নব্বৈৰ দশকৰ তেওঁ অন্যতম বাওঁহতীয়া বেটাৰ৷ যিমান দিন ক্ৰিকেট খেলিছে সিমান দিনেই বলাৰৰ টোপনি উৰুৱাইছে এইগৰাকী বেটাৰে৷ কিন্তু বিনোদ কাম্বলিয়ে যেনেকৈ নিশাৰ ভিতৰতেই সাফল্যৰ চূড়াত উপনীত হৈছে ঠিক তেনেকৈ দ্ৰুতগতিত তেওঁৰ কেৰিয়াৰৰ পতনো হৈছিল৷ মদৰ প্ৰতি আসক্তিয়ে শেষ কৰিছিল বিনোদ কাম্বলিৰ কেৰিয়াৰ৷ মদেই নহয় তেওঁৰ আছিল বহু নাৰীসংগও৷ প্ৰথম বিবাহ ভাঙি যোৱাৰ পাছত দ্বিতীয় বিবাহো নিটিকিল বিনোদৰ৷ আৰ্থিক অনাটনৰ চিকাৰ হৈ কিছুদিন পূৰ্বে চাকৰিৰ বাবে আবেদনো কৰিছে বিনোদে৷ প্ৰয়াত কোচ ৰমাকান্ত আচবেকৰৰ স্মৃতিসৌধ উদ্বোধনৰ এক অনুষ্ঠানত সম্প্ৰতি আমন্ত্ৰিত হৈছিল আচবেকৰৰ দুই প্ৰিয় ছাত্ৰ শচীন তেণ্ডুলকাৰ আৰু বিনোদ কাম্বলি৷ অসুস্থ বিনোদৰ হাতত ধৰি শচীনে গল্প কৰি থকাও দেখা গৈছে৷
সামাজিকমাধ্যমত ভাইৰেল হৈ পৰা এক বিশেষ ভিডিঅ’ত দেখা গৈছে যে কাম্বলিক কেইবাগৰাকীয়েও ধৰি ফুটপাথত ধৰি ধৰি নি গন্তব্য স্থানত উপস্থিত হৈছে৷ শাৰীৰিক অসুস্থতাৰ ওপৰিও আৰ্থিক অভাৱতো দিন কটাইছে বিনোদে৷ এটা ভিডিঅ’ কৰি সেই কথা জনাইছে প্ৰাক্তন ক্ৰিকেটাৰে নিজেই৷ চাকৰিৰ বাবে আবেদনো কৰিছিল তেওঁ৷ বিনোদক সাহায্যৰ হাত আগবঢ়াইছে ১৯৮৩ চনৰ বিশ্বকাপজয়ী ভাৰতীয় দলৰ সদস্যসকলে৷
২০১৩ চনত মুম্বাইত বাহন চলোৱাৰ সময়ত হৃদৰোগত আক্ৰান্ত হৈছিল কাম্বলি৷ তাৰপাছৰে পৰা নানান শাৰীৰিক জটিলতাত ভূগি আছে তেওঁ৷ বিগত বছৰ তেওঁৰ এঞ্জিঅ’প্লাষ্টি হৈছে৷ ২০২৩ চনত তেওঁৰ বিবাহবিচ্ছেদো হৈছে৷ বিনোদৰ বিৰুদ্ধে শাৰীৰিক অত্যাচাৰৰ অভিযোগ তুলিছিল দ্বিতীয় প্ৰাক্তন পত্নীয়ে৷ কেৰিয়াৰত পতনৰ ওপৰিও বিনোদৰ ব্যক্তিগত জীৱনো খুব এটা সুখকৰ নাছিল৷ নব্বৈৰ দশকত যেতিয়া ক্ৰিকেটৰ জগতত তেওঁ প্ৰশংসা বুটলিছিল সেই সময়ত তেওঁৰ পৰিচয় হৈছিল নোয়েল লিউইছ নামৰ এগৰাকী তৰুণীৰ সৈতে৷ পুনেৰ এক হোটেলৰ ৰিছিপছনত কাম কৰিছিল নোয়েলে৷
কৰ্মসূত্ৰে সেই হোটেললৈ গৈছিল বিনোদ৷ তাতেই গৈ নোয়েলৰ সৈতে আলাপ, বন্ধুত্ব আৰু সেই বন্ধুত্বৰ পৰা প্ৰেম৷ ১৯৯৪ চনৰ মে মাহত পুনেৰ এক গীৰ্জাত নোয়েলক বিয়া কৰাই বিনোদে৷ বিবাহৰ পাছতেই বিনোদৰ কেৰিয়াৰৰ ৰেখচিত্ৰ আৰু তললৈ নামিবলৈ ধৰে৷ সেই সময়তেই সুৰাসক্তও হৈ পৰিছিল বিনোদ৷ বিবাহৰ পাছত বহু নাৰীৰ আগমন হৈয়েই থাকে বিনোদৰ জীৱনলৈ৷
সেই আন্দ্ৰেয়াকেই আইনী বিয়া কৰাৰ ৬বছৰৰ পাছত ২০০৬ চনত সামাজিক বিয়া কৰাই বিনোদে৷ ২০১০ চনত পুত্ৰসন্তানৰ জন্ম দিছে আন্দ্ৰেয়াই৷ তাৰ ঠিক ৪বছৰ পাছত ২০১৪ চনত এগৰাকী কন্যাসন্তানো আহে আন্দ্ৰেয়া আৰু বিনোদৰ সংসাৰলৈ৷ স্বামী আৰু দুই সন্তানক লৈ সংসাৰ চলি থাকিলেও সেই সংসাৰত শান্তি পোৱা নাছিল আন্দ্ৰেয়াই৷ অভিযোগ অনুসৰি মদ্যপান কৰি তেওঁৰ ওপৰত শাৰীৰিক অত্যাচাৰ চলাইছিল বিনোদে৷ এবাৰ ৰন্ধা বাচন গালৈ মাৰি মূৰত গুৰুতৰ আঘাত দিছিল পত্নী আন্দ্ৰেয়াক৷ মূৰত লগা আঘাতৰ ফলতেই মুম্বাইৰ এক হাস্পতালত ভৰ্তিও কৰোৱা হৈছিল আন্দ্ৰেয়াক৷ বিনোদৰ বিৰুদ্ধে থানাত অভিযোগো দাখিল কৰিছিল আন্দ্ৰেয়াই৷ শেষত ২০২৩ চনত বিনোদৰ সৈতে বিবাহবিচ্ছেদ হয় আন্দ্ৰেয়াৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
