আফগানিস্তানৰ বিৰুদ্ধে একমাত্ৰ টেষ্টৰ দ্বিতীয় দিনা সবল স্থিতিত উপনীত হৈছে টীম ইণ্ডিয়া। ৩ উইকেটত ৩৬৮ ৰানৰ পৰা আজি খেল আৰম্ভ কৰি ৫৬৪ ৰানত ইনিংছ ঘোষণা কৰে ভাৰতে। টীম ইণ্ডিয়াৰ অধিনায়ক শুভমন গিলে ১২৬ ৰান কৰি পেভিলিয়নমুখী হয়। আনহাতে ঋষভ পণ্টে ১২১ বলত সংগ্ৰহ কৰে ৮১ ৰান। ইয়াৰ উপৰিও ৱাশ্বিংটন সুন্দৰে খৰতকীয়াকৈ স্কৰ বৰ্ডত যোগ দিয়ে ৫২ ৰান, বিপৰীতে ব্যৰ্থ হয় ধ্ৰুৱ জুৰেল। জুৰেলে কেৱল মাত্ৰ ১৯ ৰান কৰিয়েই ক্ৰিজ এৰে। আজিৰ মেচখনত অভিষেক ঘটোৱ মানৱ সুথৰেও ২৮ ৰানৰ এটা সৰু ইনিংছ খেলে। আফগানিস্তানৰ হৈ মহম্মদ ছালেমে ৬টাকৈ উইকেট দখল কৰে। জিয়াউৰ ৰহমান আৰু অধিনায়ক হাছমাতুল্লাহ ছাহিদীয়ে এটাকৈ উইকেট দখল কৰে।
প্ৰত্যুত্তৰত ৫৬৪ ৰানৰ বিশাল লক্ষ্য আগত লৈ ক্ৰিজলৈ অহা আফগানিস্তানে ২৮ ৰানৰ দলীয় স্কৰতে প্ৰথমটো উইকেট হেৰুৱায়। ভাৰতৰ হৈ অভিষেক ঘটোৱা স্পীনাৰ মানৱ সুথৰে আব্দুল মালিকৰ ৰূপত নিজৰ আন্তঃৰাষ্ট্ৰীয় কেৰিয়াৰৰ প্ৰথমটো স্বীকাৰ কৰে। ইয়াৰ পিছত ক্ৰমাগতভাৱে ছাদিকুল্লা অটলে ১৭ ৰান, ৰহমান্নুল্লা গুৰবাজে ১২ ৰান, অফজৰ জাজায়ে ৩ ৰান আৰু কেপ্টেইন হছমতুল্লাহ ছাহিদীয়ে ২০ ৰান কৰি পেভেলিয়নমুখী হয়। দিনটোৰ অন্তত আফগানিস্তানৰ ৰহমত শ্বাহে ৪৩ ৰান কৰি অপৰাজিত হৈ আছে। ভাৰতৰ হৈ আন্তঃৰাষ্ট্ৰীয় কেৰিয়াৰৰ সপোনৰ আৰম্ভণি ঘটায় মানৱ সুথৰে ৩টাকৈ উইকেট দখল কৰে। ইয়াৰ উপৰিও প্ৰশিদ্ধ কৃষ্ণয়ো দুটা উইকেট দখল কৰে। আফগানিস্তানে এতিয়াও ৪৫১ ৰানত পিছপৰি আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
