ৰাইজৰ দলৰ সভাপতি তথা শিৱসাগৰ সমষ্টিৰ বিধায়ক অখিল গগৈয়ে গুৱাহাটীৰ বান সমস্যাৰ বাবে মুখ্যমন্ত্ৰী ডঃ হিমন্ত বিশ্ব শৰ্মাক মূল জগৰীয়া বুলি অভিহিত কৰিছে৷
মহানগৰীৰ হাতীইগাঁৱৰ বান বিধ্বস্ত এলেকা সিজুবাৰী পৰিদৰ্শন কৰাৰ কালত এই গুৰুতৰ অভিযোগ উত্থাপন কৰিছে৷
হাতীগাঁৱৰ সিজুবাৰীৰ বানাক্ৰান্ত অঞ্চল পৰিদৰ্শন কৰা ৰাইজৰ দলৰ প্ৰতিনিধিক নেতৃত্ব দিয়া দলটোৰ সভাপতি তথা বিধায়ক অখিল গগৈয়ে কয় যে হিমন্ত বিশ্ব শৰ্মাই গুৱাহাটী উন্নয়নৰ মন্ত্ৰী হৈ থকাৰ সময়তে গুৱাহাটীক বৰবাদ কৰি দিলে৷
লগতে পঢ়ক টাটাই শ্বেয়াৰ মাৰ্কেটত দিব দ্বিগুণ লাভ, শীঘ্ৰেই ক্ৰয় কৰক টাটাৰ এই শ্বেয়াৰ
‘‘গুৱাহাটী উন্নয়নৰ দায়িত্বত থাকি গুৱাহাটী বৰবাদ কৰিলে হিমন্ত বিশ্ব শৰ্মাই। শিক্ষা মন্ত্ৰী, স্বাস্থ্যমন্ত্ৰী হিচাপেও ব্যৰ্থ হিমন্ত বিশ্ব শৰ্মা। গুৱাহাটীৰ বান সমস্যাৰ বাবে মূল জগৰীয়া হিমন্ত বিশ্ব শৰ্মা। বানপানীৰ সময়ত হিমন্ত বিশ্ব শৰ্মা ক’ত পলাল?’’ সাংবাদিকৰ আগত এইদৰে মন্তব্য কৰে বিধায়ক অখিল গগৈয়ে৷
মুখ্যমন্ত্ৰী ডঃ হিমন্ত বিশ্ব শৰ্মাক অকৰ্মণ্য বুলিও আখ্যা দি অখিল গগৈয়ে কয় যে এৰ’প্লেনৰ লগত চেল্ফি উঠা মন্ত্ৰী হিমন্ত বিশ্ব শর্মাৰ বাহিৰে পৃথিৱীত আন কোনো নাই৷
লগতে পঢ়ক KKRৰ পিছত এইবাৰ মহিলা ক্ৰিকেট দলৰ মালিক হ’ল বলিউদৰ বাদশ্বাহ শ্বাহৰুখ খান
‘‘আজিৰ মুখ্যমন্ত্ৰী এসময়ত হেনো ছুপাৰ মন্ত্ৰী আছিল। অথচ গুৱাহাটী বচাব নোৱাৰিলে সেই ছুপাৰ মন্ত্ৰীয়ে।’’ মুখ্যমন্ত্ৰী ডঃ হিমন্ত বিশ্ব শৰ্মাক কটাক্ষ কৰি অখিল গগৈয়ে আৰু কয়৷
আনহাতে গুৱাহাটী উন্নয়ন মন্ত্ৰী অশোক সিংঘলক আক্ৰমণ কৰি কয় যে গুৱাহাটী লুণ্ঠনৰ আটাইতকৈ বেছি জগৰীয়া হৈছে বৰ্তমানৰ গুৱাহাটী উন্নয়ন মন্ত্ৰীজন৷ গুৱাহাটীত পাহাৰ কাটি আটাইতকৈ বেছি ঘৰ বনোৱা মানুহজনেই অশোক সিংঘল বুলিও আক্ৰণাত্মক মন্তব্য কৰিলে শিৱসাগৰৰ বিধায়ক অখিল গগৈয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
