‘প্ৰথমে তেওঁৰ এজনী বান্ধৱী আছিল, তাৰপাছত হঠাৎ আৰু দুজনী বান্ধৱী গোট খালে৷ তাৰপিছত আৰু এগৰাকী, তাৰপিছত আৰু এগৰাকী৷’ সামাজিক মাধ্যমত নিজৰ প্ৰেমিকক লৈ এই কথা লিখিছে এগৰাকী ব্ৰাজিলিয়ান মডেলে৷ এনেকৈ এজনীৰ পাছত আনজনী মহিলা বান্ধৱী আনি থকাৰ পাছতো এতিয়াও কিন্তু দুয়ো স্বামী স্ত্ৰীৰ মাজত বিচ্ছেদ হোৱা নাই৷ কেনেকৈ বিচ্ছেদ নোহোৱাকৈ দুয়োৱে মসৃণভাৱে চলাই নিছে সংসাৰ?
এই ধৰণৰ ঘটনাৰ পৰাইতো বিচ্ছেদ হয়৷ কিন্তু এওঁলোকে বিচ্ছেদৰ সলনি মসৃণভাৱে চলাইছে সংসাৰ৷ ঘটনাৰ কথা প্ৰকাশ কৰিছে এমিলি সৌজা নামৰ এগৰাকী মডেলে৷ তেওঁ জনাইছে, বৰ্তমান তেওঁৰ প্ৰেমিক আৰ্থাৰৰ মুঠ ৫গৰাকী প্ৰেমিকা আছে৷ সকলো একেখন ছাদৰ তলতেই থাকে৷ এমিলিয়ে জনাইছে যে আৰ্থাৰৰ সৈতে তেওঁৰ সম্পৰ্কৰ সূচনা হৈছিল প্ৰায় ৪ বছৰৰ পূৰ্বেই৷ তেতিয়া এমিলিৰ বয়স আছিল ২৩ বছৰ আৰু আৰ্থাৰৰ বয়স ৩৭ বছৰ৷ তেতিয়াও অৱশ্যে চিংগল নাছিল আৰ্থাৰ৷ লুয়ানা নামৰ এগৰাকী পত্নী আছিল তেওঁৰ৷ এমিলিয়ে ভাৱিছিল সকলো এৰি তেওঁৰ সৈতে সংসাৰৰ পাতনি মেলিব আৰ্থাৰে৷ কিন্তু তেনে নহ’ল৷ ইয়াৰ সলনি বাঢ়ি গৈ থাকিল আৰ্থাৰৰ প্ৰেমিকাৰ সংখ্যা৷
বৰ্তমান স্ত্ৰী লুয়ানাসহ ৫ সংগীনি আছে আৰ্থাৰৰ৷ এমিলি আৰু লুয়ানাৰ ওপৰিও ভালকিৰিয়া, দ্যামিয়ানা আৰু কাৰ্লা নামৰ তিনি বান্ধৱীও আছে তেঁওৰ৷ ষষ্ঠ বান্ধৱীয়ে কিছুদিন পূৰ্বে তেওঁক এৰি গৈছে৷ এমিলিয়ে জনাইছে যে নিশাবোৰ প্ৰেয়সীৰ সৈতে ভগাই লৈছে আৰ্থাৰে৷ অৰ্থাৎ এগৰাকী সংগীৰ সৈতে এটা নিশাকৈ ভগাই লৈছে সপ্তাহৰ দিন৷ আটাই কেইজনী প্ৰেয়সীয়েই আৰ্থাৰক খুব ভালপায় যাৰবাবে তেওঁলোকে একেখন ছাদৰ তলতেই সুখেৰে সংসাৰ চলাই আছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
