অসম লাইভ২৪ঃ শাওন মাহৰ শুক্ল পক্ষৰ পঞ্চম দিনা উদযাপন কৰা হয় নাগপঞ্চমী। এইবাৰ নাগ পঞ্চমী পৰিছে ২১ আগষ্ঠত। নাগ পঞ্চমীৰ দিনা বহুতই নাগ দেৱতাক উপাসনা কৰে। এই দিনটোত উপাসনা কৰিলে বিভিন্ন সমস্যাৰ পৰা সকাহ পোৱা যায় বুলি লোকবিশ্বাস। প্ৰাচীন কালৰে পৰাই ভাৰতীয় লোকে নাগ দেৱতাক উপাসনা কৰি আহিছে। ৰাহু-কেতু আৰু কালসৰ্পৰ দোষ থাকিলে নাগ দেৱতাক উপাসনা কৰিলেই সুফল পোৱা যায়। কিন্তু নাগ দেৱতাক উপাসনা কৰোতে কেইটামান দিশত নজৰ দিয়াটো খুবেই গুৰুত্বপূৰ্ণ। নাগ পঞ্চমীত কেইটামান কাম কৰিলে বহু সমস্যাৰ সন্মুখীন হ’ব পাৰে বুলি জ্যোতিষ শাস্ত্ৰত উল্লেখ আছে।
নাগ পঞ্চমীত কি কি কাম কৰিব নালাগে?
নাগ পঞ্চমীত কেতিয়াও সাপ নামাৰিব। নাগ পঞ্চমীৰ দিনা নাগ দেৱতাক উপাসনা কৰা হয়। এনে পৰিস্থিতি সেই দিনটোত সাপৰ যাতে কোনো সমস্যা নহয় সেই দিশত নজৰ ৰাখিব। নাগ পঞ্চমীৰ দিনাই সাপ নমৰাৰ সংকল্প লওক।
নাগ পঞ্চমীৰ দিনা জীৱিত সাপক কেতিয়াও তামৰ পাত্ৰত গাখীৰ খাবলৈ নিদিব। কিয়নো সাপৰ বাবে গাখীৰ বিষৰ সমান। এই দিনটোত সাপক পূজা কৰাৰ নামত বন্দী কৰি কষ্ট দিলে পূণ্যৰ সলনি পাপহে কৰা হয় বুলি জ্যোতিষ শাস্ত্ৰত উল্লেখ আছে। এই দিনটোত নাগ দেৱতাৰ মূৰ্তি বা ফটো আঁৰিহে পূজা কৰিব। আৰু এই মূৰ্তিত গাখীৰেৰে অভিষেক কৰক।
শাস্ত্ৰত উল্লেখ থকা অনুসৰি নাগ পঞ্চমীৰ দিনা টাৱা বা লোহাৰ কেৰাহীত খাদ্য নাৰান্ধিব। এনেকৈ কৰিলে নাগ দেৱতা অসন্তুষ্ট হয়। এই দিনটোত ধাৰ সামগ্ৰী যেনে চুৰি, দা, আদি সামগ্ৰীৰে যি তি নাকাটিব। নাগ পঞ্চমীৰ দিনা মাটি খন্দা কাম ভুলতো নকৰিব। শাস্ত্ৰ অনুসৰি এই দিনটোত মাটি খান্দিলে মাটিত থকা সাঁপক ভুলবশত হত্যা কৰিব পাৰে। নাগ পঞ্চমীত কেতিয়াও শিৱলিংগত তামৰ পাত্ৰত নাগ দেৱক গাখীৰ আগনবঢ়াব। পানী বা গাখীৰ দিওতে পিতল নতুবা কাঁহৰ লোটাতহে আগবঢ়াব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
