Matrix Cinemasয়ে জুবিন গাৰ্গৰ নতুন চিনেমা ৰৈ ৰৈ বিনালেক হৈ গ্ৰহণ কৰিছে গুৰুত্বপূৰ্ণ পদক্ষেপ৷ জুবিন গাৰ্গৰ বাবেই এয়া সম্ভৱ৷ জুবিন গাৰ্গৰ চিনেমা ৰৈ ৰৈ বিনালেৰ বাবে Matrix Cinemas য়ে কাহিলী পুৱাতে প্ৰদৰ্শন কৰিব প্রথম শ্ব৷ জুবিনৰ ৰৈ ৰৈ বিনালেৰ প্ৰথম শ্ব’ দৰ্শকে চাব পাৰিব পুৱা ৪বাজি ২৫ মিনিটত৷ সমগ্ৰ ৰাজ্যৰ ভিতৰত কেৱল মেট্ৰিক্স চিনেমাজতেই প্ৰথমে উপভোগ কৰিব পাৰিব চিনেমাখন৷
এয়াও যেন এক সংযোগ৷ কাৰণ জুবিন গাৰ্গে জীৱিত কালত নিশা ৰেকৰ্ডিঙৰ কাম সামৰি পুৱতি নিশা এই সময়তেই ঘৰমূৱা হৈছিল৷ জুবিন গাৰ্গে ঘৰলৈ উভতাৰ এই সময়তেই অসমবাসীয়ে সাৰ পাব কেৱল জুবিন গাৰ্গৰ বাবেই৷ দেশৰ ভিতৰতেই এয়াই প্ৰথম৷ পুৱতি নিশা দৰ্শকে উপভোগ কৰিব পাৰিব চিনেমা৷ অনলাইন বুকিঙৰ উপৰিও টেলি বুকিঙো কৰিব পাৰিব টিকটৰ বাবে, এটা মাত্ৰ ফোন কলতেই বুকিং কৰিব পাৰিব টিকট৷ 8453559488 নম্বৰত ফোন কৰিয়েই কৰিব পাৰিব বুকিং৷
গুৱাহাটীৰ মেট্ৰিক্স চিনেমাজত পুৱা ৪.২৫ বজাতেই মুকলি প্ৰথম দৰ্শনী৷
ইতিমধ্যেই ৰৈ ৰৈ বিনালেক লৈ ৰাষ্ট্ৰীয় সংবাদমাধ্যমতো হৈ চৈ লাগিছে৷ কোনো প্ৰচাৰ নাই অথচ এই চিনেমাৰ বাবেই বলীউডৰ শ শ কোটি বাজেটৰ চিনেমা বাতিল কৰি দিয়া হৈছে অসমত৷ এয়াই জুবিন গাৰ্গৰ শক্তি৷ জুবিন গাৰ্গে দেখা সেই সপোন যেন সাকাৰ হৈছে৷ জুবিন গাৰ্গে অসমীয়া চিনেমা উত্তৰণৰ বাবে কৰিব পৰা সকলোখিনিয়েই জীৱিত কালত কৰি থৈ গৈছে৷ মৃত্যুৰ পাছতো জুবিন গাৰ্গে আকৌ এবাৰ দেশবাসীক দেখুৱাই দিছে, অসমীয়া চিনেমাৰ উত্তৰণমুখী যাত্ৰা৷ অসমত অসমীয়া চিনেমা চলোতে অগ্ৰাধিকাৰ নাপায় কোনো বলীউড চিনেমাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
