ভিক্ষাৰী আছিল, যদিও মাটিত লাঠিৰে কৰি আছিল এনে কাম, আৰক্ষী কাষ চাপি আচৰিত
অন্য ভিক্ষাৰীৰ দৰেই আছিল, খুজি মাগি খাই থকা। পাছে মাজে মাজে এটা দুটা শব্দ মুখেৰে কয়। ঘুৰি ফুৰি গৈ পায় এখন নতুন ঠাই। যাৰ বাবে সাধাৰণ ৰাইজে কিছু সন্দেহ কৰি খবৰ দিয়ে আৰক্ষীক। আৰক্ষীয়ে ভালদৰে সোধ পোচ কৰোতে ওলাই পৰে তিনিবছৰে সন্ধানহীন অমিতৰ পৰিচয়।
পশ্চিমবংগৰ ২৪ পৰগনা জিলাৰ পেট্ৰাপোল বজাৰত মলিয়ন কাপোৰ পিন্ধা এজন লোক থিয় হৈ আছিল। হাতত লাঠি এডাল লৈ গছ এজোপাৰ তলত বহি লৈ মাটিত গণিতৰ সমস্যা সমাধান কৰিবলৈ চেষ্টা কৰি আছিল। কিছুমান মানুহে ভিক্ষাৰীৰ ৰূপত অংক কৰি থকা দেখি ওচৰলৈ গৈ কথা সুধিবলৈ চেষ্টা কৰে।
কিন্তু কোনো উত্তৰ নিদিয়াত স্থানীয় ৰাইজে আৰক্ষীক খবৰ দিয়ে। আৰক্ষীয়ে জেৰা কৰাত মানুহজনে ‘মোক অকলে এৰি যা’ বুলিহে উত্তৰ দিয়ে। আৰক্ষীয়ে মৰমেৰে মানুহজনক সোধপোচ কৰোতে পিছত পোহৰলৈ আহে যে ভিক্ষাৰী যেন লগা মানুহজন হৈছে উত্তৰ প্ৰদেশৰ গোৰখপুৰ জিলাৰ ঝাৰৱান খিৰৱানীয়া গাঁৱৰ অমিত কুমাৰ প্ৰসাদ। এটা সময়ত গণিতৰ শিক্ষক হিচাপে কাম কৰিছিল অমিতে।
পেট্ৰাপল আৰক্ষীয়ে স্থানীয় হাম ৰেডিঅ’ ক্লাবৰ সদস্যসকলৰ জৰিয়তে তেওঁৰ ঘৰৰ ঠিকনা বিচাৰি উলিয়াই তেওঁৰ পৰিয়ালক এই কথা অৱগত কৰে। উত্তৰ প্ৰদেশত থকা পৰিয়ালৰ লোকৰ সৈতে যোগাযোগ হোৱতা জানিব পাৰে বিগত ৩ বছৰে ধৰি সন্ধানহীন হৈ আছিল অমিত।
অমিতৰ সন্ধান পোৱাৰ লগে লগে পৰিয়ালৰ লোকে খৰখেদাকৈ উত্তৰ প্ৰদেশৰ গোৰখপুৰৰ পৰা পশ্চিমবংগৰ পেট্ৰাপোল আহি পুত্ৰক লগ কৰে। ৩ বছৰৰ মূৰকত পুত্ৰক দেখা পাই আনন্দত আত্মহাৰা হৈ পৰে পৰিয়াল।
অমিতৰ পিতৃৰ পৰা আৰক্ষীয়ে জানিব পাৰে যে, অমিত এগৰাকী ভাল গণিতৰ শিক্ষক আছিল। নাম থকা শিক্ষক আছিল। বিদ্যালয়ত শিক্ষকতা কৰাৰ উপৰি ২৫০ৰো অধিক ছাত্ৰ-ছাত্ৰীক বিনামূল্যে গণিত পঢ়াইছিল। ২০১১ চনত বিবাহো পাতিছিল অমিতে। পাছে ২০১৪ চনৰ পৰা লাহে লাহে মানসিক ভাৰসাম্য হেৰুৱালৈ ধৰে অমিতে।
শেষত ২০১৭ চনত ঘৰৰ পৰা হঠাতে নিৰুদ্দেশ হৈ পৰে অমিত। বহু বিচাৰ খোচাৰ কৰিয়ো কতো কোনো সন্ধান নাছিল অমিতৰ। তিনি মাহত অন্তত এদিন হঠাতে নিজেই ঘৰ আহি ওলাইছিল। বহু চিকিৎসাও কৰা হৈছিল অমিতৰ। কিন্তু কোনো কাম নিদিয়ে। ২০২১ চনত পুনৰ সন্ধানহীন হৈ পৰে অমিত। পাছে সেই সন্ধানহীন হোৱাই এতিয়াহে ৩ বছৰৰ মূৰকত অন্য ৰাজ্যত সন্ধান ওলাই এসময়ৰ গণিতৰ ভাল শিক্ষক অমিত কুমাৰ প্ৰসাদৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
