ভোটদানৰ পূৰ্বে নিৰ্বাচনত প্ৰতিদ্বন্দ্বিতা কৰা প্ৰাৰ্থীসকলে ভোটাৰক বিভিন্ন ধৰণৰ প্ৰতিশ্ৰুতি প্ৰদান কৰে৷ সেই প্ৰতিশ্ৰুতিৰ অধিকাংশই নিৰ্বাচনৰ পিছত ফুটুকাৰ ফেন সদৃশেই হোৱা পৰিলক্ষিত হয়৷
কিন্তু এইবাৰ এগৰাকী প্ৰাৰ্থীয়ে দিয়া এক অদ্ভুত নিৰ্বাচনী প্ৰতিশ্ৰুতিয়ে সকলোকে আচম্বিত কৰি তুলিছে৷
এই অদ্ভুত প্ৰতিশ্ৰুতি দিয়া প্ৰাৰ্থীগৰাকী হৈছে ব্ৰাজিলৰ সংসদীয় নিৰ্বাচনৰ প্ৰাৰ্থী জুজু ফেৰাৰী৷ ব্ৰাজিলৰ চাও পাওলো সংসদীয় নিৰ্বাচনৰ এই প্ৰাৰ্থীগৰাকীয়ে জনসাধাৰণ বিশেষকৈ পুৰুষ ভোটাৰৰ মন জয় কৰিবলৈ দিছে অদ্ভুত প্ৰতিশ্ৰুতি৷
লগতে পঢ়ক ঘৰুৱা উপায়েৰে ডায়েবেটিছ ৰোগীয়ে কেনেকৈ ব্লাড চুগাৰ কেনেকৈ নিয়ন্ত্ৰণ হ্ৰাস কৰিব?
জুজু ফেৰাৰী নামৰ মহিলা প্ৰাৰ্থীগৰাকীয়ে প্ৰতিশ্ৰুতি দিছে যে তেওঁ নিৰ্বাচনত জয়ী হ’লে পুৰুষসকলৰ লিংগ বৰ্ধক বিনামূলীয়া অস্ত্ৰোপচাৰৰ ব্যৱস্থা কৰিব৷
এগৰাকী মডেলৰূপেও খ্যাতি থকা জুজুৱে ব্ৰাজিলৰ সংবাদ মাধ্যমৰ লগতে সামাজিক মাধ্যমতো যথেষ্ট জনপ্ৰিয়৷ ইনষ্টাগ্ৰামত তেওঁৰ প্ৰায় ৪২ লাখ অনুৰাগী আছে৷
প্ৰাৰ্থী জুজুৱে কয় যে তেওঁৰ এই ব্যৱস্থাই সংশ্লিষ্ট ব্যক্তিৰ আত্মবিশ্বাস বৃদ্ধি কৰাত সহায় কৰিব৷ অৰ্থাৎ লিংগ বৰ্ধক অস্ত্ৰোপচাৰৰ পিছতে সংশ্লিষ্ট পুৰুষসকল আত্মবিশ্বাসী হৈ উঠিব৷
লগতে পঢ়ক পুত্ৰই লাভ কৰিলে বাণিজ্যত দশম স্থান : ছিকিউৰিটী গাৰ্ডৰূপে কৰ্মৰত পিতৃৰ সুখৰ কান্দোন…
স্থানীয় সংবাদ মাধ্যমৰ সৈতে হোৱা এক সাক্ষাৎকাৰত তেওঁ কয় যে ইনষ্টাগ্ৰামত বহু অনুৰাগীয়ে তেওঁক এই অস্ত্ৰোপচাৰ কৰিব বিচৰা বুলি কৈছিল। কিন্তু অস্ত্ৰোপচাৰটো ইমানেই ব্যয়বহুল যে সকলোৱে কৰিব নোৱাৰে। সেয়ে জুজুৱে এই ব্যৱস্থা কৰাৰ বাবে পদক্ষেপ ল’ব বুলি প্ৰকাশ কৰিছে৷
ইফালে যৌন স্বাস্থ্যৰ সজাগতা বৃদ্ধিতো জুজুৱে গুৰুত্ব দিয়া উচিত বুলি মন্তব্য কৰিছে। ‘‘যৌন স্বাস্থ্য গুৰুত্বপূৰ্ণ আৰু মই সেইটোত গুৰুত্ব দিম। এই নীতিৰ বিষয়ে কোৱাৰ পিছত মই যথেষ্ট সমৰ্থন লাভ কৰিছো। আনকি মহিলাসকলেও এই ধাৰণাটো ভাল পাইছে।’’ জুজুৱে সংবাদ মাধ্যমত কয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
