মুকেশ আম্বানীয়েই হওক বা ৰতন টাটা, উদ্যোগপতি হিচাপে তেওঁলোকৰ নাম কেৱল ভাৰততেই লোৱা হয় তেনে নহয়৷ বিশ্বৰ সকলো প্ৰান্ততেই তেওঁলোক জনপ্ৰিয়৷ ভাৰতৰ মাটিত ব্যৱসায় আৰম্ভ কৰি বিশ্বৰ বজাৰত ভাৰতীয় উদ্যোগীৰ দপদপনি ইমানো কম নহয়৷ বিদেশৰ মাটিত ভাৰতীয় বংশোদ্ভূতৰ সাফল্যৰ কাহিনী আমি প্ৰায়েই দেখো৷ তেনে এক কাহিনীয়েই সম্প্ৰতি চৰ্চাত আহিছে৷ সেই বিশেষ উদ্যোগীজন হৈছে গোপীচান্দ হিন্দুজা৷

বৰ্তমান গোপীচান্দ হিন্দুজা গোষ্ঠীৰ চেয়াৰমেন৷ সম্প্ৰতি ইংলেণ্ডক ছানডে টাইমছ মেগাজিনে সেই দেশৰ হাজাৰ জন ধনী ব্যক্তি আৰু পৰিয়ালৰ তালিকা প্ৰকাশ কৰিছে৷ সেই তালিকাৰ শীৰ্ষত আছে গোপীচন্দ্ৰৰ নাম৷ ২০২৩চনত দিয়া তথ্য অনুসৰি হিন্দুজা পৰিয়ালৰ সম্পত্তিৰ পৰিমাণ আছিল ৩৭২০ কোটি পাউণ্ড৷ ২০২৪ৰ পৰিসংখ্যাই কৈছে যে তেওঁৰ সম্পত্তিৰ পৰিমাণ বাঢ়ি হৈছেগৈ ৩৯ হাজাৰ কোটি পাউণ্ড৷ যিয়ে দেশৰ সকলো ধনী ব্যক্তি আৰু পৰিয়ালক টক্কৰ দি শীৰ্ষত আহিবলৈ সক্ষম হৈছে৷

ধনীৰ তালিকাত শীৰ্ষ স্থান দখল কৰা হিন্দুজা পৰিয়ালৰ এয়াই প্ৰথম সাফল্য নহয়৷ ২০১৪ চনত গোপীচন্দ্ৰ আৰু তেওঁৰ ভাতৃ শ্ৰীচন্দ ইংলেণ্ডৰ সকলোতকৈ ধনী ব্যক্তি আছিল৷ লক্ষ্যণীয় বিষয় এয়ে যে হিন্দুজা পৰিয়ালে ব্ৰিটেইনত ৬বাৰকৈ ধনীৰ তালিকাত আহিছে৷ গোপীচন্দ হিন্দুজা পৰিয়ালৰ মাজু সন্তান৷ পৰমানন্দ দীপচান্দ হিন্দুজা আৰু যমুনাদেনীৰ চাৰি সন্তান৷ শ্ৰী চন্দ আৰু গোপীচন্দৰ ওপৰিও প্ৰকাশ আৰু অশোকো হিন্দুজা গ্ৰুপৰ সৈতে জড়িত৷ ১৯৪০ চনৰ ২৯ জানুৱাৰীত হিন্দুজা পৰিয়ালত জন্মগ্ৰহণ কৰিছিল গোপীচন্দে৷

মুম্বাইৰ জয় হিন্দ কলেজৰ পৰা আইন বিষয়ত পঢ়াশুনা কৰিছিল৷ তাৰ পাছতেই লণ্ডনৰ ৰিচমণ্ড কলেজৰ পৰা অৰ্থনীতিত পিএইছডি কৰে৷ পঢ়াশুনা চলি থকাৰ মাজতেই ১৯৫৯ চনত পাৰিবাৰিক ব্যৱসায়ত যোগ দিয়ে৷ তাৰপাছতেই ককায়েক আৰু পিতৃৰ সৈতে মিলি ব্যৱসায় সম্প্ৰসাৰিত কৰাৰ লক্ষ্যত নামি পৰে গোপীচন্দ৷ সিন্ধ বৰ্তমানৰ পাকিস্তানৰ পৰা ১৯১৪ চনত প্ৰথমে ব্যৱসায় আৰম্ভ কৰিছিল পৰমানন্দই৷ কাপোৰৰ ব্যৱসায়েৰে আৰম্ভ হৈছিল ব্যৱসায়৷ বেংকিং, তথ্য-প্ৰযুক্তি, বাহন, ছাইবাৰ নিৰাপত্তা, বিনোদন, গণমাধ্যমসহ একাধিক ব্যৱসায় এতিয়া হিন্দুজা পৰিয়ালৰ৷ আনকি ৰিয়েল এষ্টেটৰ দুনীয়াতো হিন্দুজা গোষ্ঠী বেছ পৰিচিত৷ বিশ্বৰ মুঠ ৪৮খন দেশত তেওঁলোকৰ ব্যৱসায় আছে৷১৯৭১ চনত পৰমানন্দৰ মৃত্যুৰ পাছত চাৰি ভাতৃয়ে মিলি পাৰিবাৰিক ব্যৱসায় চলাই আছে৷ ২০২৩ চনত আকৌ গোপীচন্দৰ  জ্যেষ্ঠ ভাতৃ শ্ৰী চন্দৰ মৃত্যুৰ পাছত গোপীচন্দই হিন্দুজা গ্ৰুপৰ কৰ্ণধাৰ হৈ পৰে৷

নব্বৈৰ দশকৰ পৰা ধাৰাবাহিকভাৱে ইংলেণ্ড আৰু এছিয়াৰ ধনী পৰিয়ালৰ তালিকাত আছে হিন্দুজা গোষ্ঠী৷ ২০১৪ চনত যেতিয়া হিন্দুজা গোষ্ঠী এই তালিকাত শীৰ্ষত আহিছিল তেতিয়া তেওঁলোকৰ মুঠ সম্পত্তিৰ পৰিমাণ আছিল ১২ হাজাৰ কোটি ডলাৰ৷ গোপীচন্দ আৰু সুনীতা হিন্দুজাৰ আছে তিনিগৰাকী সন্তান৷ দুই পুত্ৰ সঞ্জয় আৰু ধীৰাজ আৰু এগৰাকী কন্যা ৰীতা৷ ২০১৫ চনত সঞ্জয়ে জাকজমকতাৰে বিবাহৰ অনুষ্ঠানো আয়োজন কৰিছিল৷ উদয়পুৰত বিবাহৰ অনুষ্ঠান সম্পন্ন হৈছিল গোপীচন্দৰ পুত্ৰই৷ ভাৰতত জন্মগ্ৰহণ কৰিলেও বৰ্তমান গোপীচন্দ ব্ৰিটেইনত থাকে৷ ১৯৯৭ চনত ব্ৰিটিছ নাগৰিকত্ব লাভ কৰিছে গোপীচন্দে৷