পূৰ্বৰ জন্মত কোন আছিল দ্ৰৌপদী, কিয় পালে ৫ স্বামী?
দ্ৰৌপদী মহাভাৰতৰ এক অতি গুৰুত্বপূৰ্ণ আৰু কেন্দ্ৰীয় চৰিত্ৰ। তেওঁৰ জীৱন কেৱল মহাভাৰতৰ সকলো ডাঙৰ ডাঙৰ পৰিঘটনাৰ সৈতে জড়িত নহয়, মহাভাৰত যুদ্ধৰ আখ্যানমূলক গুৰি হিচাপেও তেওঁক গণ্য কৰা হয়।
পাছে পাঞ্চালী নামেৰে বিখ্যাত হোৱা দ্ৰৌপদীৰ পূৰ্বৰ জন্মৰ কাহিনী কি আৰু কিয় ৫ পাণ্ডৱ ৰূপত লাভ কৰে ৫ জন স্বামী?
মহাভাৰতৰ আদিপৰ্বত উল্লেখ আছে যে দ্ৰৌপদী তেওঁৰ পূৰ্বৰ জন্মত এগৰাকী দুখীয়া ব্ৰাহ্মণ নাৰী আছিল। নাম আছিল নলায়নী, যাৰ স্বামী সদায় অসুস্থ। ভৰ যৌৱনতে স্বামীৰ মৃত্যুৰ বাবে ব্ৰাহ্মণ নাৰীয়ে স্বামীৰ পৰা কোনো সুখ লাভ কৰিব নোৱাৰে।
সকলো ইচ্ছা অপূৰ্ণ হৈয়ে ৰৈ যায়, যিয়ে তেওঁক অশান্তি দি থাকে। তাৰোপৰি বিধৱা হোৱা বাবে তেওঁ সমাজৰ পৰা অৱহেলা আৰু অত্যাচাৰ সহ্য কৰিবলগীয়া হয়। এদিন সেই ব্ৰাহ্মণ বিধৱাই ভাবে যে তেওঁ ভগৱান শিৱৰ ওচৰত তপস্যা কৰিব লাগে যাতে তেওঁ পৰৱৰ্তী জীৱনত পুনৰ অপূৰ্ণ কামনাৰ বোজা বহন কৰিব নালাগে।
দুখীয়া বিধৱা ব্ৰাহ্মণীয়ে বহু বছৰ ধৰি মহাদেৱ শিৱৰ কঠোৰ তপস্যা কৰে। অৱশেষত ভগৱান শিৱই বিধৱামহিলাৰ কঠোৰ তপস্যাত সন্তুষ্ট হৈ উপস্থিত হৈ বিধৱা ব্ৰাহ্মণিক আশিৰ্বাদ দিয়ে। বিধৱা ব্ৰাহ্মণ ভদ্ৰমহিলাগৰাকীয়ে মহাদেৱক সন্মুখত থিয় হৈ থকা দেখি বৰ উত্তেজিত হৈ পৰে।
পৰৱৰ্তী জীৱনত বিচৰা স্বামীৰ সকলো গুণ কোৱাৰ পিছত তাই মহাদেৱৰ পৰা ৫ বাৰ সকলো গুণ থকা স্বামী বিচাৰিছিল। ইয়াৰ ওপৰত ভগৱান শিৱই তেওঁক বুজাই দিলে যে কোনো এজন মানুহৰ বাবে এই সকলোবোৰ গুণ থকাটো প্ৰায় অসম্ভৱ।
কিন্তু মহিলাগৰাকীয়ে নিজৰ দাবীত দৃঢ়তাৰে থাকি কয় যে, “হে মহাদেৱ! মোৰ পৰৱৰ্তী জীৱনত এই সকলোবোৰ গুণ থকা এজন স্বামী মোক দিয়ক।” ভক্তৰ সকলো কামনা পূৰণ কৰা ভগৱান শিৱই মহিলাগৰাকীৰ জোৰ অনুসৰি বৰদান কৰে।
পৰৱৰ্তী জন্মত বিধৱা ব্ৰাহ্মণীয়ে যজ্ঞৰ জৰিয়তে পাঞ্চাল দেশৰ ৰজা ধ্ৰুপদৰ কন্যা হিচাপে জন্ম লাভ কৰে। পাঞ্চালৰ ৰজাৰ কন্যা হোৱাৰ বাবে তেওঁৰ এটা নাম আছিল পাঞ্চালী, আনহাতে যজ্ঞাৰ পৰা জন্ম লোৱাৰ বাবে তেওঁক যাগ্যসেনী বুলিও জনা যায়।
বাকি বিবাহৰ কথা মহাভাৰতৰ আখ্যান অনুসৰি, প্ৰথমে অৰ্জুনৰ লগত বিবাহ, পাছত মাতৃ কুন্তিৰ পৰামৰ্শ অনুযায়ী ৫ পাণ্ডৱৰ সৈতে বিবাহ। পূৰ্ব জন্মৰ শিৱৰ আশিৰ্বাদ অনুসৰি সকলো গুণৰ অধিকাৰী ৫ গুণৰ ৫ স্বামী লাভ কৰে দ্ৰৌপদীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
