GST কাউন্সিলৰ বৈঠকৰ পাছতেই সিদ্ধান্ত লোৱা হৈছে যে এতিয়াৰে পৰা সস্তা হব হোটেল ৰুম৷ সস্তাতে হোটেলত কটাব পাৰিব নিশা৷ এই খৰচ কমাৰ ফলত কমি যাব আপোনাৰ ভ্ৰমণৰ খৰচো৷ এই সিদ্ধান্তই বিশেষকৈ যিসকলে কম বাজেটত হোটেলত নিশা কটাব খোজে বা ভ্ৰমণত কম বাজেটৰ হোটেল বিচাৰে তেওঁলোকক লাভাম্বিত কৰিব৷ এই সিদ্ধান্তৰ পাছতেই ৭৫০০ টকা পৰ্যন্ত হোটেল ৰুমৰ জি এছ টি হাৰ ১২শতাংশৰ পৰা কমাই ৫শতাংশ কৰা হৈছে৷ যাৰ ফলত ভাল বাজেটত ভাল হোটেলত সময় কটাব পাৰিব গ্ৰাহকে৷
এতিয়াৰে পৰা ১২ শতাংশ জি এছ টিৰ পৰিবৰ্তে ৭৫০০ টকা পৰ্যন্ত হোটেল ৰুমৰ ওপৰত মাত্ৰ ৫শতাংশ জিএছটি আৰোপ হব৷ ইয়াৰ অৰ্থ হৈছে আপুনি পূৰ্বতকৈ কম টকাতেই ভাল হোটেলত সময় কটাব পাৰিব৷ দেশী বিদেশী পৰ্যটকৰ সুবিধা হোৱাকৈয়ে এই সিদ্ধান্ত লোৱা হৈছে৷
১২শতাংশৰ পৰিবৰ্তে ৫শতাংশ জিএছটি দিব লাগিব
বৰ্তমান পৰ্যন্ত ৭৫০০ টকা বা তাতকৈ কম ভাড়াৰ হোটেল ৰুমৰ ওপৰত ১২শতাংশ জিএছটি ধাৰ্য কৰা আছিল৷ কিন্তু চৰকাৰে এই হাৰ কমাই ৫শতাংশ কৰিছে৷ ইয়াৰ অৰ্থ হৈছে ৭৫০০ টকাৰ ৰুম বুক কৰিলে পূৰ্বে ৯০০ টকা জিএছটি দিব লাগিব অৰ্থাৎ পূৰ্বতকৈ ৩৭৫ টকা কমাই দিয়া হব৷ আপুনি ৫২৫ টকা ৰেহাই পাব৷ এই পৰিবৰ্তনে বিশেষকৈ হোটেল ব্যৱসায়ীক পুনৰোজ্জীৱিত হোৱাত সহায় কৰিব৷ সাধাৰণ মানুহো ইয়াৰ ফলত উপকৃত হব৷
এই পৰিবৰ্তন কেতিয়াৰে পৰা বাস্তবায়িত হ’ব?
জি এছ টি কমোৱাৰ এই সিদ্ধান্ত ২২ ছেপ্টেম্বৰৰ পৰা কাৰ্যকৰ হব৷ যদি আপুনি আপোনাৰ ছুটিৰ পৰিকল্পনা কৰিছে তেন্তে ২২ছেপ্টেম্বৰৰ পাছত বুকিং কৰক৷ এই পদক্ষেপক বহুতেই ৮বছৰ পূৰ্বে জিএছটি হাৰৰ ওপৰত লোৱা সিদ্ধান্তৰ এক গুৰুত্বপূৰ্ণ পৰিবৰ্তনো আখ্যা দিছে বহুতে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
