ভয়ংকৰ ভৱিষ্যতৰ আগজাননী, ৮২.২ ডিগ্ৰীলৈ বৃদ্ধি তাপমাত্ৰা
২৮ আগষ্টত দক্ষিণ ইৰাণৰ ডেৰেষ্টান বিমানবন্দৰৰ সমীপৰ এটা বতৰ কেন্দ্ৰই বৰ্তমানলৈ পৃথিৱীৰ সৰ্বোচ্চ তাপ সূচকাংক ৮২.২ ডিগ্ৰী চেলছিয়াছ ৰেকৰ্ড কৰে। আমেৰিকাৰ বতৰ বিজ্ঞানী কলিন মেককাৰ্থীয়ে টুইটাৰত এটা পোষ্ট শ্বেয়াৰ কৰি এই তথ্য প্ৰদান কৰে।
অৱশ্যে এই তথ্য কিমানদূৰ সত্য সেয়া এতিয়াও আনুষ্ঠানিকভাৱে অনুসন্ধান কৰা হোৱা নাই। মেককাৰ্থীয়ে টুইটাৰত পোষ্ট কৰিছিল যে “এই তথ্যবোৰ সঠিক হয় নে নহয় সেইটো নিৰ্ণয় কৰিবলৈ আনুষ্ঠানিক তদন্ত সম্পূৰ্ণ কৰাটো প্ৰয়োজন।”
আন এটা টুইটত লিখিছে যে এই তথ্যৰ প্ৰতি অলপ সন্দেহ প্ৰকাশ কৰিছে, কিয়নো অঞ্চলটোৰ আন বহু বতৰ বিজ্ঞান কেন্দ্ৰই এই তথ্যৰ ওপৰত কোনো ধৰণৰ মন্তব্য কৰা নাই। বহু বতৰ বিজ্ঞান কেন্দ্ৰই তেঁওলোকৰ নিজ নিজ তথ্য দাঙি ধৰা অনুসৰি এই তথ্য সম্পূৰ্ণ ৮০.২ ডিগ্ৰী ছেলছিয়াচ নহয়। তথাপি অধিকে আছে এই তথ্য।
এক ৰাষ্ট্ৰীয় সংবাদ মাধ্যমৰ প্ৰকাশিত বাতৰি অনুসৰি, আমেৰিকাৰ ৰাষ্ট্ৰীয় বতৰ বিজ্ঞান কেন্দ্ৰই ৰেকৰ্ড কৰা অনুসৰি ২৮ আগষ্টৰ পুৱা ১০.৩০ বজাত ডেৰেষ্টন বিমানবন্দৰৰ বতৰ কেন্দ্ৰত ৩৮.৮ ডিগ্ৰী চেলছিয়াছ তাপমাত্ৰা ৰেকৰ্ড কৰা হয়। যিটো উচ্চ উষ্ণতা নাছিল। কিন্তু, আপেক্ষিক আৰ্দ্ৰতা ৮৫% হোৱাৰ লগে লগে তাপ সূচকাংকৰ উষ্ণতা ৮২.২ ডিগ্ৰী চেলছিয়াছত উপনীত হয়।
যদিহে সঁচাকৈয়ে ইৰাণত ৰেকৰ্ড কৰা এই তথ্য শুদ্ধ হয়, তেন্তে ই এলাৰ্ম বেল আৰু ই গোলকীয় উষ্ণতা বৃদ্ধিৰ বাবে ক্ৰমাৎ বিপদৰ ইংগিত দিয়ে। গোলকীয় উষ্ণতা বৃদ্ধিৰ বাবে বিশ্বৰ বহু অঞ্চলত তাপ যথেষ্ট বৃদ্ধি পাইছে। যাৰ বাবে গৰমৰ ঢৌ, জুই আৰু খৰাং পৰিস্থিতিৰ আশংকা বৃদ্ধি পাইছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
