ভাৰতীয় কিশোৰ গ্ৰেণ্ড মাষ্টাৰ প্ৰাগনানন্দা ৰমেশবাবুৰ প্ৰদৰ্শনত স্তম্ভিত হৈ পৰিছে সমগ্ৰ দবা বিশ্ব৷ ভাৰতীয় কিশোৰ দবাৰুগৰাকীয়ে বিশ্ব চেম্পিয়ন নৰৱেৰ গ্ৰেণ্ড মাষ্টাৰ মেগনাছ কাৰ্লছনক দ্বিতীয়বাৰ পৰাস্ত কৰিছে৷
বিশ্ব চেম্পিয়ন কাৰ্লছনে পলমকৈ কৰা এটা ভুলৰ সুযোগক সদ্ব্যৱহাৰ কৰি ২০২২ চনত দুবাৰকৈ পৰাস্ত কৰিছে ভাৰতীয় কিশোৰ দবাৰু ৰমেশবাবুৱে।
শুকুৰবাৰে চেচেবল মাষ্টাৰছ অনলাইন ৰেপিড দবা প্ৰতিযোগিতাৰ পঞ্চম ৰাউণ্ডত দুয়োজন খেলুৱৈয়ে মুখামুখি হয় আৰু কাৰ্লচেনৰ বিৰুদ্ধে জয়লাভ কৰাৰ পিছত প্ৰাগনানন্দাই নকআউট পৰ্যায়লৈ যোৱাৰ সম্ভাৱনা সজীৱ কৰি ৰাখে।
লগতে পঢ়ক দেউতাকৰ পুৰণি চাইকেল ক্ৰয়, কণমানি শিশুৰ পাৰ ভঙা আনন্দৰ বন্যা কিয়?
১ লাখ ৫০ হাজাৰ মাৰ্কিন ডলাৰৰ এই অনলাইন প্ৰতিযোগিতাখনৰ পঞ্চম ৰাউণ্ডৰ মেচখন ড্ৰ’ৰ দিশে আগবাঢ়িছিল যদিও এটা সৰু ভুলৰ পৰিণাম ভুগি ভাৰতীয় কিশোৰ দবাৰুগৰাকীৰ হাতত পৰাস্ত হয় বিশ্ব চেম্পিয়ন কাৰ্লচেন৷
শুকুৰবাৰৰ এই জয়ৰ পিছতে প্ৰাগনাণ্ডাই নিজৰ পইণ্ট ১২ লৈ বৃদ্ধি কৰিছে৷ ইফালে প্ৰতিযোগিতাখনৰ দ্বিতীয়টো দিনত চীনৰ ৱেই য়িৰ পিছতে লিডাৰবৰ্ডত দ্বিতীয় স্থানত আছে বিশ্ব চেম্পিয়ন কাৰ্লচেন।
১৬ বছৰীয়া প্ৰাগনানন্দাই ফেব্ৰুৱাৰী মাহত প্ৰথমবাৰৰ বাবে মেগনাছ কাৰ্লছনক প্ৰথমবাৰ পৰাস্ত কৰিছিল৷ মাত্ৰ তিনিটা মাহৰ ভিতৰতে প্ৰাগনান্দই পুনৰ কাৰ্লেচনক পৰাস্ত কৰি দবা বিশ্বক স্তম্ভিত কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
