ধোনীৰ এটা এৰিব নোৱাৰা অভ্যাস, সেই অভ্যাসৰ অসমৰ সৈতে আছে সম্পৰ্ক
ভাৰতীয় ক্ৰিকেটৰ অতিকে জনপ্ৰিয় ক্ৰিকেটাৰ মহেন্দ্ৰ সিং ধোনীৰ বিষয়ে সকলোৱে জানে। ধোনীৰ প্ৰিয় অপ্ৰিয় বোৰো অনুৰাগীৰ নখ দৰ্পনত।
ধোনীৰ বাইকৰ প্ৰতি থকা দুৰ্বলতা কাৰো অজ্ঞাত নহয়। নিজৰ ঘৰতেই ধোনীয়ে নিজৰ বাইকৰ কালেকছন ৰাখিবৰ বাবে এটা সুকীয়াকৈ ঘৰো বনাই লৈছে।
পাছে বাইক পাগল ধোনীৰ আৰু এটা অভ্যাস আছে, যি অভ্যাসৰ বাবে ঘৰতেই হওক, বা কোনো খেলৰ সময়তেই হওক, ধোনীক সেই অভ্যাসৰ সৈতে দেখিবই।
যি অভ্যাসৰ অসমৰ সৈতে আছে সম্পৰ্ক।
হয়, ঠিকেই ধৰিছে, চাহৰ বাবে বিখ্যাত অসমৰ চাহৰ দীবানা ধোনী। বাইকৰ লগতে চাহ পাগল ধোনী।
বহু ঠাইত হাতত চাহৰ কাপ লৈ থকা দেখা যায় মহেন্দ্ৰ সিং ধোনীক। যি অভ্যাস কোনোদিনে বাদ দিব পৰা নাই ধোনীয়ে।
সদ্যহতে এটা ভিডিঅ’ ভাইৰেল হৈ পৰিছে ধোনীৰ। যি ভিডিঅত ধোনীক চেন্নাই ছুপাৰ কিংগছ দলৰ ড্ৰেছিং কোঠাত চাহৰ কাপ লৈ থিয় হৈ থকা দেখা গৈছে। ধোনীয়ে নিজেও সদৰি কৰিছে চাহৰ প্ৰতি থকা তেখেতৰ দুৰ্বলতা।
এক সাক্ষাততো ধোনীয়ে কৈছে- কোনো লোকে যদি তেখেতক চাহ অফাৰ কৰে তেন্তে তেওঁ না কৰিব নোৱাৰে। অন্য এক সাক্ষাততো কোনোৱে সুধিছিল যে, এনে কি দেশীয় খাদ্য আছে যাৰ ভোক কোনোদিনে নকমে। এই প্ৰশ্নৰ উত্তৰতো একে উশাহেই কৈছিল- চাহ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
