অসম লাইভ২৪ঃ ডায়বেটিছ গুপ্তঘাতকৰ দৰে। ধমনী, হৃদযন্ত্ৰ, বৃক্ককে ধৰি কোনো অংগই বাদ নপৰে ডায়বেটিছৰ পৰা। ডায়বেটিছে যৌনজীৱনতো প্ৰভাৱ পেলাই। পুৰুষ-মহিলা নিৰ্বিশেষে সকলোৰেই যৌনজীৱনত ডায়াবেটিছে ব্যাঘাত জন্মায়। ডায়াবেটিছৰ ওপৰত গৱেষণা কৰি থকা আমেৰিকাৰ এটা গৱেষক দলে প্ৰকাশ কৰা অনুযায়ী, ডায়াবেটিছত আক্ৰান্ত ব্যক্তিৰ যৌনমিলনৰ ইচ্ছা কমি আহে। শাৰিৰীক সক্ষমতাও হ্ৰাস পায়। ডায়াবেটিছে হৰমনৰ ভাৰসাম্যত প্ৰভাৱ পেলাই। শাৰীৰিক আৰু মানসিক দুয়োটা দিশতেই ডায়াবেটিছে প্ৰভাৱ পেলাই।
ডায়াবেটিছে স্নায়ুতন্ত্ৰটো প্ৰভাৱ পেলাই। ডায়াবেটিছত আক্ৰান্ত এজন ব্যক্তি নিউৰপেথিতো আক্ৰান্ত হয়। এই ৰোগৰ প্ৰভাৱত যৌনাংগত বিষ আদিৰ সমস্যাই দেখা দিয়ে। এই ৰোগত আক্ৰান্ত ব্যক্তিয়ে যৌন উত্তেজনা হেৰুৱাই পেলাই। পুৰুষৰ ক্ষেত্ৰত লিংগ শিথিলতাৰ সমস্যাই দেখা দিয়ে।
হাৰ্ভাৰ্ড বিশ্ববিদ্যালয়ৰ গৱেষণাত প্ৰকাশ পোৱা অনুযায়ী প্ৰায় পঞ্চাশ শতাংশ ডায়াবেটিছ ৰোগীয়েই লিংগ শিথিলতাৰ স্বীকাৰ হয়। স্নায়ুতন্ত্ৰৰ সমস্যাৰ ওপৰিও ডায়াবেটিছ আক্ৰান্ত ৰোগীয়ে প্ৰচুৰ পৰিমানে ঔষধ সেৱন কৰাৰ ফলত টেষ্টোষ্টেৰণ হৰমনৰ ক্ষৰণ বন্ধ হয় যাৰ বাবে এই সমস্যাই দেখা দিয়ে। ডায়াবেটিছ আক্ৰান্তৰ আন এক বৃহৎ সমস্যা হৈছে বীৰ্যপাতৰ সমস্যা। বিজ্ঞানৰ ভাষাত ইয়াক কোৱা হয় ‘ৰেট্ৰোগ্ৰেজ ইজাকুলেশ্বন’ এই ৰোগো মূলত ডায়াবেটিছ আক্ৰান্ত সকলৰেই হয়।
উল্লেখ্য যে কেৱল পুৰুষৰেই এনে সমস্যা হয় তেনে নহয়। ডায়াবেটিছ আক্ৰান্ত মহিলাও একাধিক সমস্যাৰ সন্মুখীন হয়। মধুমেহৰ প্ৰভাৱত যোনিৰ শুষ্কতাৰ সমস্যাই দেখা দিয়ে। হৰমনৰ তাৰতম্য আৰু ৰক্ত সঞ্চালনৰ সমস্যাৰ বাবেই এনে সমস্যাই দেখা দিয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ