এখনৰ পাছত আনখন হীট ছবি উপহাৰ দিছে বলীউডৰ অন্যতম হিৰ’ কাৰ্তিক আৰিয়ানে৷ প্যাৰ কা পঞ্চনামা ছবিৰ হাতত ধৰি কেৰিয়াৰৰ সূত্ৰপাত৷ অচিৰেই নায়ক হিচাপে ইণ্ডাষ্ট্ৰিত নিজৰ পৰিচয় গঢ়ি তুলিছে কাৰ্তিক আৰিয়ানে৷ মাজে মাজে কিছু উত্থান পতন থাকিলেও তেওঁৰ কেৰিয়াৰৰ চকা কিন্তু ভালকৈয়ে ঘূৰিছে৷ বিশেষকৈ বিগত দুবছৰত লক্ষ্যণীয় উন্নতি হৈছে কাৰ্তিকৰ৷
কেৰিয়াৰ কেনে গতিত আগুৱাইছে?
হাঁহিমুখীয়া কাৰ্তিক তেওঁৰ প্ৰাণখোলা হাঁহিৰ বাবেই প্ৰায় সকলোৰেই প্ৰিয়৷ ইতিমধ্যেই কেইবাখনো হীট ছবি তেওঁ দৰ্শকক উপহাৰ দিছে৷ শেহতীয়াকৈ মুক্তি পাইছে কাৰ্তিকে অভিনয় কৰা ভুলভুলাইয়া৩ য়ে৷ ১৫০ কোটি টকাৰ ব্যৱসায় কৰিছে এই ছবিয়ে৷ ৰোমাণ্টিকৰ লগে কমেডি এই ছবিৰ প্ৰধান বিশেষত্ব হ’লেও ফ্ৰেডি বা চন্দু চেম্পিয়নৰ দৰেই এই ছবিতো দক্ষতা দেখুৱাইছে কাৰ্তিকে৷
এখন ছবিৰ বাবে কিমান পাৰিশ্ৰমিক লয় কাৰ্তিকে?
অক্ষয় কুমাৰৰ পাছতেই ভুলভুলাইয়াত দৰ্শকে আদৰি লৈছে কাৰ্তিকক৷ ভুলভুলাইয়া-২ত অভিনেতা হিচাপে কাৰ্তিকে লৈছে প্ৰায় ১৫ কোটি টকা৷ কিন্তু তৃতীয় ছিকুৱেলৰ বাবে তেওঁ লৈছে প্ৰায় ৪৫-৫০ কোটি টকা৷ কাৰ্তিক আৰিয়ানে কেৱল ছবিতেই অভিনয় কৰে তেনে নহয়৷ তেওঁ বিগত দুবছৰত বিভিন্ন নামী দামী ব্ৰেণ্ডৰ সৈতেও কাম কৰি আছে৷ বিজ্ঞাপনৰ পৰাও কাৰ্তিকে বাৰ্ষিক কেইবা শ কোটি আয় কৰে৷ এটা ব্ৰেণ্ডৰ প্ৰমোছনৰ বাবেই কাৰ্তিকে ৩-৫ কোটিকৈ ধন লয়৷
ইয়াৰোপৰি ৰিয়েল এষ্টেটো আছে কাৰ্তিক আৰিয়ানৰ৷ বিগত বৰ্ষৰ জুন মাহত প্ৰায় ১৭.৫ কোটি টকাৰে এটা ফ্লেট কিনিছিল কাৰ্তিকে৷ তাৰ পৰাই মাহৰ ভাড়াৰ বাবদ প্ৰায় ৪লাখকৈ আয় কৰে৷ ইয়াৰোপৰি বিভিন্ন এৱাৰ্ড শ্ব’ আৰু ব্যক্তিগত ইভেণ্ট আদিও আছে৷ সূত্ৰৰ খবৰ অনুসৰি কাৰ্তিকৰ মুঠ সম্পত্তিৰ পৰিমাণ প্ৰায় ২৫০ কোটি৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
