এক জঘন্য কাণ্ড পোহৰলৈ আহিছে৷ দেশৰ ৰাজধানী দিল্লীত সংঘটিত এই কাণ্ড পোহৰলৈ অহাৰ পিছতে সংবাদ মাধ্যমত তীব্ৰ চাঞ্চল্যৰ সষ্টি হৈছে৷
ঘটনাৰ বিৱৰণীৰ অনুসৰি দিল্লীৰ এজন লোকে এগৰাকী যুৱতীক হত্যা কৰি মৃতদেহটোৰ সৈতে অপ্ৰাকৃতিক যৌন সম্ভোগ কৰিছিল৷ এই জঘন্য কাণ্ডৰ বিষয়ে লোকজনৰ পত্নীয়ে আৰক্ষীক খবৰ দিয়ে যদিও অভিযুক্ত লোকজন পলায়ন কৰি ৰাজস্থানত আত্মগোপন কৰিছিল৷
আৰক্ষীয়ে প্ৰকাশ কৰা অনুসৰি যোৱা ১৯ ফেব্ৰুৱাৰীত দিল্লীৰ বুৰাৱী এলেকাৰ পৰা এগৰাকী মহিলাৰ ফোন আহে৷ মহিলাগৰাকীয়ে ফোনত কয় যে বুৰাৱী এলেকাৰ কৌশিক এনক্লেভত ৰাতি এগৰাকী যুৱতীক হত্যা কৰা হৈছে৷ ইতিমধ্যে যুৱতী গৰাকীক হত্যা কৰি লোকজনে পলায়ন কৰিছে৷
আৰক্ষীয়ে ঘটনা সন্দৰ্ভত ভাৰতীয় দণ্ডবিধি আইনৰ ধাৰা ৩০২ আৰু ৩৭৭ অধীনত গোচৰ ৰুজু কৰি তদন্ত আৰম্ভ কৰে৷ আৰক্ষীয়ে অভিযান চলায় অভিযুক্ত ২৬ বছৰীয়া অমন বিষ্টক ৰাজস্থানৰ জয়পুৰৰ পৰা গ্ৰেপ্তাৰ কৰিবলৈ সক্ষম হয়৷
অভিযুক্তক গ্ৰেপ্তাৰ কৰাৰ পিছতে এই জঘন্য ঘটনাটো পোহৰলৈ আহিছে৷ ডিচিপি সাগৰ সিঙে প্ৰকাশ কৰিছে ঘটনাটোৰ তথ্য প্ৰমাণ মজুত কৰিবলৈ ক্ৰাইম ব্ৰাঞ্চক দায়িত্ব দিয়া হয়৷
ক্ৰাইম ব্ৰাঞ্চে তদন্ত আৰম্ভ কৰি প্ৰকাশ কৰিছে যে অভিযুক্ত ব্যক্তিজন পত্নীৰ সৈতে শাৰীৰিক সম্পৰ্কত সন্তুষ্ট হোৱা নাছিল যাৰ বাবে তেওঁ মানসিকভাৱে হতাশ হৈ পৰিছিল৷ আৰু লোকজনে ড্ৰাগছ সেৱন কৰাৰ লগতে পুৰুষৰ শক্তি বৰ্ধক ঔষধো গ্ৰহণ কৰিছিল৷
পত্নী ঘৰত নথকা অৱস্থাত অভিযুক্ত লোকজনে যুৱতী গৰাকীক পত্নীয়ে শাৰী পচন্দ কৰাৰ অজুহাত দেখুওৱাই ঘৰলৈ আনে৷ লোকজনে ইয়াৰ পিছতে যুৱতীগৰাকীক ধৰ্ষণ কৰিবলৈ চেষ্টা কৰোতে যুৱতীগৰাকী পলাবলৈ চেষ্টা কৰে৷ পলায়ন কৰিবলৈ চেষ্টা কৰাৰ সময়তে লোকজনে যুৱতীগৰাকীৰ ডিঙিত আক্ৰমণ কৰি হত্যা কৰে৷
আৰক্ষীৰ আগত অভিযুক্তগৰাকীয়ে প্ৰকাশ কৰিছে যে যুৱতীগৰাকীৰ মৃত্যু হোৱাৰ পিছত অপ্ৰাকৃতিক যৌন সম্ভোগ কৰে৷ ইতিমধ্যে আৰক্ষীয়ে ঘটনাৰ তথ্য প্ৰমাণৰ বাবে ফৰেনছিক বিভাগলৈ নমুনা প্ৰেৰণ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
