নূপুৰ শৰ্মাৰ সমৰ্থনত পোষ্ট কৰি দুই মুছলমান যুৱকৰ হাতত হত্যাৰ বলি হৈছিল ৰাজস্থানৰ উদয়পুৰৰ দৰ্জী কানহাইয়া লাল৷
এই হত্যাকাণ্ডক সমগ্ৰ দেশে তীব্ৰ গৰিহণা দিয়াৰ সময়তে অসমৰ এজন যুৱকে এই নৃশংস হত্যাকাণ্ডক সমৰ্থন কৰি গ্ৰেপ্তাৰ বৰণ কৰিবলগীয়া হৈছে৷
বৰাক উপত্যকাৰ হাইলাকান্দিৰ কাটলিচেৰাৰ চামচুল লস্কৰ নামৰ যুৱকজনে সামাজিক মাধ্যমত উক্ত হত্যাকাণ্ডৰ সমৰ্থনত মন্তব্য কৰে৷ ইয়াৰ পিছতে ভাৰতীয় জনতা যুৱ মৰ্চাৰ সভাপতি মিলন দাসে লস্কৰৰ বিৰুদ্ধে হাইলাকান্দিক সদৰ আৰক্ষী থানাত এজাহাৰ দাখিল কৰে৷
লগতে পঢ়ক মণিপুৰত আকৌ ভূমিস্খলন; উদ্ধাৰ ২৪ টা মৃতদেহ, ৩৮ জন এতিয়াও সন্ধানহীন
আবু চৌধুৰী নামৰ এজন ব্যক্তিয়ে উক্ত লোমহৰ্ষক হত্যাকাণ্ডত জড়িত থকা দুই হত্যাকাৰীক ফাঁচিৰ দাবীৰে কৰা এটা পোষ্টত ছামচুল লস্কৰ নামৰ লোকজনে মন্তব্য কৰিছিল৷ তেওঁ মন্তব্যত কৈছিল যে “হত্যা কৰি ভালেই কৰিলে— ইমান ডাঙৰ অপৰাধীক কিয় সমৰ্থন কৰিছিল!’’
আৰক্ষীয়ে সেই এজাহাৰ ভিত্তিতে যোৱা বৃহস্পতিবাৰে ভাৰতীয় দণ্ডবিধি আইনৰ ১২০বি, ১৫৩এ, ৫০৫ (১) (গ) আৰু ৫০৫ (২) ভাৰতীয় দণ্ডবিধি আৰু ধাৰা ৩৯ আৰু UAPAৰ অধীনত গোচৰ ৰুজু কৰি গ্ৰেপ্তাৰ কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
