এপষ্টিন ফাইলক লৈ বিতৰ্ক তুংগত৷ এই সময়তে যৌন অপৰাধী জেফ্ৰি এপষ্টিনৰ মেডিকেল ৰিপোৰ্ট ভাইৰেল হৈছে৷ সেই ৰিপৰ্টত দেখা গৈছে এপষ্টিন একাধিক যৌনৰোগত আক্ৰান্ত হৈছিল৷ তেওঁৰ শৰীৰত টেষ্টোষ্টেৰণৰ মাত্ৰাও কম আছিল৷
এপষ্টিন আৰু তেওঁৰ চিকিৎসকৰ মাজৰ কথোপকথনৰ কিছু তথ্য লাভ কৰা হৈছে৷ এটা মেইলত দেখা গৈছে যে চিকিৎসক মেক্সমেনে তেওঁক যৌনাঙ্গবৰ্ধক ঔষধ খাবলৈ পৰামৰ্শ দিছে৷ এই পৰামৰ্শ সম্বলিত বহু মেইলৰ সন্ধান পোৱা গৈছে৷ মেইলসমূহ দেখা গৈছে যৌন উত্তেজনাবৰ্ধক ঔষধ খোৱাৰ বিষয়ে যুৱকসকলৰ সৈতেও বাৰ্তালাপ কৰিছিল এপষ্টিনে৷
এপষ্টিনৰ মেডিকেল ৰিপৰ্টে কৈছে, শেষ কেইবাবছৰত তেওঁৰ শৰীৰত প্ৰতি ডেচিলিটাৰত টেষ্টোষ্টেৰণৰ পৰিমাণ আছিল ১২৫ৰ পৰা ১৪২ নেনোগ্ৰাম৷ সাধাৰণভাৱে এজন পূৰ্ণবয়স্ক সুস্থ মানুহৰ দেহত ইয়াৰ পৰিমাণ হোৱা উচিত প্ৰতি ডেচিলিটাৰত ৩০০ নেনোগ্ৰাম৷ টেষ্টোষ্টেৰণ আৰু যৌন ইচ্ছা কমি যোৱাক লৈ উদ্বিগ্নও হৈছিল এপষ্টিন৷ ২০১৫ চনত চিকিৎসকক মেইল কৰি সমাধানো বিচাৰিছিল৷ এজন চিকিৎসকে তেওঁক ক্লোমিডৰ দৰে ঔষধ ব্যৱহাৰ কৰাৰ পৰামৰ্শ দিছিল৷ কিন্তু পাৰ্শ্বপ্ৰতিক্ৰিয়াৰ কথা জনাই ২০১৬ চনতেই এই ঔষধ খোৱা বন্ধ কৰিছিল এপষ্টিনে৷
এপষ্টিন ফাইলত থকা মেডিকেল ৰিপৰ্টত লগতে দেখা গৈছে, একাধিক যৌনৰোগত আক্ৰান্ত হৈছিল এপষ্টিন৷ তেওঁৰ মূত্ৰত তেজ পোৱা গৈছিল৷ শৰীৰৰ বিভিন্ন অংগত বিয়পিছিল সংক্ৰমণ৷ শুক্ৰবাৰে অৰ্থাৎ আজি আমেৰিকাৰ বিচাৰ দপ্তৰে এপষ্টিন ফাইলৰ ৩০ লাখ পৃষ্ঠা প্ৰকাশ কৰিছে৷ তাৰ মাজত আছে ২০০০ ভিডিঅ’৷ ১ লাখ ৮০ হাজাৰ ছবি৷ ইয়াৰ পূৰ্বে প্ৰকাশিত ফাইলসমূহত এপষ্টিনৰ সৈতে দেখা গৈছিল মাৰ্কিন প্ৰেচিডেণ্ট ডোনাল্ড ট্ৰাম্প, প্ৰাক্তন মাৰ্কিন প্ৰেচিডেণ্ট বিল ক্লিণ্টনক৷ ঘৰত আৰু বাহিৰতো চাপৰ মুখত পৰি বিগত নৱেম্বৰত এপষ্টিন সংক্ৰান্তিয় ফাইল প্ৰকাশ্যে অনাৰ সিদ্ধান্ত লয় মাৰ্কিন প্ৰেচিডেণ্টে৷ ২০০৮ চনত এপষ্টিনৰ বিৰুদ্ধে নাবালিকা ধৰ্ষণ আৰু নিগ্ৰহৰ অভিযোগ দাখিল হয়৷ ২০১৯ চনৰ আগষ্টত গ্ৰেপ্তাৰীৰ পাছত কাৰাগাৰতেই আত্মহত্যা কৰে এপষ্টিনে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
