IPL ২০২৫, ১৮২ খেলুৱৈ নিলাম, সৰ্বাধিক টকা লাভ পণ্টৰ, সৰ্বকনিষ্ট ১৩ বছৰীয়া বৈভৱ
২০২৫ আই পি এলৰ নিলাম পৰ্বৰ অন্ত। এইবাৰৰ নিলামত বহু ৰেইটা ৰেকৰ্ড হয়। মুঠ ১৮২ গৰাকী খেলুৱৈ নিলাম হোৱাৰ লগতে খেলুৱৈ সকলৰ নামত খৰত হয় ৬৩৯.১৫ কোটি টকা। সকলো খেলুৱৈৰ ভিতৰত সৰ্বাধিক দৰ উঠে ভাৰতীয় খেলুৱৈ ঋষভ পন্টৰ। পণ্টক ২৭ কোটি টকাত লক্ষ্ণৌ দলে নিজৰ লগত ৰাখে। আনহাতে সৰ্বকনিষ্ট হিচাপে ৰেকৰ্ড কৰে বৈভৱ সূৰ্যবংশীয়ে। মাথো ১৩ বছৰ বয়সতে আই পি এল খেলিবলৈ সাজু বৈভৱ। ১.১০ কোটি টকাত ৰাজস্থান ৰয়েলছে দলত অন্তৰ্ভুক্ত কৰে ১৩ বছৰীয়া বৈভৱক।
এইবাৰ আই পি এলৰ নিলামৰ অনুষ্ঠান আয়োজন কৰা হৈছিল চৌদি আৰৱৰ জেদ্দাত। এই মেগা নিলামত ১৮২ গৰাকী খেলুৱৈৰ বাবে ব্যয় কৰা হয় ৬৩৯.১৫ কোটি টকা। এইবাৰ নিলামত ক্ৰয় কৰা হয় ৬২ গৰাকী বিদেশী খেলুৱৈ। এইবাৰ নিলামত পূৰ্বৰ সকলো অভিলেখ ভংগ। ইতিহাসৰ আটাইতকৈ দামী খেলুৱৈ হিচাপে পৰিগণিত হৈছে ঋষভ পন্ত। আনহাতে বৈভৱ সূৰ্য্যবংশী আছিল আটাইতকৈ কম বয়সীয়া খেলুৱৈ।
নিলামৰ শীৰ্ষ পাঁচগৰাকী খেলুৱৈ- শীৰ্ষত আছে ঋষভ পন্ত। দ্বিতীয় নম্বৰত আছে শ্ৰেয়াছ আয়াৰ। পঞ্জাব কিংছে ২৬.৭৫ কোটি টকাত ক্ৰয় কৰে শ্ৰেয়াছক। তৃতীয় সৰ্বাধিক ব্যয়বহুল খেলুৱৈ ভেংকটেশ আয়াৰ। তেওঁক কলকাতা নাইট ৰাইডাৰ্ছে ২৩.৭৫ কোটি টকাত ক্ৰয় কৰে। চতুৰ্থ আৰু পঞ্চমত আৰ্শদীপ সিং আৰু যুজবেন্দ্ৰ চাহালক পঞ্জাৱ কিংছে ক্ৰয় কৰে। দুয়োজনে ১৮ কোটিকৈ পাব।
আনহাতে এইবাৰ নিলামত বহু ডাঙৰ ডাঙৰ খেলুৱৈ বিক্ৰী নোহোৱাকৈ থাকি যায়। ইয়াৰ ভিতৰত প্ৰথম নামটো হ’ল ডেভিদ ৱাৰ্নাৰ। ৱাৰ্নাৰৰ ভিত্তি মূল্য আছিল ২ কোটি টকা। কিন্তু কোনেও ক্ৰয় নকৰে খেলুৱৈগৰাকীক। জনী বেয়াৰষ্টো, কেন উইলিয়ামছন, ষ্টিভ স্মিথ, ফিন এলেন, শ্বাৰদুল ঠাকুৰ আৰু মুস্তাফিজুৰ ৰহমানো বিক্ৰী নোহোৱাকৈ থাকি যায়।
এই মেগা নিলামত বিক্ৰী হোৱা আটাইতকৈ কম বয়সীয়া খেলুৱৈ বৈভৱ সূৰ্য্যবংশী। বৈভৱৰ বয়স মাত্ৰ ১৩ বছৰ। ৰাজস্থান ৰয়েলছে ১.১০ কোটি টকাত ক্ৰয় কৰে খেলুগৰাকীক। কম বয়সতে বৈভৱে ডাঙৰ কাম কৰিছে। ভাৰতীয় ১৯ বছৰ অনুৰ্ধ দলৰ হৈ শতক অৰ্জন কৰিছে। বৈভৱে অষ্ট্ৰেলিয়াৰ বিৰুদ্ধে এখন খেলতো শতক অৰ্জন কৰিছিল।
২০২৫ৰ এই নিলামত চেন্নাই ছুপাৰ কিংছে মুঠ ২৫ গৰাকী খেলুৱৈ ক্ৰয় কৰে। ইয়াৰে ৭ জন বিদেশী খেলুৱৈ। দিল্লী কেপিটেলে ২৩ গৰাকী খেলুৱৈ ক্ৰয় কৰে। ইয়াত ৭ জন বিদেশী খেলুৱৈ। গুজৰাট টাইটানছে ৭জন বিদেশীকে ধৰি মুঠ ২৫জন খেলুৱৈ ক্ৰয় কৰিছিল। কলকাতা নাইট ৰাইডাৰ্ছে ৮জন বিদেশীকে ধৰি ২১জন খেলুৱৈ ক্ৰয় কৰে। লক্ষ্ণৌ ছুপাৰ জায়েণ্টছে ৬জন বিদেশীকে ধৰি মুঠ ২৪ খেলুৱৈ ক্ৰয় কৰে। মুম্বাই ইণ্ডিয়ানছে ২৩ গৰাকী খেলুৱৈক নিজৰ দলত ৰাখে। পঞ্জাব কিংছে ২৫ গৰাকী খেলুৱৈ ক্ৰয় কৰে, ইয়াৰে ৮ জন বিদেশী। ৰাজস্থানে ৬জন বিদেশীকে ধৰি ২০জন খেলুৱৈ ক্ৰয় কৰে। ৰয়েল চেলেঞ্জাৰছ বাংগালুৰুৱে ২২ গৰাকী খেলুৱৈক লৈ যায়। তাত ৮ জন বিদেশী আছে। ছানৰাইজাৰ্ছ হায়দৰাবাদে ক্ৰয় কৰিছিল ২০ গৰাকী বিদেশী খেলুৱৈ। তাত ৭ জন বিদেশী আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
