ফ্ৰান্সত আৰম্ভ হৈছে বিশ্বৰ প্ৰসিদ্ধ কাঁ চলচ্চিত্ৰ মহোৎসৱ৷ সমগ্ৰ বিশ্ব চলচ্চিত্ৰ জগতৰ পৱিত্ৰ মহাসংগম পৰিণত হোৱা এই কাঁ মহোৎসৱতে এইবাৰ ঘটিছে অথন্তৰ৷
কাঁৰ ৰেড কাৰ্পেটত এইবাৰ অৰ্ধ উলংগ হৈ প্ৰতিবাদ সাব্যস্ত কৰে এগৰাকী যুৱতীয়ে৷
হলিউদৰ ৰিপ’ৰ্টাৰে প্ৰকাশ কৰা অনুসৰি ফ’টোগ্ৰাফাৰসকলৰ সন্মুখত চিঞৰি চিঞৰিৰ যুৱতীগৰাকীয়ে শৰীৰ ওপৰৰ অংশ কাপোৰ সম্পূৰ্ণকৈ খুলি অৰ্ধ উলংগ হৈ প্ৰতিবাদ কৰে৷
লগতে পঢ়ক বক্স অফিচত চুপাৰ হিট ‘লোকেল উৎপাত’, প্ৰথম এসপ্তাহৰ সংগ্ৰহ কিমান?
প্ৰতিবাদকাৰী যুৱতীগৰাকীৰ প্ৰায় অনাবৃত শৰীৰৰ বুকু আৰু পেটৰ তলৰ অংশত ‘আমাক ধৰ্ষণ কৰা বন্ধ কৰক (Stop Raping Us) বুলি লিখা আছিল৷ আনহাতে, অনাবৃত পিঠিত ‘SCUM’ বুলি লিখা দেখা গৈছিল৷
পেণ্ট আৰু কোৰ্ট পিন্ধি অহা যুৱতীগৰাকীয়ে ৰেড কাৰ্পেটত পোৱাৰ পিছতে হঠাতে শৰীৰৰ কাপোৰ খুলি চিঞৰি চিঞৰি প্ৰতিবাদ সাৱ্যস্ত কৰা দেখা যায়৷
যুৱতীগৰাকীয়ে হঠাতে শৰীৰৰ কাপোৰ খুলি প্ৰতিবাদ সাব্যস্ত কৰাৰ এই অনাহূত পৰিস্থিতিৰে মোকাবিলা কৰিবলৈ নিৰাপত্তাৰক্ষীয়ে নিজৰ কোৰ্ট খুলি অনাবৃত যুৱতীগৰাকী শৰীৰটো ঢাকিবলৈ চেষ্টা কৰে৷
লগতে পঢ়ক স্কিজ’ফ্ৰেনিয়া মানসিক ৰোগ হয় নে? ইয়াৰ চিকিৎসা আছেনে?
এই সমগ্ৰ ঘটনাটো ইদ্ৰিছ এলবা আৰু টিল্ডা ছুইণ্টনে অভিনয় কৰা জৰ্জ মিলাৰৰ থ্ৰী থাউজেণ্ড ইয়াৰ্ছ অৱ লংগিং নামৰ ছবিখন প্ৰিমিয়াৰৰ ৰেড কাৰ্পেটত সংঘটিত হয়৷ এই ঘটনাটো সংঘটিত হোৱাৰ সময়ত উক্ত স্থানত ছবিখনৰ পৰিচালকসহ অভিনেতা-অভিনেত্ৰীসহ প্ৰায়সকল তাৰকা উপস্থিত আছিল৷
প্ৰকাশিত খবৰ মতে অৰ্ধ উলংগ গৈ প্ৰতিবাদ কৰা যুৱতীগৰাকী ইউক্ৰেইনৰ আছিল৷ ইউক্ৰেইনত ৰাছিয়াৰ সামৰিক অভিযান আৰম্ভ হোৱাৰ পিছৰে পৰা ৰাছিয়ান সৈন্যই ইউক্ৰেইনৰ মহিলা-কিশোৰী-শিশুক ধৰ্ষণ কৰাৰ বিৰুদ্ধে যুৱতীগৰাকীয়ে এই প্ৰতিবাদ সাব্যস্ত কৰে৷
লগতে পঢ়ক পকা আম খোৱাৰ আগতে এইবোৰ কৰিবলৈ কেতিয়াও পাহৰি নাযাব
উল্লেখ্য যে ইয়াৰ পূৰ্বে ইউক্ৰেইনৰ ৰাষ্ট্ৰপতি ভল’ডিমিৰ জেলেনস্কিয়ে কাঁ চলচ্চিত্ৰ মহোৎসৱৰ ৭৫ সংখ্যক সংস্কৰণৰ মুকলি অনুষ্ঠানত লাইভ চেটেলাইট ভিডিঅ’ ভাষণৰ জৰিয়তে আৱেগিক ভাষণ দি চলচ্চিত্ৰ নিৰ্মাতাসকলক একনায়কত্ববাদীসকলৰ বিৰুদ্ধে মুক্তকণ্ঠে থিয় হ’বলৈ আহ্বান জনাইছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
