ছলমান-শ্বাহৰুখ-অক্ষয়ৰ কোনো শালীনতা নাই, শক্তিমান হোৱাৰ যোগ্য নহয় কোনো ছুপাৰষ্টাৰ- মুকেশ খান্না
‘ শক্তিমান ‘ আজিও ৯০ দশকৰ সকলো ল’ৰা-ছোৱালীৰ হৃদয়ত বিশেষ স্থান দখল কৰা এক বিশেষ অনুষ্ঠান। ডি ডি নেচনেলৰ এই অনুষ্ঠানটোৱে মানুহক মনোৰঞ্জন দিয়াই নহয় সমাজত জীৱন যাপনৰ এক উন্নত পদ্ধতিও শিকাইছিল।
এই শ্ব’টোৱে অভিনেতা মুকেশ খান্নাৰ ভাগ্য সলনি কৰি দিছিল একেবাৰে। আজিও মানুহে মুকেশ খান্নাক ‘শক্তিমান’ বুলি মনত কৰে।
একে সময়তে এতিয়া মুকেশ খান্নাই এই শ্ব’টোৰ কাষ্টিং সন্দৰ্ভত স্পষ্ট বক্তব্য দিছে। তেওঁ দাবী যে তেওঁৰ আইকনিক চৰিত্ৰ ভাৰতীয় ছুপাৰহিৰো শক্তিমানত ফিট হ’ব পৰা কোনো অভিনেতা ছবি জগতত নাই।
উল্লেখ্য যে, ২০২২ চনত যেতিয়া ‘শক্তিমান’ শ্ব’টোৰ চিনেমা ডাঙৰ পৰ্দাত আহিব বুলি ঘোষণা কৰিছিল, তেতিয়া ৰণবীৰ সিং ছুপাৰহিৰো হোৱাৰ উৰাবাতৰিত মুকেশ খান্না ক্ষুব্ধ হৈ পৰিছিল।
শেহতীয়াকৈ মুকেশ খান্নাক এক সংবাদ মাধ্যমত সোধা হৈছিল যে এই প্ৰজন্মৰ কোনজন অভিনেতাই এই চৰিত্ৰত অভিনয় কৰিব পাৰিব? সেই প্ৰশ্নৰ উত্তৰত অভিনেতাজনে স্পষ্টকৈ কৈছিল যে তেওঁ নাভাবে যে এটা নামো এই চৰিত্ৰটোৰ লগত খাপ খাই পৰে।
মুকেশ খান্নাই কয়, ‘মোৰ দৃষ্টিত কোনো সঠিক অভিনেতা থাকিলে ২ বছৰ পূৰ্বেই এই চিনেমা নিৰ্মাণ কৰি মুক্তি দিলোহেঁতেন। ছলমান খান, শ্বাহৰুখ খান, অক্ষয় কুমাৰ সকলো ভাল অভিনেতা। আটাইকেইজনেই প্ৰতিভাশালী, কিন্তু শক্তিমান হিচাপে ওলাই অহাৰ লগে লগে শ্বাহৰুখৰ পিছফালে পাঠান, ছলমানৰ পিছফালে ভাইজান, অজয়ৰ পিছফালে সিংহাম আৰু অক্ষয়ৰ পিছফালে হেৰা ফেৰী টেগ লাইন হে দেখা পাব। শক্তিমান হিচাপে কোনো নাহে।
মুকেশ খান্নাই লগতে ইয়াকো কয়, ‘কাৰো শালীনতা নাথাকিব। তেওঁলোক শক্তিশালী হ’ব নোৱাৰে। মই এনেকুৱা এজনক এই চৰিত্ৰৰ বাবে বিচাৰো যাৰ ইমান ডাঙৰ ইমেজ হোৱা নাই। মই এই চৰিত্ৰত এই কাৰণে ফিট হৈছিলো, কাৰণ তাৰ পূৰ্বে মোৰ কোনো অন্য ভাবমূর্তি নাছিল আৰু ই শক্তিমানক আগুৱাই যোৱাত সহায় কৰিছিল৷
মানুহে কয় যে এয়া মোৰ ভুল ধাৰণা আৰু যিকোনো এজন ভাল অভিনেতাই যিকোনো চৰিত্ৰত অভিনয় কৰিব পাৰে। মই বিশ্বাস কৰোঁ যে এজন অভিনেতা যিমানেই ভাল নহওক কিয়, তেওঁ বিভিন্ন চৰিত্ৰত অভিনয় কৰিব পাৰে, কিন্তু শক্তিমান কেৱল এটা ভূমিকা নহয়। শক্তিমান হ’বলৈ হ’লে অভিনেতা হোৱাটোৱেই যথেষ্ট নহয়, ইয়াৰ বাবে সঠিক চেহেৰাৰো প্ৰয়োজন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
