অসম লাইভ২৪ঃ কৰো বুলিয়েই এনে কিছু কাম কৰি পেলাই মানুহে। বাতৰিৰ শিৰোনামো হয়। সকলোকে আচৰিত কৰি তোলা এই ঘটনাটো তামিলনাডুৰ। এজন যুৱকে একে কামুৰেই চিঙি আনে এডাল সাপৰ মূৰ। তিনি ফুট দীঘল এডাল সাপক কামুৰি গ্ৰেপ্তাৰ হৈছে যুৱকজন। কিন্তু কেনেকৈ সাপডাল কামুৰি আনিল যুৱকজনে?
ভাইৰেল ভিডিঅ’টোত থকা অনুসৰি যুৱকজনে এডাল সাপৰ সৈতে পোনতে ধেমালী কৰি আছিল। কিন্তু হঠাতেই যুৱকজনে সাপৰ মূৰটো কামূৰি চিঙে। সমূহ ঘটনাৰ ভিডিঅ’ নিজেই সামাজিক মাধ্যমত পোষ্টো কৰে মোহন নামৰ যুৱকজনে। বিশেষ ভিডিঅ’টোৰ আধাৰতে বন্যপ্ৰাণী সুৰক্ষা আইনৰ অধীনত আৰক্ষীয়ে গ্ৰেপ্তাৰ কৰিছে যুৱকজনক।
ভিডিঅ’টোত যুৱকজনে কৈছে যে, এইবাৰ মই ইয়াৰ মূৰটো চিঙিম। মূৰটো চিঙাতেই শান্ত নাথাকি যুৱকজনে সাপৰ ছালো কাগজৰ দৰে চিঙি উলিয়াই আনে। তাৰপাছতেই অন কেমেৰা যুৱকজনে কয় যে, এইসাপ ডালেই তেওঁক এবাৰ খুটি থৈছে। সেয়ে তেওঁ সাপডালক এনেকৈ হত্যা কৰিছে। প্ৰতিশোধ লোৱাটোৱেই তেওঁৰ প্ৰধান লক্ষ্য।
আৰক্ষীয়ে এই কাণ্ডৰ বাবে মোহনক গ্ৰেপ্তাৰ কৰিছে। এই সমগ্ৰ ঘটনাটো ভিডিঅ’ কৰিছিল তেওঁ দুই বন্ধুৱে। তেওঁলোকেই এই ভিডিঅ’ সামাজিক মাধ্যমত পোষ্টো কৰিছিল। বন্যপ্ৰাণীৰ ওপৰত কৰা অত্যাচাৰৰ বাবে আৰক্ষীয়ে মোহনৰ দুই বন্ধুকো গ্ৰেপ্তাৰ কৰিছে। অভিযুক্ত মোহন, সূৰ্য আৰু সন্তুষ তিনিওৰে ঘৰ তামিলনাডুৰ আৰাক্কানাম বুলি জনাইছে আৰক্ষীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
