ভিন্ন সময়ত ভিন্ন ৰূপ ধৰি সংবাদ মাধ্যম আৰু সামাজিক মাধ্যমৰ চৰ্চাত থাকিবলৈ ভাল পোৱা মৰিয়নীৰ ন বিজেপি বিধায়ক ৰূপজ্যোতি কুৰ্মীক এইবাৰ অন্য এক ৰূপত দেখা পোৱা গ’ল৷
এইবাৰ বিধায়ক ৰূপজ্যোতি কুৰ্মী অংক ছাৰৰ ৰূপত আবিৰ্ভাৱ ঘটিল৷ বুধবাৰে বিধায়ক ৰূপজ্যোতি কুৰ্মীয়ে স্থানীয় মৰিয়নী বালিকা উচ্চ মাধ্যমিক বিদ্যালয়ত উপস্থিত হৈ অংক মাষ্টৰৰ ভূমিকা পালন কৰে৷
উল্লেখ্য যে গৰম বন্ধৰ উপলক্ষ্যে বিদ্যালয়খনৰ দশম শ্ৰেণীৰ ছাত্ৰীসকলৰ বিশেষ পাঠদান কাৰ্যসূচী চলি আছে৷ এই উপলক্ষ্যে বুধবাৰে বিদ্যালয়খনত হঠাতে উপস্থিত হৈ বিধায়ক ৰূপজ্যোতি কুৰ্মীয়ে হাতত চ’ক পেঞ্চিল লৈ ব্লেকবোৰ্ড লিখি বিভিন্ন বিষয়ৰ ওপৰত পাঠদান কৰে৷
লগতে পঢ়ক ১৬ বছৰীয়া কিশোৰীক মাতৃৰ প্ৰেমিকৰ ধৰ্ষণ, গৰ্ভৱতী হোৱাৰ পিছতহে ফাদিল ধৰ্ষণ কাণ্ড
ছাত্ৰীসকলক অংক শিকোৱাৰ লগতে বিধায়ক ৰূপজ্যোতি কুৰ্মীয়ে জীৱনত কেনেকৈ সফলতা লাভ কৰিব পাৰি তাৰো জ্ঞান দিয়া দেখা গ’ল৷ শিক্ষা গুৰুক কেনেদৰে সন্মান কৰিব লাগে, সময়ৰ কিদৰে সদ্ব্যৱহাৰ কৰিব লাগে, লক্ষ্য কেনেদৰে স্থিৰ কৰিব লাগে সেই বিষয়েও ছাত্ৰীসকলক এইবোৰৰো শিক্ষা দিয়ে বিধায়ক কুৰ্মীয়ে।
আনহাতে নিজৰ স্বভাৱসিদ্ধ ৰসিকতাৰে বিধায়ক ৰূপজ্যোতি কুৰ্মীয়ে ছাত্ৰীসকলৰ বয়ফ্ৰেণ্ডৰ খবৰো লয়৷ ছাত্ৰীসকলক উদ্দেশ্যি বিধায়কৰ প্ৰশ্ন – ‘‘বয়ফ্ৰেণ্ড আছেনে নাই?’ ছাত্ৰীসকলে নাই বুলি কোৱাত পুনৰ কুৰ্মী ছাৰে ছাত্ৰী সকলক উদ্দেশ্যি কয়, ‘এইবোৰৰ চক্ৰত নপৰিবা। পঢ়াত গুৰুত্ব দিয়া। ভালকে পঢ়া, ভাল ল’ৰা পাবা। নহ’লে যিকোনো এটা ল’ৰা লগত বিয়া হ’ব লাগিব।’’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
