছে৷ বিশ্বব্যাপী অৰ্থনৈতিক অস্থিৰতাৰ মাজত বিভিন্ন দেশৰ কেন্দ্ৰীয় বেংকসমূহে বেছিকৈ সোনৰ ভাড়া বঢ়োৱাৰো আলোচনা চলিছে৷
আৰ বি আই তাৰ ব্যতিক্ৰম নহয়৷ আৰ বি আইয়ে এতিয়া বেছি পৰিমাণৰ সোন কিনিবলৈ আৰম্ভ কৰিছে৷ ২০২৩ চনৰ তুলনাক এইবাৰ বেছিকৈ সোন ক্ৰয় কৰিছে RBIয়ে৷ বিগত বৰ্ষৰ তুলনাত ২৭.৫টন বেছি সোন কিনিছে আৰ বি আইয়ে৷ সোনৰ ভাড়া বৃদ্ধিৰ ফলত কোনো একক বৈদেশিক মুদ্ৰাৰ ওপৰত ভাৰতৰ নিৰ্ভৰতাও কমিছে৷ ফলত মুদ্ৰাৰ ওঠানমা আৰু অৰ্থনৈতিক অস্থিৰতাৰ সৈতে সম্পৰ্কিত সমস্যাসমূহো কমিছে৷ ইয়াৰ মাজতেই ব্ৰিটেইনৰ পৰা এই সোন উভতাই অনা অৰ্থনীতিবিদৰ মতে ভাৰতৰ অৰ্থনীতি শক্তিশালী হোৱাৰেই ইংগিত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
