IPLৰ নতুন ছিজন সন্দৰ্ভত ডাঙৰ আপডেট, খেলিব লাগিব মুঠ কিমান কেইখন খেল
IPL ২০২৫ মেগা নিলামৰ পূৰ্বে নতুন ছিজন সন্দৰ্ভত প্ৰতিদিনে নতুন নতুন আপডেট ওলাই আহিছে। শেহতীয়াকৈ খেলুৱৈ ধৰি ৰখাৰ (ৰিটেনশ্যন) সন্দৰ্ভত শেহতীয়া আপডেট ওলাইছিল যে এইবাৰ সকলো ফ্ৰেঞ্চাইজিকে ৫ জনকৈ খেলুৱৈ ধৰি ৰাখিবলৈ অনুমতি দিয়া হ’ব পাৰে। এতিয়া নতুন ছিজনত কিমানখন মেচ খেলিব সেই সন্দৰ্ভত শেহতীয়া আপডেট ওলাইছে।
নতুন ছিজনৰ পূৰ্বে এইবাৰ মেচৰ সংখ্যা বৃদ্ধি কৰিব পৰা যাব বুলি মেচৰ সংখ্যা সন্দৰ্ভত যথেষ্ট চৰ্চা চলিছিল। এই সন্দৰ্ভত এটা নতুন আপডেট ওলাইছে। ই এছ পি এনৰ প্ৰতিবেদন অনুসৰি আই পি এলৰ খেলৰ সংখ্যা বৃদ্ধি হোৱা নাই। খেলুৱৈৰ ৱৰ্কলোড মেনেজমেণ্টৰ বাবে বিচিচিআইয়ে আইপিএল ২০২৫ৰ বাবে ৮৪খন খেলৰ পৰিৱৰ্তে ৭৪খন খেল অব্যাহত ৰখাৰ সিদ্ধান্ত লৈছে।
২০২৫ চনত আই পি এলত ৮৪খন মেচ নথকাৰ এটা গুৰুত্বপূৰ্ণ কাৰণ হ’ল ভাৰতীয় আন্তঃৰাষ্ট্ৰীয় খেলুৱৈসকলক তেওঁলোকৰ কৰ্মবোজা পৰিচালনা কৰাত সহায় কৰা। ১১ জুনৰ পৰা লৰ্ডছত অনুষ্ঠিত হ’বলগীয়া একেৰাহে তৃতীয়বাৰৰ বাবে বিশ্ব টেষ্ট চেম্পিয়নশ্বিপৰ ফাইনেলত খেলাৰ বাবে ভাৰত বৰ্তমান ফেভাৰিট আৰু যোগ্যতা অৰ্জন কৰিলে খেলুৱৈসকলে প্ৰস্তুতিৰ অংশ হিচাপে যাতে পৰ্যাপ্ত জিৰণি লোৱাটো নিশ্চিত কৰিব বিচাৰিছে বিচিচিআইয়ে।
তথ্য অনুসৰি বি চি চি আইৰ সম্পাদক জে শ্বাহে কয় যে আই পি এল ২০২৫ত ৮৪খন খেল আয়োজন কৰাৰ ক্ষেত্ৰত আমি কোনো সিদ্ধান্ত লোৱা নাই, কাৰণ খেলৰ সংখ্যা বৃদ্ধিৰ বাবে খেলুৱৈসকলৰ ওপৰত যি বোজা পৰিছে সেয়া আমি মনত ৰাখিব লাগিব। যদিও ৮৪খন মেচ এই চুক্তিৰ অংশ, ৭৪ বা ৮৪খন মেচ আয়োজন কৰাটো বিচিচিআইৰ ওপৰত নিৰ্ভৰশীল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
