অসম লাইভ ২৪ঃ আজি পবিত্ৰ মহালয়া৷ ঘোঁৰাৰ পিঠিত উঠি ধৰাৰ বুকুলৈ আগমন ঘটিল দেৱী দুৰ্গাৰ৷ মা দুৰ্গাৰ আগমনে জীপাল কৰি তুলিছে ধৰাৰ বুকু৷ পিতৃপক্ষৰ অৱসান ঘটাই আজিৰ পৰা আৰম্ভ হ’ল দেৱীপক্ষৰ৷ পুৱাই ভক্তি-বন্দনাৰে মুখৰিত হ’ল সমগ্ৰ ৰাজ্য৷ দুৰ্গতিনাশিনী মা দুৰ্গাৰ আৰাধনাত ব্যস্ত হৈ পৰিল ভক্তসকল৷ ১১ অক্টোবৰৰ পৰা ষষ্ঠী পূজাৰ আৰম্ভণি হ’ব৷ ষষ্ঠীৰ বেদীত অধিষ্ঠিত কৰিব দেৱী দুৰ্গাক৷ ১৫ অক্টোবৰত হ’ব দশমী৷ সকলোৰে প্ৰাৰ্থনা মা দুৰ্গাই নাশ কৰক অসূয়া-অমংগল৷ শান্তিৰ ঢল বোৱাই আনক ধৰাৰ বুকুলৈ৷ বিগত বৰ্ষত কোভিড মহামাৰীৰ বাবে পূজা অনুষ্ঠিত কৰিব পৰা নাছিল যদিও এইবাৰ কোভিড বিধি মানি ৰাজ্যবাসীয়ে উদযাপন কৰিব দুৰ্গা পূজা৷ মহালয়া উপলক্ষে ৰাজ্য ভিন্ন প্ৰান্তৰ লগতে গুৱাহাটীৰ পাণ্ডু ঘাটতো ভক্তৰ ভিৰ৷ আজি পবিত্ৰ মহালয়া উপলক্ষে ৰাজ্যবাসীক শুভেচ্ছা জ্ঞাপন কৰাৰ লগতে সকলোৰে সুখ-সমৃদ্ধি কামনা কৰিছে মুখ্যমন্ত্ৰী ড০ হিমন্ত বিশ্ব শৰ্মাই৷
আজি পৱিত্ৰ মহালয়া। ভক্তিৰ মংগলধ্বনিৰে মা দুৰ্গাৰ আজি আগমন ঘটিছে ধৰাৰ বুকুলৈ। এনে এটি বিশেষ দিনত প্ৰিয় অসমবাসীৰ সুখ-সমৃদ্ধি কামনাৰে মাৰ শ্ৰীচৰণত শতকোটি সেৱা জনাইছোঁ। জয় মা দুৰ্গা। pic.twitter.com/7Y4IFDSKn5
— Himanta Biswa Sarma (@himantabiswa) October 6, 2021
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
