অসম লাইভ২৪ঃ ক’লা চাউল খাইছেনে? নাখালেও নিশ্চয় ক’লা চাউলৰ বিষয়ে আপুনি শুনিছে৷ ক’লা চাউল স্বাস্থ্যৰ বাবে অতি উপকাৰী বুলি বহু সময়তে চৰ্চা হয়৷ কিন্তু ক’লা চাউল খালে আমি কি কি ৰোগৰ পৰা ৰক্ষা পাব পাৰো সেই বিষয়ে বহুতেই নাজানো৷ ক’লা চাউলত এণ্টিঅক্সিডেণ্ট প্ৰচুৰ পৰিমানে থাকে যিয়ে শৰীৰৰ ৰোগ প্ৰতিৰোধ ক্ষমতা বঢ়াই তোলে৷ ক’লা চাউল খালে শৰীৰত বিশেষভাৱে ৪ টা লাভালাভ হয়েই৷
ক’লা চাউলে দৃষ্টিশক্তি বঢ়াই
চিকিৎসকে জনোৱা অনুসৰি ক’লা চাউলত এণ্টি-অক্সিডেণ্ট গেক্সান্থিন আৰু লুটিন থাকে। এই এণ্টি-অক্সিডেণ্টৰ বাবে দৃষ্টিশক্তি বঢ়াৰ উপৰিও শৰীৰৰ ৰোগ প্ৰতিৰোধ ক্ষমতা বৃদ্ধি পায়৷
ক’লা চাউল পুষ্টিহীনতাত ভোগা ৰোগীৰ বাবে অতি উত্তম
ক’লা চাউলত আঁহ, প্ৰ’টিন আৰু লো থাকে। ক’লা চাউল খালে শৰীৰে পুষ্টি লাভ কৰাৰ উপৰিও পাচন তন্ত্ৰৰ বিপাকত ই বিশেষভাৱে সহায় কৰে৷
হৃদৰোগীৰ বাবে উপকাৰী
ক’লা চাউল খোৱাৰ ফলত হৃদৰোগৰ সমস্যাৰ দূৰ হয়৷ দৰাচলতে, ইয়াত ফ্লেভোনইড নামৰ এক উপাদান থাকে, যি হৃদৰোগ আঁতৰ কৰাত সহায় কৰে। ক’লা চাউলে শৰীৰত এন্থোচাইনিন কলেষ্টেৰল আৰু ট্ৰাইগ্লিচাৰাইডৰ স্তৰ উন্নত কৰাত সহায় কৰে৷
কৰ্কটৰ পৰা হাত সাৰিবলৈ ক’লা চাউল খাব লাগে
প্ৰতিসাঁজ খাদ্যতেই ক’লা চাউল খালে কৰ্কট ৰোগৰ পৰা ৰক্ষা পাব পাৰি৷ এই ক’লা চাউলত এন্থোচাইনিন পোৱা যায় যাৰ বাবে ক’লা চাউল সিজালে বেঙুনীয়া হৈ পৰে। এই চাউলত কৰ্কটৰ প্ৰতিষেধক এণ্টি-অক্সিডেণ্ট আৰু এণ্টি-ইনফ্লেমেটৰী থাকে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
