Homestay খুলিবলৈ মন? আৰম্ভ কৰাৰ পূৰ্বে পঞ্জীয়নৰ পৰা অনুমতিলৈ জানক সকলো নিয়ম

কিছুদিনৰ পৰা যথেষ্ঠ বৃদ্ধি পাইছে হোমষ্টেৰ ব্যৱসায়। গুৱাহাটীকে ধৰি দেশৰ বিভিন্ন স্থানত দিনক দিনে বৃদ্ধি পাইছে Homestayৰ জনপ্ৰিয়তা। হোটেলৰ তুলনাত ঘৰুৱা পৰিৱেশ, তুলনামূলকভাৱে কম খৰচ আৰু স্থানীয় সংস্কৃতিৰ সৈতে পৰিচিত হোৱাৰ সুযোগ লাভ কৰাৰ বাবে বহু লোকৰ এতিয়া Homestay প্ৰথম পচন্দ। ফলত নিজৰ ঘৰ বা সম্পত্তিৰ এটা অংশ ব্যৱহাৰ কৰি Homestay ব্যৱসায় আৰম্ভ কৰাৰ প্ৰতি বহু লোকৰ আগ্ৰহ বৃদ্ধি পাইছে।

কিন্তু কেৱল ঘৰত পৰ্যটক ৰখাৰ ব্যৱস্থা কৰিলেই Homestay ব্যৱসায় আৰম্ভ কৰিব নোৱাৰি। নীতি-নিয়ম, পঞ্জীয়ন, নিৰাপত্তা আৰু অন্যান্য প্ৰয়োজনীয় বিষয়ৰ প্ৰতি গুৰুত্ব দিয়াটো অতি জৰুৰী।

ৰাজ্য কঁপোৱা মহানগৰীৰ নিমিষা কাণ্ডৰ পিছতে চৰ্চালৈ আহিছে Homestay ৰ প্ৰসংগ। মহানগৰীৰ গাড়ীগাঁৱৰ Homestay ত প্ৰেমিকে প্ৰেমিকাক হত্যা কৰাৰ পিছতে চৰ্চালৈ আহিছে ইমান শিপাইছে Homestay? এটা Homestay খুলিবলৈ বেছি নথি-পত্ৰৰ প্ৰয়োজন নহয় নেকি?

Homestay মানে কি?

সাধাৰণতে কোনো ব্যক্তিয়ে নিজৰ বাসগৃহৰ এটা অংশ পৰ্যটকৰ থকাৰ বাবে ব্যৱহাৰ কৰি খাদ্য আৰু অন্যান্য মৌলিক সুবিধা প্ৰদান কৰিলে তাক Homestay হিচাপে গণ্য কৰা হয়। ইয়াৰ মূল বৈশিষ্ট্য হৈছে অতিথিয়ে হোটেলৰ পৰিৱৰ্তে স্থানীয় পৰিয়ালৰ সৈতে ঘৰুৱা পৰিৱেশত থকাৰ অভিজ্ঞতা লাভ কৰে।

Homestay খুলিবলৈ প্ৰথমে কি কৰিব লাগে?

Homestay আৰম্ভ কৰাৰ পূৰ্বে সংশ্লিষ্ট ৰাজ্য চৰকাৰ বা পৰ্যটন বিভাগৰ নিয়মসমূহ জানি লোৱাটো প্ৰয়োজন। অসমৰ ক্ষেত্ৰত Tourism Departmentৰ অধীনত প্ৰযোজ্য Homestay নীতি আৰু পঞ্জীয়ন ব্যৱস্থা সম্পৰ্কে তথ্য সংগ্ৰহ কৰিব লাগে।

সাধাৰণতে আবেদনকাৰীৰ পৰা সম্পত্তিৰ মালিকানা বা ব্যৱহাৰৰ অধিকাৰ সম্পৰ্কীয় নথি, পৰিচয়ৰ প্ৰমাণ, ঠিকনাৰ প্ৰমাণ, বেংক সম্পৰ্কীয় তথ্য, ঘৰৰ ছবি আৰু অন্যান্য প্ৰয়োজনীয় নথি বিচৰা হ’ব পাৰে। অৱশ্যে সময় আৰু চৰকাৰী নীতি অনুসৰি প্ৰয়োজনীয় নথিৰ তালিকা সলনি হ’ব পাৰে।

ঘৰৰ পৰিৱেশ আৰু সুবিধা

Homestay হিচাপে ঘৰটো ব্যৱহাৰ কৰাৰ ক্ষেত্ৰত অতিথিৰ বাবে পৰিষ্কাৰ আৰু সুৰক্ষিত পৰিৱেশ নিশ্চিত কৰাটো অতি গুৰুত্বপূৰ্ণ। শোৱা কোঠা, পৰিষ্কাৰ বিছনা, বাথৰুম, পৰিষ্কাৰ খোৱা পানী, বিদ্যুৎ, বায়ু চলাচল আৰু মৌলিক সুৰক্ষা ব্যৱস্থা থকাটো প্ৰয়োজনীয়।

অতিথিৰ বাবে কোনবোৰ সুবিধা উপলব্ধ থাকিব আৰু কোনবোৰ নাথাকিব, সেই বিষয়টো আগতীয়াকৈ স্পষ্ট কৰি দিয়াটোও ভাল।

অগ্নি আৰু সুৰক্ষা ব্যৱস্থা

Homestayত অতিথিৰ সুৰক্ষা সৰ্বাধিক গুৰুত্বপূৰ্ণ। সেইবাবে জৰুৰীকালীন পৰিস্থিতিৰ বাবে প্ৰাথমিক অগ্নিনিৰ্বাপক ব্যৱস্থা, জৰুৰী বহিৰ্গমনৰ সুবিধা আৰু বিদ্যুৎ সংযোগৰ সুৰক্ষা নিশ্চিত কৰা উচিত।

যদি স্থানীয় প্ৰশাসন বা অগ্নিনিৰ্বাপক বিভাগৰ পৰা কোনো নিৰ্দিষ্ট অনুমতি বা NOCৰ প্ৰয়োজন হয়, তেন্তে সেই নিয়ম অনুসৰণ কৰিব লাগিব।

পৰিষ্কাৰ-পৰিচ্ছন্নতাৰ ওপৰত গুৰুত্ব

Homestayৰ সফলতাৰ অন্যতম মূল কাৰক হৈছে পৰিষ্কাৰ-পৰিচ্ছন্নতা। অতিথিৰ কোঠা, বিছনা, বাথৰুম, পাকঘৰ আৰু সাধাৰণ ব্যৱহাৰৰ স্থান নিয়মিতভাৱে পৰিষ্কাৰ কৰি ৰাখিব লাগে।

খাদ্য প্ৰদান কৰিলে খাদ্যৰ মান আৰু পৰিচ্ছন্নতাৰ প্ৰতিও বিশেষ গুৰুত্ব দিব লাগে। স্থানীয় খাদ্যৰ লগতে পৰ্যটকৰ প্ৰয়োজন অনুসৰি অন্যান্য খাদ্যৰ ব্যৱস্থাও কৰিব পাৰি।

অতিথিৰ পৰিচয় আৰু তথ্য সংৰক্ষণ

Homestayত থকা অতিথিৰ পৰিচয় সম্পৰ্কীয় তথ্য সঠিকভাৱে সংৰক্ষণ কৰাটো গুৰুত্বপূৰ্ণ। দেশীয় অতিথিৰ ক্ষেত্ৰত প্ৰয়োজনীয় ID proof আৰু বিদেশী অতিথিৰ ক্ষেত্ৰত প্ৰযোজ্য চৰকাৰী নিয়ম অনুসৰণ কৰিব লাগে।

বিশেষকৈ বিদেশী পৰ্যটকক আতিথ্য দিয়াৰ ক্ষেত্ৰত Immigration আৰু Foreigners Registration সম্পৰ্কীয় নিয়ম প্ৰযোজ্য হ’ব পাৰে। সেয়েহে এনে ক্ষেত্ৰত সংশ্লিষ্ট চৰকাৰী বিভাগৰ নিৰ্দেশনা অনুসৰণ কৰাটো জৰুৰী।

স্থানীয় অনুমতি আৰু পঞ্জীয়ন

Homestay ব্যৱসায় আৰম্ভ কৰাৰ আগতে স্থানীয় পৌৰসভা, নগৰ সমিতি, পঞ্চায়ত বা অন্যান্য সংশ্লিষ্ট কৰ্তৃপক্ষৰ কোনো অনুমতিৰ প্ৰয়োজন আছে নেকি সেয়া নিশ্চিত কৰিব লাগে।

উল্লেখ্য যে, কেৱল অনলাইন তথ্যৰ ওপৰত নিৰ্ভৰ নকৰি সংশ্লিষ্ট চৰকাৰী কাৰ্যালয়ৰ পৰা শেহতীয়া নিয়ম জানি লোৱাটো ভাল।

কৰ আৰু ব্যৱসায়িক নিয়ম

Homestayৰ পৰা উপাৰ্জন হ’লে আয়কৰ সম্পৰ্কীয় নিয়ম প্ৰযোজ্য হ’ব পাৰে। ব্যৱসায়ৰ আয়, খৰচ আৰু অন্যান্য লেনদেনৰ হিচাপ সঠিকভাৱে সংৰক্ষণ কৰা উচিত।

কিছুমান ক্ষেত্ৰত GST বা অন্যান্য কৰ সম্পৰ্কীয় নিয়মো প্ৰযোজ্য হ’ব পাৰে। ইয়াৰ বাবে ব্যৱসায়ৰ বাৰ্ষিক আয় আৰু সেৱাৰ ধৰণ অনুসৰি কোনো Chartered Accountant বা কৰ বিশেষজ্ঞৰ পৰামৰ্শ লোৱাটো উপযোগী।

বৰ্তমান বহু Homestay অনলাইন booking platformৰ জৰিয়তে অতিথি লাভ কৰে। এনে প্লেটফৰ্মত সম্পত্তিৰ সঠিক ছবি, ভাড়া, সুবিধা, check-in/check-out সময় আৰু cancellation policy স্পষ্টভাৱে উল্লেখ কৰা উচিত।

অতিথিৰ পৰা অতিৰিক্ত বা গোপন মাচুল লোৱাৰ পৰিৱৰ্তে সকলো খৰচ আগতীয়াকৈ স্পষ্ট কৰি দিলে বিশ্বাসযোগ্যতা বৃদ্ধি পায়।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ