Haropক ইজৰাইলীসকলে কয় ছুইচাইড ড্ৰোণ৷ দুইধৰণে কাম কৰিব পাৰে Haropয়ে৷ একেলগে দুটা কামো কৰিব পাৰে৷ প্ৰথমে নজৰদাৰী কৰা আৰু দ্বিতীয়তে লক্ষ্য বিচাৰি ওলিয়াই আক্ৰমণ কৰা৷ Harop সেয়ে বহু যুদ্ধৰ নায়ক৷ বিশেষকৈ শত্ৰুপক্ষৰ এয়াৰ ডিফেন্স চিষ্টেম ধ্বংস কৰাত সৰ্বশ্ৰেষ্ট এই ইজৰাইলী ড্ৰোণ৷
দীৰ্ঘ সময় আৰু দূৰত্ব চাই অপাৰেছন চলোৱাত দক্ষ
একেবাৰতেই ৯ঘণ্টা উৰিব পাৰে৷ যাব পাৰে প্ৰায় ১০০০ কিঃমিঃ পৰ্যন্ত৷ ফলত ষ্টেণ্ড অফ অপাৰেছনৰ সুযোগ পায় বাহিনীয়ে৷
স্বয়ংক্ৰিয় আৰু মেনুৱেলিও কাম কৰে
সম্পূৰ্ণ স্বয়ংক্ৰিয় এই ড্ৰোণ৷ নিজেই টাৰ্গেট চিহ্নিত কৰিব পাৰে৷ আকৌ মেনুৱেলিও অৰ্থাৎ অপাৰেটো কৰিব পাৰি৷
উন্নত টাৰ্গেটিং চিষ্টেম
ইয়াত EO, IR, FLIR চেঞ্চৰ, ৰঙীন CCD কেমেৰা আৰু এণ্টি ৰেডাৰ হোমিং প্ৰযুক্তি আছে৷ দ্ৰুত টাৰ্গেট চিহ্নিত কৰিব পাৰে৷
বহুমূখী ব্যৱহাৰ
চহৰৰ পৰা গাওঁ, সৰ্বত্ৰ ব্যৱহাৰ কৰিব পাৰি৷ যুদ্ধ ক্ষেত্ৰৰ ওপৰিও ইয়াক সন্ত্ৰাস দমনতো কামত লগাব পাৰি৷
প্ৰচুৰ পৰিমাণে বিস্ফোৰক কঢ়িয়াব পাৰে
একেলগে ২৩ কিঃগ্ৰাঃ পৰ্যন্ত বিস্ফোৰক বহন কৰিব পাৰে Haropয়ে৷ চকুৰ সন্মুখতে ধ্বংস কৰি দিব পাৰে শত্ৰুৰ থকা ঠাই৷
কেনিষ্টাৰ পৰা উৎক্ষেপণ
চিল কেনিষ্টাৰৰ পৰা উৎক্ষেপণ কৰা হয় Harop। ফলত যিকোনো স্থানত খুব সহজেই মোতায়েন কৰিব পাৰি৷ নজৰদাৰী চলাব পাৰে আৰু একেসময়তে আক্ৰমণো কৰিব পাৰে৷
