‘আমাৰ বিৰুদ্ধে চূড়ান্ত ঘৃণা বিয়পাবলৈ চৰকাৰে দ্য কাশ্মীৰ ফাইলছক কৰমুক্ত কৰিছে৷’ এই গুৰুতৰ অভিযোগ উত্থাপন কৰিছে জম্মু আৰু কাশ্মীৰৰ প্ৰাক্তন মুখ্যমন্ত্ৰী ফাৰুক আব্দুল্লাই৷
মংগলবাৰে বিবেক অগ্নিহোত্ৰীৰ বিতৰ্কিত ছবি দ্য কাশ্মীৰ ফাইলছৰ সম্পৰ্কে মুখ খুলি জম্মু আৰু কাশ্মীৰৰ প্ৰাক্তন মুখ্যমন্ত্ৰীগৰাকীয়ে তীব্ৰ বিষোদগাৰ প্ৰকাশ কৰিছে৷
ফাৰুক আব্দুল্লাৰ মতে তেওঁলোকে অৰ্থাৎ বিজেপি শাসিত ৰাজ্যসমূহৰ চৰকাৰে দ্য কাশ্মীৰ ফাইলছক কৰমুক্ত কৰি মানুহৰ মনত ঘৃণা তথা বিদ্বেষ সৃষ্টি কৰিছে৷
লগতে পঢ়ক মুছলমান লোকে দান কৰিলে ২.৫ কোটি টকা মূল্যৰ মাটি; নিৰ্মাণ হ’ব বিশ্বৰ সৰ্ববৃহৎ হিন্দু মন্দিৰ
আব্দুল্লাই দ্য কাশ্মীৰ ফাইলছক প্ৰ’পাগণ্ডা বুলিও অভিহিত কৰিছে৷ ‘‘এই ছবিখন প্ৰ’পাগণ্ডা৷ ছবিখনে ট্ৰেজেডী সৃষ্টি কৰিছে, যিয়ে দেশৰ প্ৰতিজন হিন্দু আৰু মুছলমানক একেধৰণে প্ৰভাৱিত কৰিছে। সেই ঘটনাৰ বাবে মোৰ হৃদয় এতিয়াও ৰক্তময় হৈ আছে। সেই ঘটনাত ৰাজনৈতিক দলসমূহৰো ভূমিকা আছিল যিসমূহে এটা জাতিক ছাফাই কৰিবলৈ বিচাৰিছিল৷’’ প্ৰাক্তন মুখ্যমন্ত্ৰী গৰাকীয়ে অভিযোগ কৰি কয়৷
৯০ৰ কাশ্মীৰৰ ভয়াৱহ পৰিস্থিতিৰ কথা প্ৰকাশ কৰি ফাৰুক আব্দুল্লাই লগতে কয় যে কেৱল কাশ্মীৰ পণ্ডিতসকলেই তাৰ ভু্ক্তভোগী নাছিল, শিখ আৰু মুছলমানসকলো সেই নৰমেধ যজ্ঞৰ ভুক্তভোগী আছিল৷
লগতে পঢ়ক নিশা ১০ কিলোমিটাৰ দৌৰি ভাইৰেল হোৱা যুৱকলৈ সেনা বাহিনীৰ চাকৰি চাৰ্জিকেল ষ্ট্ৰাইক নায়কৰ
‘‘আমি, মোৰ মন্ত্ৰী সভাৰ সদস্য, বিধায়কসকলে গছৰ ওপৰৰ পৰা মানুহৰ মাংস আনি চিনাক্ত কৰিবলগীয়া হৈছিল৷ পৰিস্থিতি ইমানেই ভয়াৱহ আছিল৷’’ সেই সময়ৰ ভয়াৱহ পৰিস্থিতিৰ বিষয়ে বিৱৰণ দি এইদৰে কয় জন্মু আৰু কাশ্মীৰৰ প্ৰাক্তন মুখ্যমন্ত্ৰী ফাৰুক আব্দুল্লাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
