আমাৰ শৰীৰৰ প্ৰতিটো কোণত অক্সিজেন আৰু পুষ্টি সমৃদ্ধ তেজ পঠিয়াই দিয়াৰ কাম কৰে হাৰ্টে৷ যাৰ ফলত দেহৰ কোষসমূহে পুষ্টি লাভ কৰিব সজীব কোষ হৈ থাকে৷ কিন্তু আমাৰ দৈনন্দিন জীৱনযাত্ৰা আৰু খাদ্যভাষৰ ভুলভ্ৰান্তিৰ বাবে কম বয়সতেই হৃৎপিণ্ড অসুখীয়া হৈ পৰে৷ আনকি শৰীৰত ফুটি উঠে একাধিক লক্ষণ৷ কিন্তু সেই বিষয়টোক বিশেষ গুৰুত্ব নিদিয়ে প্ৰায়সংখ্যক লোকেই৷ বেছিভাগ মানুহেই এই সকলো উপসৰ্গক গুৰুত্ব নিদিয়ে৷ যাৰ ফলত বিপদ বাঢ়ি গৈ থাকে৷ আমি কোনখিনি লক্ষণক ইগনৰ কৰা উচিত নহয়?
বুকু বিষেই সকলোতকৈ ডাঙৰ উপসৰ্গ
হৃদৰোগৰ সকলোতকৈ ডাঙৰ সংকেত হৈছে বুকু বিষ৷ এইক্ষেত্ৰত বহুতৰে খোজ কাঢ়িলে, চিৰি বগালে হঠাৎ বুকু বিষ হ’বলৈ আৰম্ভ কৰে৷ বিশ্ৰাম ল’লে বিষটো সাধাৰণতে ধীৰে ধীৰে কমি যায়৷ বহুতেই এই লক্ষণক তেনেধৰণে গুৰুত্ব নিদিয়ে৷ ভাৱে এইয়া সামান্য সমস্যা৷ নিজে নিজেই কমি যাব৷ যাৰ ফলত এদিন ডাঙৰ বিপদ আহে৷ সেয়ে শৰীৰত এই লক্ষণ ফুটি উঠিলে অৱহেলা নকৰিব৷
ডায়বেটিকৰ সমস্যা
ডায়বেটিছ আক্ৰান্ত ৰোগীৰ বহুতেই বহু সময়ত বুকুৰ বিষত ভোগে৷ তেওঁলোকৰ শৰীৰত অন্য লক্ষণ ফুটি উঠে৷ সেয়ে কম পৰিমানে কাম কৰিলে, খোজ কাঢ়িলেই ক্লান্ত হৈ পৰে৷ কিন্তু এই লক্ষণক আমি গুৰুত্ব নিদিও৷ ফলত বৃহৎ কোনো সমস্যাই দেখা দিয়ে৷ সেয়ে ডায়বেটিথ ৰোগীৰ এনে কোনো লক্ষণে দেখা দিলে তাৎক্ষণিকভাৱে চিকিৎসকৰ পৰামৰ্শ লওক৷
ব্লেক আউট হৈ পৰা
আপোনাৰ হঠাৎ মূৰ ঘূৰাইছে? চকুৰে ব্লাৰ দেখিছে বা সংজ্ঞাহীন হৈ পৰাৰ ইতিহাস আছে? তেন্তে আৰু অপেক্ষা নকৰি অনতিপলমে কোনো চিকিৎসকৰ পৰামৰ্শ লওক৷ কাৰণ এই ধৰণৰ লক্ষণৰ আঁৰত থাকে হৃদৰোগৰ ইংগিত৷ আৰু ৰোগ প্ৰথমেই ধৰা পৰিলে প্ৰাণক লৈ টনাটনি হোৱাৰ আশংকা কমি যায়৷ সুস্থ স্বাভাৱিক জীৱন কটোৱাও সম্ভৱ হৈ পৰে৷
কি কি টেস্ট কৰোৱা জৰুৰী?
হাৰ্টৰ অসুখ ধৰা পেলাবলৈ প্ৰথমে ইচিজি বা ইকো কৰা হয়৷ তাৰপাছতেই প্ৰয়োজন হ’লে হল্টাৰ মনিটৰিঙো কৰা হয়৷ এইক্ষেত্ৰত প্ৰয়োজন অনুসৰি ২৪ ঘণ্টা, ৪৮ঘণ্টা আৰু তাতোকৈ বেছি সময় ধৰি এই টেষ্ট কৰা হয়৷ আকৌ বহু সময়ত ৰোগীৰ এঞ্জিঅ’গ্ৰাফী টেষ্টো কৰা হয়৷ তাৰপাছতেই ৰোগ আৰু ৰোগৰ পৰ্যায় সম্পৰ্কে নিশ্চিত হ’ব পাৰি৷
চিকিৎসা কি?
ৰোগটো প্ৰথম পৰ্যায়ত ধৰা পৰিলে ঔষধৰ মাধ্যমেৰে চিকিৎসা কৰা হয়৷ চেষ্টা কৰা হয় ৰোগীৰ ডায়বেটিছ, প্ৰেছাৰ আৰু কোলষ্টেৰল নিয়ন্ত্ৰণত ৰখা৷ ইয়াৰোপৰি ওজন কমাবলৈ, মদ্যপান, ধূমপান এৰাটোও জৰুৰী৷ ডায়েটত কম তেল, মছলাযুক্ত খাদ্য ৰখাৰ পৰামৰ্শ দিয়া হৈছে৷ তাতেই মোটামুটি ৰোগী সুস্থ হৈ উঠে৷ ব্লকেজ বেছি হ’ল এঞ্জিঅ’প্লাষ্টি কৰাৰ প্ৰয়োজন আহি পৰে৷
Disclaimer: প্ৰতিবেদনটি সচেতনতাৰ উদ্দেশ্যে লিখা হৈছে৷ কোনো সিদ্ধান্ত লোৱাৰ পূৰ্বে চিকিৎসকৰ পৰামৰ্শ লওক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
