৬ বছৰৰ পাছত ইণ্ডিয়ান আইডল এৰিলে বিশাল দাদলানীয়ে, কাৰণ কি ?
বিচাৰক হিচাপে ৬ টা বছৰ ধৰি ইণ্ডিয়ান আইডলৰ সৈতে জড়িত হৈ থকাৰ পাছত এতিয়া এই অনুষ্ঠান এৰিলে বিশাল দাদলানীয়ে। বিশালে নিজৰ ইনষ্টাগ্ৰামত এটা ভিডিঅ’ শ্বেয়াৰ কৰাৰ লগতে এটা টোকাও লিখিছিল এই সন্দৰ্ভত।
শ্বেয়াৰ কৰা এই ক্লিপটোত বিশালৰ সৈতে আছিল ইণ্ডিয়ান আইডলৰ সহ-বিচাৰক শ্ৰেয়া ঘোষাল আৰু বাদশ্বাহ। শ্ৰেয়াক বিশালৰ কাষত থিয় হৈ থকা দেখা গৈছিল।
বিশালে নিজৰ টোকাটোত কয় যে তেওঁ শ্ব’টো এৰিব “কাৰণ তেওঁ প্ৰতি বছৰে ৬ মাহ মুম্বাইত থাকিব নোৱাৰে”। গায়িকাগৰাকীয়ে লগতে কয় যে “সংগীত বনোৱাৰ, কনচাৰ্ট কৰাৰ আৰু প্ৰায় কেতিয়াও মেকআপ নকৰাৰ সময় আহি পৰিছে”।
ভিডিঅ’টোত লিখা আছে, “এইখিনিয়েই মোৰ বাকী আছে বন্ধুসকল! একেৰাহে ছটা ছিজনৰ পিছত আজি ৰাতি ইণ্ডিয়ান আইডলৰ বিচাৰক হিচাপে মোৰ শেষ খণ্ড। শ্ৰেয়া, বাদশাহ, আদি, আৰাধনা, চিত্ৰা, আনন্দ জী, সোণাল, প্ৰতিভা, সাহিল, ছালোনী, মুস্কান, অভিশা, সমগ্ৰ প্ৰডাকচন টিম, বিলাস, পাক্য, কৌশিক (পিংকি), আৰু সকলো সহ-বিচাৰক, গায়ক আৰু সংগীতজ্ঞই এই সকলো বছৰ একেলগে কাম কৰাৰ বাবে ধন্যবাদ, সঁচাকৈয়ে এইখন এখন ঘৰ!!
টোকাটো শ্বেয়াৰ কৰি বিশালে পোষ্টটোৰ কেপচনত লিখিছে, “গুডবাই বন্ধুসকল। ৬টা ছিজন উপভোগ কৰাতকৈ মই আপোনালোকক বেছি মিছ কৰিম @aradhanabhola @chitralangeh। এই শ্ব’টোৱে মোক প্ৰাপ্যতকৈ অধিক মৰম দিছে।”
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
