অসম লাইভ ২৪ঃ বলীউডৰ অন্যতম সফল দম্পতী বুলিলে প্ৰথমেই মনলৈ আহে শ্বাহৰুখ খান আৰু গৌৰী খানৰ কথা। কিন্তু শ্বাহৰুখ-গৌৰীৰ সমান্তৰালভাৱে আৰু এক দম্পতী আছে যাৰ কথা পাহৰিলে ভুল হ’ব। সেই দম্পতী হ’ল অজয় দেৱগন আৰু কাজল। সুদীর্ঘ ২০ বছৰ সুখে-দুখে পাৰ কৰিছে কাজল-অজয়ে। দুজনৰ পৰিয়াল বাঢ়ি হ’লগৈ ৪ জনৰ। তেওঁলোকৰ জীৱনলৈ আহে নাইছা আৰু যুগ। কিন্তু প্ৰথমৰ পৰাই সকলো ভাল নাছিল। বহু কঠিন সময় পাৰ কিৰবলগা হৈছিল কাজল-অজয়ে। দুবাৰকৈ গর্ভপাতৰ যন্ত্ৰণা সহ্য কৰিবলগা হৈছিল কাজলে। বিয়াৰ পাছতেই কাজল-অজয়ে সন্তান জন্মৰ সিদ্ধান্ত লয়। কিন্তু প্ৰথম সন্তান গর্ভতেই নষ্ট হয় কাজলৰ। তাৰ কিছুদিন পাছত গর্ভলৈ আহে দ্বীতিয় সন্তান। সেই সময়ত চলি আছিল ‘কভী খুচি কভী গম’ ছবিৰ শ্বুটিং। বহু নৃত্যৰ দৃশ্য আছিল সেই ছবিখনত। অজয় দেৱগনৰ বাধা সত্ত্বেও শ্বাহৰুখ খানৰ সৈতে নৃত্যৰ শ্বুটিং কৰিছিল কাজলে। আৰু সেই শ্বুটিঙৰ শেষত কাজলৰ মিছকেৰেজ হয়। খবৰ পোৱাৰ লগে লগে শ্বুটিং এৰি ঢপলিয়াই আহে স্বামী অজয় দেৱগন। আৰু সকলোৰে সন্মুখতে প্ৰচণ্ড চৰ শোধাই কাজলক। বাক-বিতণ্ডাৰো সৃষ্টি হয় পৰিচালক কৰণ জহৰৰ সৈতে। ইয়াৰ পাছতে বহুদিন ধৰি বন্ধ হৈ আছিল ‘কভী খুচি কভী গম’ ছবিৰ শ্বুটিং। অৱশ্যে লাহে লাহে সকলো স্বাভাৱিকলৈ আহে। সম্প্ৰতি নাইছা আৰু যুগক লৈ সুখৰ সংসাৰ অজয়-কাজলৰ। কিন্তু শ্বাহৰুখ আৰু কৰণৰ সৈতে এতিয়াও সম্পর্ক সম্পূর্ণ স্বাভাৱিক হোৱা নাই অজয় দেৱগনৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
