নাগালেণ্ডৰ এজন মন্ত্ৰী তেওঁৰ স্বভাৱজাত কথনশৈলী, হাস্যৰসৰ বাবে ছ’চিয়েল মিডিয়াৰ লগতে দেশৰ সংবাদ মাধ্যমতো চৰ্চাৰ বিষয় হৈয়েই পৰিছে। প্ৰথমে তেওঁ সৰু চকুৰ বিষয়ে মন্তব্য প্ৰকাশ কৰা এটা ভিডিঅ’ৰ বাবে ভাইৰেল হৈ পৰিছিল। ইয়াৰ পিছতে তেওঁ ইটোৰ পিছত সিটো আমোদজনক মন্তব্যৰ বাবে চৰ্চাৰ কেন্দ্ৰ বিন্দু হৈ পৰিছে৷
সামাজিক মাধ্যমত ভাইৰেল হোৱা এটা ভিডিঅ’ পোষ্টত দেখা গৈছে তেওঁ নাগালেণ্ডৰ সংস্কৃতিৰ বিষয়ে কোৱাৰ লগতে ১৯৯৯ চনত প্ৰথম দিল্লী ভ্ৰমণৰ কথাও স্মৰণ কৰি কেতবোৰ আমোদজনক আৰু মূলসুঁতি মানুহৰ ভুল ধাৰণাক স্বভাৱজাত শৈলীৰে ক্ষুৰধাৰ সমালোচনা কৰিছে।
নাগালেণ্ডৰ এই মন্ত্ৰীজনৰ নাম হৈছে টেমজেন ইমনা আলাং। টেমজেন বৰ্তমান বিজেপিৰ ৰাজ্যিক সভাপতিও। টুইটাৰত প্ৰকাশ কৰা তেওঁৰ এটা ভিডিঅ’ত তেওঁ দিল্লী ষ্টেচনৰ এটা উপাখ্যান বৰ্ণনা কৰিছে।
লগতে পঢ়ক ৭০ বছৰত পিতৃ হ’ব ৰাষ্ট্ৰপতি পুটিন! প্ৰেমিকা আলিনা কাবায়েভাৰ গৰ্ভৱতী!
তেওঁ কয় যে ১৯৯৯ চনত যেতিয়া মই প্ৰথমবাৰৰ বাবে দিল্লীলৈ আহি পুৰণি দিল্লী ৰে’লৱে ষ্টেচনত অৱতৰণ কৰিছিলো, তেতিয়া তাত মানুহৰ সংখ্যা দেখি থতমত খাইছিলো। এই সংখ্যা আছিল নাগালেণ্ডৰ সমগ্ৰ জনসংখ্যাতকৈ অধিক। মই থতমত খাই বিশ্বাস কৰিব পৰা নাছিলো।
তেওঁ আৰু কয় যে সাংস্কৃতিকভাৱে চহকী নাগালেণ্ডক লৈ ৰাষ্ট্ৰীয় ৰাজধানীৰ জনসাধাৰণৰ বহু ভুল ধাৰণা আছে। নাগালেণ্ড ক’ত আছে বেছিভাগ মানুহেই নাজানিছিল। তেওঁলোকে মোক সুধিছিল নাগালেণ্ডলৈ যাবলৈ ভিছা লাগে নেকি? নাগালেণ্ডৰ মানুহে মানুহ খায় বুলি এটা উৰাবাতৰিও তেওঁলোকে শুনিছিল। আৰু মোক দেখি তেওঁলোকৰ সন্দেহ আৰু গাঢ় হৈ পৰিছিল৷ দেখাত বেলেগ, খোৱা-বোৱাত বেলেগ আৰু বিচাৰধাৰাও বেলেগ৷ এইদৰেই আমি ৫০ৰ পৰা ৬০ বছৰ পাৰ কৰি আহিলো৷
1999 की और एक बातें… pic.twitter.com/BZnk4lF3uZ
— Temjen Imna Along (@AlongImna) July 13, 2022
লগতে পঢ়ক অতি জঘন্য কাণ্ড! পত্নীক ধৰ্ষণ কৰোৱাই বন্ধুৰ পৰা ধন ঘটে স্বামীয়ে, ইয়াৰ পিছত হ’ল কি?
টেমজেন ইমনা আলাঙে নিজৰ ধেমেলীয়া কথনশৈলীয়ে মানুহক এইবাৰেই স্তম্ভিত কৰি তুলা নাই, ইয়াৰ পূৰ্বে তেওঁ জনসংখ্যা বৃদ্ধিৰ সন্দৰ্ভত এক অতি অনন্য সমাধান দাঙি ধৰিছিল।
তেওঁ লিখিছিল যে জনসংখ্যা বৃদ্ধিৰ বিষয়সমূহৰ বিষয়ে বুদ্ধিমান হওক আৰু সন্তান জন্ম দিয়াৰ ক্ষেত্ৰত বুদ্ধিমত্তাৰ পৰিচয় দিয়ক বা মোৰ দৰে অবিবাহিত হৈ থাকক আৰু আমি একেলগে যাতে বহনক্ষম ভৱিষ্যতৰ দিশত অৰিহণা যোগাব পাৰো। ‘একক আন্দোলন’ত যোগদান কৰো আহক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
