মেঘালয়ৰ হানিমুন মাৰ্ডাৰ কেছৰ অন্যতম প্ৰধান অভিযুক্ত সোনমে তদন্তকাৰী দলক ১৭ দিন ধৰি বিভ্ৰান্ত কৰিলেও অৱশেষত পোহৰলৈ আহিছে সকলো তথ্য৷ সকলো তথ্য আৰক্ষীক প্ৰদান কৰিছে ভাৰাতীয়া হত্যাকাৰীয়েই৷ মেঘালয়ৰ আৰক্ষীৰ তদন্তকাৰী এটা দলে ইন্দোৰ আৰক্ষী কমিচনাৰেটত বহি ৰাজা কুশৱাহা, বিশাল চৌহান আৰু আকাশ ৰাজপুতক জেৰা চলাইছে৷ সোমবাৰে নিশা গাজিপুৰৰ চিফ জুডিছিয়েল মেজিষ্ট্ৰেটে আটাইকেইটা হত্যাকাৰীকেই ৭ দিনৰ ট্ৰানজিট ৰিমাণ্ডত মেঘালয়লৈ লৈ যাবৰ বাবে নিৰ্দেশ দিছে৷ নিশাই তিনিজনক ইন্দোৰৰ পৰা লৈ আহিছে মেঘালয়ৰ আৰক্ষী তদন্তকাৰী বিষয়াই৷ তিনিজনৰ মাজত আছে সোনমৰ পুৰণি প্ৰেমিক ৰাজ কুশৱাহা আৰু বিশাল চৌহান আৰু আকাশ ৰাজপুত নামৰ দুইগৰাকী ভাৰাতীয়া হত্যাকাৰী৷
জেৰাত কি জনাইছে আকাশ আৰু বিশালে? ৰাজ কুশৱাহাই কি কৈছে?
তথ্য সোনম আৰু ৰাজাৰ বিয়া হৈছিল ১১ মেত৷ কিন্তু তেওঁৰ এনগেজমেণ্ট বা ৰকা হৈছিল ১১ ফেব্ৰুৱাৰীত৷ তাৰ পাছৰে পৰাই ৰাজাক হত্যা কৰাৰ ষড়যন্ত্ৰ চলি আছিল৷ ৰাজা ৰঘুবংশীক ডকাইটিত মৰা বুলি দেখুৱাবলৈকে পৰিকল্পনা সজা হৈছিল৷
মেঘালয় আৰক্ষীৰ এগৰাকী বিষয়াৰ দাবী, জেৰাত ৰাজে জনাইছে, সোনমে তেওঁক কৈছিল, ৰাজাৰ হত্যা হৈ গলে তেওঁ বিধৱা হৈ যাব তেতিয়া ৰাজক বিয়া কৰোৱাত তেওঁৰ অসুবিধা নহব৷ নিজৰ বিধৱা কন্যাক কোনোৱে বিয়া কৰাবলৈ ৰাজি হলে সোনমৰ পিতৃ দেৱী সিঙেও বিশেষ আপত্তি নকৰিব৷ এই কথাই ৰাজক বুজাইছিল সোনমে৷
বিবাহৰ পাঁচ দিনৰ পাছত ১৬ মেত ৰাজাক হত্যাৰ ব্লপ্ৰিণ্টমতে কাম আগুৱাই সোনমে৷ মেঘালয়লৈ হানিমুনলৈ আহিবলৈ ৰাজাক ৰাজি কৰাই সোনমে৷ ৰাজা আৰু সোনম শ্বিলঙলৈ ৰাওনা হওঁতেই ৰাজে তিনি ভাৰাতীয়া হত্যাকাৰীক লৈ গুৱাহাটীলৈ ৰাওনা হয়৷ গুৱাহাটীত উপস্থিত হৈ অনলাইনত অৰ্ডাৰ কৰি এখন দা ক্ৰয় কৰে৷ সেই দাৰেই ৰাজাক হত্যা কৰা হৈছে৷ সোনম আৰু ৰাজাই মেঘালয়ত যি হোটেলত আছিল সেই হোটেলৰ পৰা এক কিঃমিঃ দূৰৈৰ এখন হোটেলত থাকিবলৈ আৰম্ভ কৰে৷
মেঘালয় আৰক্ষীৰ তদন্তকাৰী বিষয়াই জনোৱা অনুসৰি ফটোশ্বুটৰ অচিলাৰে সোনমে তেওঁৰ স্বামী ৰাজক লৈ গৈছিল পাহাৰৰ ওপৰলৈ৷ তাত গৈয়েই পাহাৰী পথত খোজ কাঢ়ি খুবেই ক্লান্ত হৈ পৰা দেখুৱাইছিল সোনমে৷ তাৰপিছতেই ৰাজাৰ পিছে পিছে ধীৰে ধীৰে খোজ কাঢ়িবলৈ আৰম্ভ কৰিছিল৷ সেই সময়ত তিনি ভাৰাতীয় হত্যাকাৰী ৰাজাৰ আশেপাশে যাত্ৰা কৰিছিল৷ এসময়ত তিনি ভাৰাতীয়া হত্যাকাৰীও পাহাৰত খোজ কাঢ়ি ক্লান্ত হৈ পৰে৷ তেওঁলোকে সোনমক কয় যে তেওঁলোকে ৰাজাক হত্যা কৰিব নোৱাৰে তেওঁলোক ক্লান্ত৷
তাৰপিছত কি কৰিছিল সোনমে?
মেঘালয় আৰক্ষীয়ে জনোৱা অনুসৰি ৰাজাৰ ধনৰ বেগ আছিল সোনমৰ হাতত৷ সোনমে ৰাজাৰ বেগৰ পৰা তেতিয়া ১৫ হাজাৰ টকা উলিয়াই তিনিগৰাকী ভাৰাতীয়া হত্যাকাৰীক দিয়ে৷ সোনমে তিনিজন ভাৰাতীয়া হত্যাকাৰীক কয় যে যেনেকৈ নহওক এই হত্যা তেওঁলোক তিনিজনে কৰিবই লাগিব৷ প্ৰতিশ্ৰুতিও দিয়ে যে এই হত্যাকাণ্ড হোৱাৰ পাছতেই তিনিওকে ২০ লাখ টকা দিব সোনমে৷
আৰক্ষীয়ে হত্যাৰ ক্লু কেনেকৈ লাভ কৰিলে?
শনিবাৰে মেঘালয় আৰক্ষীৰ হাতলৈ এটা চিচিটিভি ফুটেজ আহে৷ তাতেই দেখা যায় যে ৰাজাৰ পৰা কিছু দূৰৈত থিয় হৈ কাৰোবাৰ সৈতে ফোনত কথা পাতিছে সোনমে৷ সেই ফুটেজৰ সময় আৰু তাৰিখ চাই সোনমৰ ফোনৰ কল ডিটেইলছো উলিয়াই আৰক্ষীয়ে৷ তাতেই দেখা যায় সোনমে ফোন কৰিছে ইন্দোৰলৈ৷ ইয়াৰ পাছতেই আৰক্ষীয়ে সোনমকেই এই হত্যাত জড়িত বুলি সন্দেহ কৰি তদন্তৰ গতি বঢ়াই দিয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
