চাকৰি দিয়াৰ নামত ১৮০ যুৱতীক বন্ধক বনাই মাৰপিট শোষণ, ভয়ংকৰ ঘটনা পোহৰলৈ
চাকৰিৰ নামত ১৮০ গৰাকীকৈ যুৱতীৰ সৈতে ভয়ংকৰ ঘটনা। বহুদিন ধৰি বন্ধক বনাই অকথ্য নিৰ্যাতন যুৱতীকেইগৰাকীৰ ওপৰত। মাৰপিট কৰাৰ লগতে যৌন শোষণো চলোৱাৰ অভিযোগ উত্থাপন ১৮০ৱ যুৱতীৰ। এটা চিট ফাণ্ডৰ বিৰুদ্ধে উত্থাপন হৈছে এই অভিযোগ।
বিহাৰৰ মুজাফ্ফৰপুৰত চাকৰিৰ নামত সংঘটিত হৈছে বৰ্বৰতা। চিট ফাণ্ড কোম্পানী এটাই এগৰাকী নহয় বহু ছোৱালীক যৌন শোষণ কৰিছে। এই ঘটনাৰ পিছতে সমগ্ৰ প্ৰশাসনিক বিভাগত তীব্ৰ চাঞ্চল্যৰ সৃষ্টি হৈছে।
এগৰাকী ভুক্তভোগী যুৱতী সেই নকৰৰ পৰা কোনোমতে পলাই আহি আৰক্ষীৰ কাষ চাপি কোম্পানীটোৰ অন্ধকাৰ জগতৰ সকলো ৰহস্য উদঙাই দিয়ে। বিহাৰ চৰকাৰৰ পৰা ন্যায় বিচাৰি কাতৰ অনুৰোধ জনাইছে ভুক্তভোগীয়ে। অভিযুক্তক কঠোৰ শাস্তি প্ৰদানৰ দাবী জনাইছে। বিষয়টো মুজাফ্ফৰপুৰৰ অহিয়াপুৰ অঞ্চলৰ। চাকৰি দিয়াৰ অজুহাতত প্ৰায় ১৮০ গৰাকী যুৱতীক পণবন্দী কৰি ৰখা হৈছিল।
ছ’চিয়েল মিডিয়াত দিয়া মহিলাৰ বাবে চাকৰিৰ প্ৰস্তাৱৰ বিষয়ে পোষ্টৰ জৰিয়তে ডিভিআৰ নামৰ এটা সংস্থাই এইদৰে টোপ দিছিল। আবেদন কৰি নিৰ্বাচিত হোৱাৰ পিছত প্ৰশিক্ষণৰ নামত ২০ হাজাৰ টকাৰ দাবী উত্থাপনো কৰা হৈছিল। ২০ হাজাৰ টকা জমা কৰাৰ পিছত আন বহু ছোৱালীৰ সৈতে অহিয়াপুৰ থানা এলেকাৰ বাখৰিৰ সমীপৰ এটা ঘৰত ৰখা হৈছিল।
এই সময়ছোৱাত প্ৰায় তিনিমাহৰ পাছতো দৰমহা নোপোৱাত সংগঠনটোৰ চিএমডি তিলক সিঙৰ আগত নিজৰ মতামত ব্যক্ত কৰে আৰু তাৰ পিছত যুৱতীসকলক কোৱা হ’য় যে আৰু ৫০ গৰাকী ছোৱালী থাকিলে সকলোৰে দৰমহা ৫০,০০০ টকালৈ বৃদ্ধি কৰা হ’ব।
ভুক্তভোগী যুৱতীয়ে আৰু ৫০ যুৱতী আনিব নোৱাৰাত, তাইৰ ওপৰত মানুহ অনাৰ বাবে হেঁচা দিয়া হ’য় আৰু ম’বাইলৰ সকলো যোগাযোগৰ তালিকা অনুসৰি মানুহ যোগ কৰিবলৈ পৰামৰ্শ দিয়া হয়।
যুৱতীগৰাকীয়ে পাছত তেনেদেৰই আৰু অন্য যুৱতী সেই কামলৈ আনে। সেই সকলোকে অহিয়াপুৰতে অৱস্থিত সংগঠনটোৰ কথিত কাৰ্যালয় আৰু এটা হোষ্টেলত ৰাখে। বৰ্তমানে আৰক্ষীয়ে অভিযান চলাই সেই হোষ্টেলৰ পৰা বহু যুৱতীক উদ্ধাৰ কৰিছে।
অভিযোগ অনুসৰি তিলক সিঙে বলপূৰ্বকভাৱে শাৰীৰিক সম্পৰ্কও স্থাপন কৰিছে ভুক্তভোগী যুৱতীগৰাকীৰ সৈতে। যাৰ ফলত গৰ্ভৱতীও হৈছিল যুৱতী। তিলক সিঙে এই কথা গম পাই বলপূৰ্বক গৰ্ভপাত কৰাই মাৰপিট কৰি প্ৰাণে মৰাৰ ভয় ভাবুকিৰে মনে মনে থাকিবলৈ কৈছিল।
সেই নৰকৰ পৰা কোনোমতে পলাই আহি আৰক্ষীৰ কাষ চপাত ওলাই পৰে সমষ্ট ঘটনা, লগতে উদ্ধাৰ হয় অন্য শতাধিক ভুক্তভোগী যুৱতী। আৰক্ষীয়ে বৰ্তমানে অভিযুক্তৰ সন্ধানত অভিযান চলাই আছে। ঘটনাৰ পিছৰে পৰা পলাতক হৈ আছে মূল অভিযুক্ত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
