IPL অনুৰাগীলৈ সুখবৰ, গুৱাহাটীত অনুষ্ঠিত হ’ব দুখনকৈ খেল, শ্বাহৰুখ-ধোনী আহিব অসমলৈ
ৰাজ্যৰ লাখ লাখ ক্ৰিকেট অনুৰাগীৰ বাবে ভাল খবৰ। এইবাৰো গুৱাহাটীত অনুষ্ঠিত হ’ব আই পি এল খেল। দুখনকৈ খেল অনুষ্ঠিত হ’ব গুৱাহাটীৰ ষ্টেডিয়ামত।
ৰাজস্থান ৰয়েলছৰ দ্বিতীয় ঘৰ হিচাপে নাম থকা গুৱাহাটীত এইবাৰো দুখন খেল খেলিব দলটোৱে। সেই দলতেই আছে অসমৰ ৰিয়ান পৰাগ।
পাছে ৰাজস্থান ৰয়েলছৰ সৈতে অসমলৈ আহিব কোন দল! সেই বিষয়ে সদৰি হোৱা অনুসৰি, এইবাৰ ৰাজস্থান দলৰ সৈতে অসমলৈ আহিব বলীউডৰ বাদশ্বাহ শ্বাহৰুখ খান আৰু মহেন্দ্ৰ সিং ধোনী। অৰ্থাৎ এইবাৰ ৰাজস্থানে দুখন খেল খেলিব চেন্নাই ছুপাৰ কিংগছ আৰু কলকাতা নাইট ৰাইডাৰ্চৰ সৈতে।
২৬ আৰু ৩০ মাৰ্চত গুৱাহাটীত অনুষ্ঠিত হ’ব এই দুখন হাইভল্টেজ মেচ। ২৬ মাৰ্চত ৰাজস্থান ৰয়েলছৰ মুখামুখি হ’ব কলকাতা নাইট ৰাইডাৰ্ছjৰ সৈতে , আনহাতে ৩০ মাৰ্চত চেন্নাই ছুপাৰকিংছৰ মুখামুখি হ’ব ৰাজস্থান ৰয়েলছ।
KKRকলৈ অসমলৈ আহি আছে বলীউদৰ বাদশ্বাহ তথা KKRৰ স্বত্বাধিকাৰী শ্বাহৰুখ খান আনহাতে চেন্নাই ছুপাৰ কিংছকলৈ আহিব মহেন্দ্ৰ সিং ধোনী।
উল্লেখ্য যে, এইবাৰ মাৰ্চৰ ২২ তাৰিখৰ পৰা আৰম্ভ হ’ব লগা ১৮ সংখ্যক আই পি এলৰ প্ৰথমখন খেল অনুষ্ঠিত হ’ব কলকাতাৰ ইডেন গাৰ্ডেনত । প্ৰথমখন খেলত মুখামুখি হ’ব কলকাতা নাইট ৰাইডাৰ্চ আৰু ৰয়েল চেলেঞ্জাৰ্ছ বাংগালুৰু।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
