দুবছৰতেই দেশৰ ৫ শতাংশ লোক আক্ৰান্ত হৈছে কৰ্কটত৷ ’২৫ চনলৈ ১২.৭ শতাংশলৈ বাঢ়িব আক্ৰান্তৰ সংখ্যা, আঁৰত কি কাৰণ?

অসম লাইভ২৪ঃ ভাৰতত প্ৰতিদিনেই বৃদ্ধি পাইছে হাওঁফাওঁৰ কৰ্কটত আক্ৰান্ত ৰোগীৰ সংখ্যা৷ কেন্দ্ৰই দিয়া পৰিসংখ্যাত উল্লেখ থকা মতে দুবছৰতেই দেশৰ ৫% লোক আক্ৰান্ত হৈছে হাওঁফাওঁৰ কৰ্কটত৷ কেৱল ধুমপান কৰা ব্যক্তিৰেই হাওঁফাওঁৰ কৰ্কট হয় এনে নহয়৷ এই ৰোগত আক্ৰান্ত হয় ধুমপান নকৰা ব্যক্তিও৷ গৱেষণা কৰি থকা একাংশ গৱেষকে দাঙি ধৰা তথ্যত প্ৰকাশ কোৱামতে দৈনিক এই ৰোগত আক্ৰান্ত ব্যক্তিৰ সংখ্যা বৃদ্ধি হোৱাৰ মূলতে হৈছে প্ৰদূষণ৷ ভাৰতৰ বৃহৎ মহানগৰসমূহত প্ৰতিদিনেই বাঢ়িছে প্ৰদূষণ৷

ICMRৰ পৰিসংখ্যাত উল্লেখ থকা মতে দেশৰ মুঠ ৩৮ হাজাৰ মানুহ হাওঁফাওঁৰ কৰ্কটত আক্ৰান্ত৷ ইয়াৰে অধিক আক্ৰান্তৰ তালিকাত আছে অসম, পশ্চিমবংগ, উত্তৰপ্ৰদেশ, মহাৰাষ্ট্ৰ, বিহাৰ৷ দক্ষিণৰ ৰাজ্যসমূহত আক্ৰান্তৰ সংখ্যাৰে শীৰ্ষত আছে তামিলনাডু৷ তাৰপাছতেই আছে কৰ্ণাটক, অন্ধ্ৰপ্ৰদেশ আৰু কেৰালা৷

৯ জন ভাৰতীয়ৰ মাজত এজনেই কৰ্কটত আক্ৰান্ত
হাওঁফাওঁৰ কৰ্কটত আক্ৰান্তৰ সংখ্যাত প্ৰথমেই আছে উত্তৰপ্ৰদেশ৷ ২০২২ চনত কৰ্কট আক্ৰান্ত মুঠ ৰোগীৰ সংখ্যা হৈছে ১ লাখ ১০ হাজাৰ ৯৫৮ জন৷ ICMR-ৰ ৰিপৰ্টত প্ৰকাশ পোৱামতে ৯ জন ভাৰতীয়ৰ মাজত কমেও এজন আক্ৰান্ত কৰ্কটত৷ বিশেষজ্ঞই জনোৱামতে ২০২০ ৰ পৰা ২০২৫ চনৰ মাজত দেশৰ ১২.৮ শতাংশ লোকেই আক্ৰান্ত হ’ব কৰ্কটত৷ অধিকাংশ আক্ৰান্তৰ বয়স হ’ব ৪০ ৰ পৰা ৬৮ বছৰ৷

হাওঁফাওঁৰ কৰ্কটৰ লক্ষণসমূহৰ ভিতৰত আছে-
দীৰ্ঘদিন ধৰি কাঁহ হৈ থকা, ঔষধ খালেও কাঁহ নকমা৷
কাঁহত তেজ বাহিৰ হোৱা
শ্বাস-প্ৰশ্বাসত কষ্ট
বুকুৰ বিষ
ডিঙি বহি যোৱা
ওজন কমা
হাঁড়ৰ বিষ
সঘনাই মূৰৰ বিষ হৈ থকা আদি লক্ষণে দেখা দিলে তাৎক্ষণিকভাৱে চিকিৎসকৰ পৰামৰ্শ ল’ব লাগে৷

ধূমপান, প্ৰদুষণৰ ওপৰিও ৰেডিয়েছন থেৰাপীৰ পৰাও কৰ্কট হোৱাৰ সম্ভাৱনা থাকে৷ যিসকল লোকে কেমিকেল, ধাতুৰ গুৰি আদিৰ সৈতে নিয়মিতভাৱে কাম কৰি থাকে তেওঁলোকৰো হাওঁফাওঁ কৰ্কটৰ আশংকা থাকে৷ ইয়াৰোপৰি জিনগত কাৰণতো হাওঁফাওঁৰ কৰ্কট হ’ব পাৰে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ