অসম লাইভ২৪ঃ মন্ত্ৰী জয়ন্তমল্ল বৰুৱাই এআইইউডিএফৰ মুৰব্বী বদৰুদ্দিন আজমলৰ বিদ্বেষমূলক তথা সাম্প্ৰদায়িক মন্তব্যৰ ওপৰত প্ৰতিক্ৰিয়া প্ৰকাশ কৰি কয়, ‘বদৰুদ্দিন আজমল প্ৰকৃততে এগৰাকী ৰাজনৈতিক সন্ত্ৰাসবাদী৷ কাৰণ তেওঁ যিধৰণৰ বক্তব্য দিছে, তাৰ পৰা এটা কথা স্পষ্ট যে, তেওঁ ৰাজনৈতিক সন্ত্ৰাস চলাব বিচাৰে৷’
মন্ত্ৰীগৰাকীয়ে বদৰুদ্দিন আজমলৰ বক্তব্যৰ ওপৰত ধিক্কাৰ দি কয়, ‘তেওঁ এজন সাংসদ হিচাপে অসমৰ লগতে সমগ্ৰ ভাৰতৰ সভ্যতা-সংস্কৃতি আৰু নাৰী জাতিসম্পৰ্কে যিধৰণৰ কুৎচিত মন্তব্য আগবঢ়ালে, সেয়া অতিকৈ লজ্জাজনক৷ অসমীয়া জাতি সজাগ হ’ব লাগিব৷ আমি আজমলক বাংলাদেশী মূলৰ মিয়াবিলাকৰ মহানায়ক হোৱাত বাধা দিব লাগিব৷’
জয়ন্তমল্ল বৰুৱাই ক্ষোভেৰে কয় যে, আজমলে ভাৰতবৰ্ষৰ সংস্কৃতিক কুঠাৰাঘাত কৰিছে৷ সনাতনী সভ্যতা-সংস্কৃতিৰ ওপৰত ইমান বিৰূপ মন্তব্য আগবঢ়াইছে যে অসমীয়া জাতিটোক আঘাত কৰিছে৷ অতি দুখজনক বিষয়টো হ’ল যে, অসমৰ পৰা বাংলাদেশীমূলৰ মানুহৰ দ্বাৰা হোৱা জনবিস্ফোৰণৰ বাবেই আজমলৰ নিচিনা মানুহক অসমৰ সাংসদ হিচাপে পাইছোঁ বুলিও আক্ষেপ প্ৰকাশ কৰে৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
