অসম লাইভ২৪ঃ দেশবাসীক ইংৰাজী নৱবৰ্ষৰ শুভেচ্ছা জনাইছে প্ৰধানমন্ত্ৰী নৰেন্দ্ৰ মোদীকে ধৰি সকলো ৰাজনৈতিক নেতাই। বছৰৰ প্ৰথম দিনটোতেই পুৱাই এটা টুইট কৰিছে প্ৰধানমন্ত্ৰীয়ে। টুইটত প্ৰধানমন্ত্ৰীয়ে লিখিছে, ‘নতুন বছৰটো সপোন, আনন্দ, সাফল্যৰে ভৰপুৰ হৈ উঠক। সকলোৰে সু-স্বাস্থ্য অটুত থাকক।
আনহাতে নতুন বছৰৰ শুভেচ্ছা জনাই টুইট কৰিছে ৰাহুল গান্ধীয়েও। নিজৰ টুইটত ‘ভাৰত জোড়ো যাত্ৰা’ৰ এটা ভিডিঅ’ শ্বেয়াৰ কৰি ৰাহুলে লিখিছে, ‘আশা কৰো নতুন বছৰত দেশৰ প্ৰতিটো ৰাস্তা, প্ৰত্যেকখন গাওঁ, প্ৰতিখন চহৰতে এখনকৈ প্ৰেমৰ দোকান থাকিব। নতুন সময়খিনিত চৌদিশে প্ৰেমৰেই গুঞ্জৰ উঠিব।’
ৰাষ্ট্ৰপতি দ্ৰৌপদী মুৰ্মূৱেও নৱবৰ্ষৰ শুভেচ্ছা জনাইছে দেশবাসীক। ইপিনে দেশৰ প্ৰতিৰক্ষা মন্ত্ৰী ৰাজনাথ সিঙেও নতুন বছৰৰ শুভেচ্ছা জনাই সকলোৰে সুস্বাস্থ্য, শান্তি আৰু উন্নতি কামনা কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
